ઓટો માર્કેટમાં થશે ધમાલ, ભારતમાં આગામી સમયમાં લોન્ચ થશે નવી 6 SUV, જાણો વિગત

Upcoming SUV: કારના મામલામાં હવે લોકોની પહેલી પસંદ એસયુવી બની રહી છે. ભારતમાં એસયુવીનું માર્કેટ શેર 50 ટકાથી વધી ગયું છે.

Upcoming Compact SUV: એસયુવી કાર હવે લોકોની પસંદ બની રહી છે. ભારતમાં એસયુવી સેગમેન્ટનું માર્કેટ શેર 50 ટકાથી વધુ થઈ ગયું છે. કાર કંપનીઓ વધુ એસયુવી લોન્ચ કરવા પર ફોકસ કરી રહી છે. હવે આવનારા સમયમાં ઓછામાં ઓછી છ નવી એસયુવી લોન્ચ થવાની છે. આવો તમને જણાવીએ કઈ-કઈ એવયુવી માર્કેટમાં આવવાની છે...

ટાટા નેક્સન સીએનજી
ટાટા નેક્સન સીએનજીને 2024ના બીજા છ મહિનામાં વેચાણ માટે ઉપલબ્ધ કરાવી શકાય છે. આ મોડલ વર્ષની શરૂઆતમાં ભારત મોબિલિટી શોમાં જોવા મળ્યું હતું. આ દેશની પ્રથમ ટર્બોચાર્જ્ડ સીએનજી કાર હશે. સીએનજી વર્ઝનની ડિઝાઇન તેના આઈસીઈ વર્ઝન જેવી હશે.

અપડેટેડ નિસાન મેગ્નાઇટ
ભારતમાં ચાર વર્ષ પૂરા કર્યા બાદ હવે નિસાન મેગ્નાઇટ સબકોમ્પેક્ટ એસયુવીને 2024ના અંતમાં મિડ-લાઇફ અપડેટ મળવાની આશા છે. તેના એક્સટીરિયર અને ઈન્ટીરિયરમાં સામાન્ય ફેરફાર જોવા મળી શકે છે, જ્યારે એન્જિન અત્યારે છે તે રહી શકે છે. 

આ પણ વાંચોઃ ગરમીમાં વધારે આવી રહ્યું છે વીજળીનું બિલ! આ સ્માર્ટ ટિપ્સ અપનાવી મેળવી શકો છો ફાયદો

કિઆ સિરોસ/ક્લેવિસ
કિઆની આવનારી નવી માઇક્રો એસયુવીનું નામ સિરોસ કે ક્લેવિસ હોવાની સંભાવના છે, જે હ્યુન્ડાઈ ગ્રાન્ડ i10 નિઓસ, ટાટા પંચ અને મારૂતિ સુઝુકીની ફ્રોંક્સને ટક્કર આપશે. આ મોડલમાં ટોલ સ્ટાન્સ અને હાઈ ગ્રાઉન્ડ ક્લિયરન્સ હશે. તેમાં વર્ટિકલી પોઝિશન એલઈડી હેન્ડલેમ્પ મળી શકે છે.

સ્કોડા અને ફોક્સવેગન એસયુવી
સ્કોડા અને ફોક્સવેગન, સબ-4 કોમ્પેક્ટ એસયુવી સેગમેન્ટમાં એન્ટર કરવા માટે તૈયાર છે. નવી સ્કોડા કોમ્પેક્ટ એસયુવીને માર્ચ 2025 સુધી લોન્ચ કરી શકાય છે. આ સમયે તે પરીક્ષણ તબક્કામાં છે. આશા છે કે તેનું પ્રોડક્શન-રેડી વર્ઝન 2025 ભારત મોબિલિટી શોમાં રજૂ કરી શકાય છે. 

2025 હ્યુન્ડાઈ વેન્યૂ
આગામી વર્ષ (2024) હ્યુન્ડાઈ વેન્યૂ પોતાની બીજી પેઢીમાં પેઢીમાં પહોંચવા માટે તૈયાર છે. તેનું કોડનેમ પ્રોજેક્ટ Q2Xi જણાવવામાં આવી રહ્યો છે. 2025 હ્યુન્ડાઈ વેન્યૂની ડિઝાઇન અને ઈન્ટીરિયરમાં ઘણો ફેરફાર (વર્તમાન મોડલના મુકાબલે) હોવાની સંભાવના છે.