સુપરહિટ થઈ નવી Kia Seltos Facelift, પહેલા જ દિવસે મળ્યું અધધ બુકિંગ

2023 Kia Seltos: કાર ઉત્પાદક કિયા ઈન્ડિયાએ તાજેતરમાં તેની સેલ્ટોસ એસયુવીનું ફેસલિફ્ટ વર્ઝન રજૂ કર્યું હતું, જેના માટે 14 જુલાઈથી બુકિંગ શરૂ થયું હતું.

2023 Kia Seltos Facelift: કાર ઉત્પાદક કિયા ઇન્ડિયાએ તાજેતરમાં તેની સેલ્ટોસ એસયુવીનું ફેસલિફ્ટ વર્ઝન રજૂ કર્યું હતું, જેના માટે 14 જુલાઈથી બુકિંગ શરૂ થયું હતું. કિઆ સેલ્ટોસના ફેસલિફ્ટેડ વર્ઝનને બુકિંગ ઓપનિંગના પહેલા જ દિવસે રેકોર્ડ બુકિંગ મળ્યું છે. પ્રથમ દિવસે, કિયાને સેલ્ટોસ માટે 13,424 પ્રી-ઓર્ડર મળ્યા છે. તેમાંથી 1,973 કાર K-કોડ દ્વારા બુક કરવામાં આવી છે. કિયા ઈન્ડિયાએ શનિવારે આ માહિતી આપી હતી.

કિયા ઇન્ડિયાએ એક નિવેદનમાં જણાવ્યું હતું કે, “આ (13,424 બુકિંગ)માંથી 1,973 બુકિંગ K-કોડ દ્વારા કરવામાં આવ્યા છે. Tae-Jin Park, MD અને CEO, Kia India, જણાવ્યું હતું કે, “અમને વિશ્વાસ છે કે નવી સેલ્ટોસ મિડ-સાઇઝ SUV સેગમેન્ટમાં નવી જાન ફૂંકી દેશે અને ખુબ આગળ વધશે.''

નોંધપાત્ર રીતે, જૂના મોડલની તુલનામાં નવા Kia Seltos ફેસલિફ્ટમાં ઘણા ફેરફારો કરવામાં આવ્યા છે. તેને વધુ એડવાન્સ અને હાઇટેક બનાવવામાં આવ્યું છે. પેનોરેમિક સનરૂફ હવે નવા Kia Seltos ફેસલિફ્ટમાં ઉપલબ્ધ છે. એટલું જ નહીં, તેમાં લેવલ-2 ADAS આપવામાં આવ્યું છે, જેમાં 17 ફીચર્સ છે. 

એન્જિનના કુલ ત્રણ વિકલ્પો છે - 1.5L નેચરલી એસ્પિરેટેડ પેટ્રોલ (115bhp/144Nm), 1.5L ડીઝલ એન્જિન (115bhp/253Nm) અને નવું 1.5L ટર્બો પેટ્રોલ એન્જિન (160bhp/253Nm). તેમાં 6-સ્પીડ મેન્યુઅલ, 6-સ્પીડ ઓટોમેટિક, 6-સ્પીડ iMT, IVT અને 7-સ્પીડ ડ્યુઅલ-ક્લચ ઓટોમેટિક ટ્રાન્સમિશનનો વિકલ્પ છે.