હવે WhatsApp દ્વારા સીધો જ કોલ થશે; 7 સ્ટેપમાં ઉપયોગ કરી શકશો નવું અપડેટ

હવે તમે વોટ્સએપ દ્વારા સીધો કોલ કરી શકો છો. જી હા.. આ કરવા માટે તમારે 7 સરળ સ્ટેપ ફોલો કરવા પડશે. જે પછી WhatsApp ડિફોલ્ટ કોલિંગ માટે સેટ કરી શકાય છે.

WhatsApp પર ઘણા અદ્ભુત ફીચર્સ છે, જેનો ઉપયોગ કરીને ઇન્સ્ટન્ટ મેસેજિંગ એપ પર યુઝરનો અનુભવ વધુ સારો બની શકે છે. વોટ્સએપ તેના યુઝર્સ માટે સમયાંતરે અનેક ફીચર્સ રોલઆઉટ કરતું રહે છે.

વોટ્સએપનું નવું ફીચર
WhatsAppએ iPhone યુઝર્સ માટે એક શાનદાર ફીચર રજૂ કર્યું છે. જેની મદદથી યુઝર્સ વોટ્સએપનો ઉપયોગ તેમની ડિફોલ્ટ કોલિંગ અને મેસેજિંગ એપ તરીકે કરી શકે છે. આ માટે, તમારા iPhone માં નવીનતમ સોફ્ટવેર ઇન્સ્ટોલ કરો.

WhatsAppને ડિફોલ્ટ કૉલિંગ તરીકે કેવી રીતે સેટ કરવું

તમે WhatsAppને તમારા ડિફોલ્ટ કૉલિંગ તરીકે સેટ કરી શકો છો. એટલે કે કોલ સીધો જ વોટ્સએપ દ્વારા થશે. આ માટે અલગથી વોટ્સએપ પર જઈને કોલ કરવાની જરૂર રહેશે નહીં. યૂઝર્સ iOS 18.2 અપડેટ કર્યા બાદ તેનો ઉપયોગ કરી શકે છે.

એપલના APIનો સપોર્ટ WhatsAppના લેટેસ્ટ વર્ઝનમાં ઉપલબ્ધ થશે. મતલબ કે કોલ કરવા માટે એપલની બિલ્ટ-ઇન ફોન એપની જગ્યાએ WhatsApp પણ સેટ કરી શકાય છે. વોટ્સએપ કોલ સરળતાથી રેકોર્ડ કરી શકાતા નથી. આવી સ્થિતિમાં યુઝર કોલ રેકોર્ડ કરાવવાથી પણ બચી શકે છે.

આ ફીચરનો ઉપયોગ કરવા માટે સૌથી પહેલા એપ સ્ટોર પર જઈને WhatsApp અપડેટ કરો.

• આ પછી iPhone ના સેટિંગ્સ ખોલો.
• અહીં તમારે Appsનો વિકલ્પ પસંદ કરવાનો રહેશે.
• આ અંતર્ગત Default Apps પર ટેપ કરો.
• અહીં તમને કૉલિંગનો વિકલ્પ દેખાશે.
• કૉલિંગ પર ટેપ કર્યા પછી તમારે અહીં WhatsApp પર ટેપ કરવું પડશે.
• આમ કરવાથી ડિફોલ્ટ કોલિંગ એપ WhatsApp સેટ થઈ જશે.