આવી ગઈ તારીખ...આ દિવસે લોન્ચ થશે મારુતિની પ્રથમ ઇલેક્ટ્રિક કાર, જાણો કેટલી હશે કિંમત ?

Maruti e-Vitara : કંપની મારુતિ સુઝુકી ઇ-વિટારાને કુલ 10 કલર વિકલ્પોમાં લોન્ચ કરવાની તૈયારી કરી રહી છે. ત્યારે આ ઇલેક્ટ્રિક કારમાં કયા ફીચર્સ હશે અને ક્યારે લોન્ચ થવાની છે તેમજ તેની કિંમત કેટલી હશે તેના વિશે આ લેખમાં જાણીશું.

Maruti e-Vitara : ભારતીય બજારમાં મારુતિ સુઝુકીની કારની ખૂબ માંગ છે. હવે મારુતિ સુઝુકીએ તેની પહેલી ઇલેક્ટ્રિક કાર ઇ-વિટારા લોન્ચ કરવાની જાહેરાત કરી છે. કંપનીની આ ઇલેક્ટ્રિક કાર 3 સપ્ટેમ્બર 2025ના રોજ ભારતીય બજારમાં લોન્ચ કરવામાં આવશે. અગાઉ મારુતિ ઇ-વિટારાને ઇન્ડિયા મોબિલિટી ગ્લોબલ એક્સ્પો 2025માં પ્રદર્શિત કરવામાં આવી હતી.

કંપની કુલ 10 કલર વિકલ્પોમાં મારુતિ સુઝુકી ઇ-વિટારા લોન્ચ કરવાની તૈયારી કરી રહી છે, જેમાં 6 મોનો-ટોન અને 4 ડ્યુઅલ-ટોન કલરનો સમાવેશ થાય છે. મોનો-ટોન વિકલ્પોમાં નેક્સા બ્લુ, સ્પ્લેન્ડિડ સિલ્વર, આર્કટિક વ્હાઇટ, ગ્રાન્ડિયર ગ્રે, બ્લુશ બ્લેક અને ઓપ્યુલન્ટ રેડ જેવા રંગોનો સમાવેશ થાય છે.

મારુતિ ઇ-વિટારામાં આ ફીચર્સ હશે

ઇ-વિટારાને પ્રીમિયમ બનાવવા માટે કંપનીએ કારમાં LED હેડલાઇટ, DRL અને ટેલલેમ્પ જેવા ફીચર્સ આપે તેવી શક્યતા છે. SUVમાં 18-ઇંચ વ્હીલ્સ અને સક્રિય એર વેન્ટ ગ્રિલ આપવામાં આવશે, જે એરોડાયનેમિક કાર્યક્ષમતા વધારે છે.

મારુતિ ઇ-વિટારામાં પેનોરેમિક સનરૂફ, મલ્ટી-કલર એમ્બિયન્ટ લાઇટિંગ અને ડિજિટલ સુવિધાઓ મળવાની અપેક્ષા છે. તેમાં 10.25-ઇંચ ડિજિટલ ઇન્સ્ટ્રુમેન્ટ ક્લસ્ટર અને 10.1-ઇંચ ટચસ્ક્રીન ઇન્ફોટેનમેન્ટ સિસ્ટમ જેવા ફીચર્સ શામેલ કરવામાં આવ્યા છે. કારમાં ઉપલબ્ધ આ સિસ્ટમ વાયરલેસ એન્ડ્રોઇડ ઓટો અને એપલ કારપ્લેને સપોર્ટ કરે છે.

મારુતિ ઇ-વિટારામાં આ સેફ્ટી ફીચર્સ હશે

મારુતિ ઇ-વિટારા સલામતીની દ્રષ્ટિએ કોઈથી ઓછી નથી. તેમાં લેવલ 2 ADAS ટેકનોલોજી આપવામાં આવશે, જેમાં લેન કીપ આસિસ્ટ અને એડેપ્ટિવ ક્રુઝ કંટ્રોલ જેવા અદ્યતન સેફ્ટી ફીચર્સ શામેલ હશે. SUVમાં 7 એરબેગ્સની સુવિધા હશે જે ડ્રાઇવર અને પેસેન્જર બંનેની સલામતી સુનિશ્ચિત કરે છે. અન્ય સેફ્ટી ફીચર્સમાં બ્લાઇન્ડ સ્પોટ મોનિટર, ટાયર પ્રેશર મોનિટર, 360-ડિગ્રી કેમેરા અને ફ્રન્ટ અને રીઅર પાર્કિંગ સેન્સરનો સમાવેશ થાય છે.

મારુતિ સુઝુકી ઇ-વિટારાની કિંમત

મારુતિ સુઝુકી ઇ-વિટારા સંભવિત રીતે 17-18 લાખ રૂપિયાની પ્રારંભિક એક્સ-શોરૂમ કિંમતે લોન્ચ થઈ શકે છે. મારુતિ ઇ-વિટારાના ટોપ સ્પેક વેરિઅન્ટની કિંમત 25 લાખ રૂપિયા સુધી હોઈ શકે છે.