64MP કેમેરા અને સુપરફાસ્ટ ચાર્જિંગની સાથે આવ્યો ઓપ્પોનો નવો ફોન, જાણો કિંમત અને ખાસિયત

નવી દિલ્હીઃ ઓપ્પોએ માર્કેટમાં પોતાનો નવો સ્માર્ટફોન Oppo Reno7 4G ને લોન્ચ કરી દીધો છે. આ ફોન 64 મેગાપિક્સલના પ્રાઇમરી કેમેરા અને 33 વોલ્ટના ફાસ્ટ ચાર્જિંગની સાથે આવે છે. કંપનીએ આ ફોનને હાલ ઈન્ડોનેસિયામાં લોન્ચ કર્યો છે. 8જીબી રેમ અને 256 જીબી ઈન્ટરનલ સ્ટોરેજની સાથે આવનાર આ ફોનની કિંમત IDR 5,200,000 (આશરે 27,500 રૂપિયા) છે. ફોનનો સેલ 1 એપ્રિલથી શરૂ થશે. 

ઓપ્પો રેનો 7  4G ના ફીચર અને સ્પેસિફિકેશન
ફોનમાં કંપની 1080x2400 પિક્સલ રેઝોલૂશનની સાથે 6.43 ઇંચની ફુલ એચડી+ પંચ-હોલ AMOLED ડિસ્પ્લે આપી રહી છે. ફોનમાં મળનાર આ ડિસ્પ્લે 90Hz ના રિફ્રેશ રેટ અને 120Hz ના ટચ સેમ્પલિંગ રેટની સાથે આવે છે. તો ફોનનો સ્ક્રીન ટૂ બોડી રેશિયો 90.8 ટકાનો છે. ડિસ્પ્લે પ્રોટેક્શન માટે તેમાં ગોરિલ્લા ગ્લાસ 5 પણ આપવામાં આવ્યો છે. 

આ પણ વાંચોઃ ચોંકી ના જતાં, અત્યાર સુધી આ ગાડી ચાલી ગઈ છે 48 લાખ કિલોમીટર! હજુ પણ પરફેક્ટ છે કંડીશન

ફોટોગ્રાફી માટે ફોનના રિયરમાં એલઈડી ફ્લેશની સાથે ત્રણ કેમેરા આપવામાં આવ્યા છે. તેમાં 64 મેગાપિક્સલનો પ્રાઇમરી કેમેરાની સાથે એક 2 મેગાપિક્સલનો મેક્રો કેમેરા અને એક 2 મેગાપિક્સલનો ડેપ્થ કેમેરો આપ્યો છે. સેલ્ફી માટે કંપનીએ આ ફોનમાં 32 મેગાપિક્સલનો ફ્રંટ કેમેરો આપ્યો છે. ફોનની રિયર પેનલને તેનો ફાઇબરગ્લાસ-લેધર ડિઝાઇન ખુબ પ્રીમિયમ બનાવી દે છે. 

ફોનને પાવર આપવા માટે તેમાં 4500mAh ની બેટરી આપી છે. આ બેટરી 33 વોટના SuperVOOC ચાર્જિંગને સપોર્ટ કરે છે. કનેક્ટિવિટી માટે કંપની આ ફોનમાં ડ્યૂલ 4G VoLTE, વાઈ-ફાઈ, બ્લૂટૂથ 5.1, જીપીએસ, એનએફસી, યૂએસબી ટાઈપ-સી પોર્ટ અને 3.5mm હેડફોન જેક જેવા ઓપ્શન આપવામાં આવે છે.