એક જબરદસ્ત ફોન આજે રાત્રે 12 વાગ્યે મુકાશે સેલમાં, મળે છે માત્ર ફ્લિપકાર્ટ પર

સ્માર્ટફોન ફ્લિપકાર્ટ એક્સક્લુઝિવ છે અને એમાં બેંક ઓફર્સની સાથે રિલાયન્સ જિયો તરફથી પણ ઓફર આપવામાં આવી રહી છે

નવી દિલ્હી : Realmeએ ગયા મહિને પોતાના બે સ્માર્ટફોન લોન્ચ કર્યા હતા જેમાં Realme 2 Pro અને Realme C1 શામેલ છે. આ બંને સ્માર્ટફોન ફ્લિપકાર્ટ પર એક્સક્લુઝિવ છે અને બંને સ્માર્ટફોન ફ્લિપકાર્ટ પર ફ્લેશ સેલ મારફતે ઉપલબ્ધ કરાવવામાં આવે છે. આમાંથી Realme 2 Pro આજે રાત્રે 12 વાગ્યે સેલમાં ઉપલબ્ધ કરાવવામાં આવશે. 

Realme 2 Proના 4જીબી રેમ/64જીબી સ્ટોરેજ વેરિઅન્ટની કિંમત 13,990 રૂ., 6જીબી રેમ/64જીબી સ્ટોરેજ વેરિઅન્ટની કિંમત 15,990 રૂ. અને 8જીબી રેમ/128જીબી સ્ટોરેજ ઓપ્શનની કિંમત 17,990 રૂ. છે. સેલ દરમિયાન ગ્રાહક કોઈ પણ માસ્ટરકાર્ડથી ટ્રાન્ઝેક્શન કરશે તો વધારાનું 10% ડિસ્કાઉન્ટ મળશે. આ સિવાય તમે બજાજ ફિનસર્વ EMI કાર્ડ દ્વારા નો કોસ્ટ EMI પણ કરાવી શકો છો. રિલાયન્સ જિયો પણ આ ખરીદવા માટે 4,450 રૂ.ના બેનિફિટ્સ તેમજ 1.1 જીબી ડેટા આપી રહ્યું છે. 

Realme 2 Proમાં ક્વોલકોમ સ્નેપડ્રેગન 660 SoC અને 8જીબી રેમ તેમજ 128જીબી ઇન્ટરનલ સ્ટોરેજ છે. આ સાથે જ ડિવાઇસ એન્ડ્રોઇડ 8.1 Oreo સાથે Oppo ColorOS પર કાર્ય કરે છે. આ સાથે એમાં 3,500mAhની બેટરી પણ આપવામાં આવી છે. આ ખાસ ફોનમાં 6.3-ઇંચ HD+ IPS LCD સ્ક્રીન સાથે 19:9 એસ્પેક્ટ રેશિયો અને વોટર ડ્રોપ સ્ટાઇલ નોચ છે. આ સાથે એમાં બે સીમ કાર્ડ અને એક માઇક્રો એસડી કાર્ડ માટે અલગથી સ્લોટ આપવામાં આવ્યો છે. ફોટોગ્રાફી માટે Realme 2 Proમાં 16 મેગાપિક્સેલ + 2 મેગાપિક્સેલ ડ્યુઅલ કેમેરા સેટઅપ છે. ફોનમાં રિયરના ભાગમાં ફિંગરપ્રિન્ટ સેન્સર અને ફેસ અનલોક ફિચર પણ છે.