PAN Card એપ્લાય કરતી વખતે ભૂલથી પણ ના કરતા આ નાનકડી ભૂલ! બની શકો છો આ સ્કેમના શિકાર

PAN Card Scam: જો તમે પણ ઓનલાઈન PAN Card માટે અરજી કરી રહ્યા છો તો સાવધાન થઈ જજો. ભૂલથી પણ તમે એવી ભૂલ ના કરી બેસતા કે તમે પણ આ સ્કેમનો શિકાર થઈ શકો છથો. ચલો જાણીએ તેના વિશે....

PAN Card Scam: ભારત અત્યારે ડિજિટલ ટ્રાન્સફોર્મેશનના તબક્કામાંથી પસાર થઈ રહ્યું છે. કરિયાણાના સામાનથી લઈને આધાર અને પેન કાર્ડ જેવા જરૂરી દસ્તાવેજો અપડેટ કરવા સુધીની દરેક સેવા હવે ઓનલાઈન ઉપલબ્ધ છે. જો કે, ડિજિટલ સ્પેસ પર વધતી જતી નિર્ભરતા સાથે ઓનલાઈન સ્કેમ્સમાં પણ નોંધપાત્ર વધારો થયો છે. સ્કેમર્સ નેટિઝન્સને છેતરવા માટે નવા રસ્તાઓ શોધી રહ્યા છે જેઓ તેમના કાર્યને પૂર્ણ કરવા માટે આ ઑનલાઇન જગ્યાનો ઉપયોગ કરે છે. આવો જ એક તાજેતરનો કિસ્સો કાનપુરથી પ્રકાશમાં આવ્યો છે જ્યાં એક વ્યક્તિએ તેના પૌત્ર માટે ઓનલાઈન પાન કાર્ડ માટે અરજી કરવાનો પ્રયાસ કર્યો, આ દરમિયાન તેમણે 7.7 લાખ રૂપિયા ગુમાવ્યા. આવો જાણીએ શું છે સમગ્ર મામલો...

શું છે સમગ્ર મામલો?
આ કૌભાંડ ત્યારે થયું જ્યારે પીડિતા,  સર્વોદય નગરના નવશીલ મોતી વિહારના રહેવાસી સુરેશ ચંદ્ર શર્મા પોતાના પ્રપૌત્ર કનિષ્ક પાંડે માટે બનાવેલું પાન કાર્ડ મેળવવા માટે ઓનલાઈન સર્ચ કરી રહ્યા હતા. 10 નવેમ્બરે મદદ માટે ઓનલાઈન સર્ચ કરતી વખતે શર્માને કસ્ટમર કેર હેલ્પલાઈન નંબર મળ્યો. તેમણે નંબર ડાયલ કરતાની સાથે જ બે વ્યક્તિઓએ તેમનો સંપર્ક કર્યો હતો. બંને શખ્સોએ પોતાની ઓળખ ગ્રાહક સેવા અધિકારીઓ તરીકે આપી હતી. તેઓએ પીડિતને કહ્યું કે તમારે પાન કાર્ડ માટે અરજી કરવા માટે કેટલીક પ્રક્રિયાઓ પૂર્ણ કરવી પડશે, ત્યારબાદ સ્કેમર્સે પીડિત પાસેથી આધાર કાર્ડ, પાન કાર્ડ અને બેંકિંગ વિગતો માંગી.

બે વાર ડેબિટ થયા પૈસા
પીડિતાએ તેને સાચું માન્યું અને તમામ વિગતો શેર કરી. ત્યારબાદ સ્કેમર્સે પીડિતાના બેંક એકાઉન્ટ્સ એક્સેસ કરવા માટે આ માહિતીનો લાભ લીધો હતો. આખરે, તેમણે આ છેતરપિંડીપૂર્ણ વ્યવહારમાં અનુક્રમે રૂ. 1,40,071 અને રૂ. 6,30,071 ગુમાવ્યા, જે કુલ રૂ. 7.7 લાખનું નુકસાન હતું. વૃદ્ધ માણસને તેમના ખાતામાંથી ડેબિટ જોયા પછી જ છેતરપિંડીનો અહેસાસ થયો. પછી, કૌભાંડની જાણ થતાં પીડિતાએ તરત જ તેની બેંક અને પોલીસમાં આગળની પ્રવૃત્તિ રોકવા માટે ફરિયાદ નોંધાવી હતી.

એવામાં જો તમે પણ PAN Card અરજી કરી રહ્યા હોવ તો આ વાતોનું જરૂર ધ્યાન રાખો...

આ 4 વાતોનું રાખો ધ્યાન

• વેબસાઈટ અથવા તો કસ્ટરમર સર્વિસસ નંબર્સની ઓથોટિસિટીની હંમેશાં બે વખત તપાસ કરો. પેન કાર્ડ સાથે સંબંધિત સેવાઓ માટે NSDL અથવા UTIITSL જેવા ઓફિશિયલ સરકારી પોર્ટલનો ઉપયોગ કરો.
• આધાર કે પેન કાર્ડ ડિટેલ્સ અને બેકિંગ ક્રેડેંશિયલ જેવી જાણકારીને Unverified વ્યક્તિઓ અથવા પ્લેટફોર્મની સાથે શેર ના કરો.
• કસ્ટમર સપોર્ટનો દાવો કરનાર કોલ્સ અથવા તો મેસેજથી સાવધાન રહો.
• શંકાની સ્થિતિમાં પોલીસ કે સાઈબર ગુના રિપોર્ટિંગ પોર્ટલ cybercrime.gov.in પર તેનો રિપોર્ટ કરો.