Apple Watch Series 8: iPhone 14 પહેલા લોન્ચ થઈ કંપનીની નવી Smartwatch, અહીં જાણો ફીચર્સ- કિંમત

iPhone 14 Launch: ઈવેન્ટ શરૂ થતાની સાથે જ સીઈઓ ટિમ કુકે એપલ વોચ લોન્ચ કરી. લોન્ચિંગ પહેલા Appleએ વોચની ખાસિયતો જણાવી અને ઘણી કહાનીઓ શેર કરી, જેમાં બતાવવામાં આવ્યું કે Apple Watchએ કેવી રીતે જીવ બચાવ્યો. આ સાથે લોન્ચ ઈવેન્ટની શાનદાર શરૂઆત થઈ.

એપલ વોચ સિરીઝ 8 ડિઝાઇન
Apple Watch Series 8 ઓલવેઝ ઓન ડિસ્પ્લે સાથે આવે છે. તે ખૂબ જ સ્ટાઇલિશ અને અદ્ભુત દેખાઈ રહી છે. તે પાણી અને ધૂળમાં પણ બગડે તેમ નથી. વોચ સિરીઝ 7ની જેમ ઘણા મોડ ઉપલબ્ધ છે, જે તમને ફિટ રાખશે. ટેમ્પરેચર સેન્સર સાથે વોચ સીરીઝ 8 સીરીઝ લોન્ચ કરવામાં આવી છે.

એપલ વોચ સીરીઝ 8 ફીચર્સ
Apple Watch Series 8માં જે નવું ફીચર આવ્યું છે તે કાર ક્રેશ ડિટેક્શન છે. તેના મારફતે તમને દુર્ઘટનાથી બચાવી શકે છે. તે દમદાર બેટરી સાથે આવે છે. આ વખતે આમાં લો પાવર મોડ ઉપલબ્ધ છે. ફુલ ચાર્જ થવા પર તે 36 કલાક સુધી ચાલશે. વૉચ સિરીઝ 8ને વિદેશમાં આંતરરાષ્ટ્રીય રોમિંગ સપોર્ટ મળશે. જેની કિંમત ઘણી ઓછી હશે. એટલે કે એપલ વોચ વિદેશ પ્રવાસ દરમિયાન કામમાં આવવાની છે. તેને સિલ્વર, ગોલ્ડ અને ગ્રાફેડ કલરમાં રજૂ કરવામાં આવ્યું છે.

તમને જણાવી દઈએ કે આ સ્માર્ટવોચમાં મહિલાઓ માટે ખાસ ફીચર્સ છે, જેનાથી તેઓ જાણી શકે છે કે તેઓ ક્યારે ઓવ્યુલેટ થઈ રહ્યા છે. આ એક ખૂબ જ નવી સુવિધા છે અને મહિલાઓ તેના માટે ખૂબ જ ઉત્સાહિત છે.

એપલે વોચ અલ્ટ્રાને કરી છે લોન્ચ 
એપલ વોચ અલ્ટ્રા ટાઇટેનિયમ કેસ સાથે આવે છે. તે ધણી મજબૂત છે. એટલે કે તે દરેક સ્થિતિમાં કામ કરશે. ગરમી હોય કે પાણીમાં. તેની ડિઝાઇન પણ યૂનિક છે. આ વખતે ઘડિયાળના સ્પીકરો પર કામ કરવામાં આવ્યું છે. બાજુમાં મોટા સ્પીકર્સ ઉપલબ્ધ છે. તે એક ચાર્જ પર 36 કલાક સુધી અને વિસ્તૃત બેટરી સાથે 60 કલાક સુધી ચાલે છે.

Apple Watch SE ખાસિયતો અને કિંમત
એવું કહેવામાં આવી રહ્યું છે કે આ વખતે Apple Watch SEને એવી રીતે બનાવવામાં આવી છે કે કાર્બન ફૂટપ્રિન્ટમાં 80% સુધીનો ઘટાડો થયો છે. આ ઘડિયાળમાં મોશન સેન્સર પણ ઉપલબ્ધ હશે જે ક્રેશ ડિટેક્શન માટે ઉપયોગી થશે. તેની ડિસ્પ્લે પણ વોચ સિરીઝ 8 જેવી એટલે કે 20% ઝડપી બની ગઈ છે. તેની ફેમિલી સેટઅપ સુવિધા સાથે તમે તમારા બાળકની સ્માર્ટવોચ અલગથી સેટ કરી શકો છો. કિંમત વિશે વાત કરીએ તો, તેનું GPS મોડલ $249માં અને સેલ્યુલર મોડલ $299માં ખરીદી શકાય છે. વેચાણ 16 સપ્ટેમ્બર, 2022થી શરૂ થશે.

એપલ વોચ સિરીઝ 8 કિંમત
Apple Watch Series 8 ના GPS વેરિઅન્ટની કિંમત $399 (રૂ. 31,807) અને સેલ્યુલર વેરિઅન્ટની કિંમત $499 (રૂ. 39,779) છે. તે 16 સપ્ટેમ્બર 2022થી બજારમાં આવશે.