Bike Tips : બાઇકનું એન્જિન ઓઇલ કેટલા કિલોમીટરે બદલવું જોઈએ ? ભૂલ કરી તો થશે મોટું નુકસાન

Bike Tips : જો તમે બાઇકનું એન્જિન ઓઇલ બદલવામાં એક અઠવાડિયાનો પણ વિલંબ કરો છો, તો બાઇકના એન્જિનને ભારે નુકસાન થઈ શકે છે અને તમારે મોટું નુકસાન સહન કરવાનો વારો આવી શકે છે.

Bike Tips : જો તમે દરરોજ બાઇક દ્વારા તમારી ઓફિસ જાઓ છો અને દરરોજ લગભગ 10થી 20 કિલોમીટર મુસાફરી કરો છો, તો તમારે બાઇકનું એન્જિન ઓઇલ સમયસર બદલવું જોઈએ. જો તમે ઓઈલ બદલવામાં એક અઠવાડિયાનો પણ વિલંબ કરો છો તો તમારી બાઇકના એન્જિનને નુકસાન પહોંચી શકે છે. આજે અમે તમને બાઇકનું એન્જિન ઓઇલ ક્યારે બદલવું જોઈએ તેના વિશે જણાવીશું. 

એન્જિન ઓઇલ બદલવાનો યોગ્ય સમય

દર 3,000-4,000 કિમી : મોટાભાગના બાઇક યુઝર્સને સલાહ આપવામાં આવે છે કે દર 3,000-4,000 કિમીએ એન્જિન ઓઇલ બદલવું યોગ્ય છે, જો તમે આ કાળજી રાખશો તો તમારા બાઇકના એન્જિનને લાંબા સમય સુધી કોઈ સમસ્યાનો સામનો કરવો પડશે નહીં, બીજી તરફ, જો તમે તેના પ્રત્યે બેદરકાર રહેશો, તો બાઇકના એન્જિનને સમસ્યા થઈ શકે છે.

નવી બાઇક માટે : જો તમે નવી બાઇક ખરીદી હોય, તો સલાહ છે કે તમારે 500-700 કિમી પછી કે પહેલા ઓઈલ બદલવું જોઈએ, જેથી એન્જિન ઓઇલનું માઇલેજ વધે છે . આનાથી એન્જિનમાં ઘર્ષણ પણ ઓછું થાય છે અને એન્જિન વધુ સારી રીતે કામ કરવાનું શરૂ કરે છે અને તમને બમ્પર માઇલેજ મળે છે.

જૂની અથવા વધુ વપરાયેલી બાઇક : જો બાઇક જૂની હોય અથવા વધુ વપરાયેલી હોય તો 2,000-3,000 કિમીની વચ્ચે એન્જિન ઓઇલ બદલવું વધુ સારું છે.