વ્રત દરમિયાન ઘરમાં નાસ્તા માટે વેફર કે ચીપ્સ પણ બનાવવાની હોય છે. આજે તમને કાચા કેળાની ક્રિસ્પી વેફર કેવી રીતે બનાવવી તે જણાવીએ.
કેળાની વેફર બનાવવા માટે કડક હોય એવા અને મોટા કાચા કેળા લેવા.
સૌથી પહેલા લોઢાની કઢાઈમાં તેલ ગરમ મુકો અને એક વાટકીમાં પાણીમાં મીઠું ઉમેરી મિશ્રણ તૈયાર કરો.
હવે કેળાની છાલ કાઢી લો અને સ્લાઈસરની મદદથી કેળાની ચીપ્સ ડાયરેક્ટ ગરમ તેલમાં ઉતારો.
તેલમાં વેફર ઉતરે પછી ફ્લેમ સ્લો કરી દેવી અને 1 મિનિટ પછી તેમાં થોડું મીઠાનું પાણી છાંટવું.
જો પાણી ન છાંટવું હોય તો કેળાની વેફર તળાતી હોય ત્યારે તેમાં થોડું મીઠું છાંટી દેવું.
વેફરને ગરમ તેલમાં ધીમા તાપે ક્રિસ્પી થાય ત્યાં સુધી તળવી. ક્રિસ્પી થઈ જાય પછી વેફરને ટીશ્યૂ પેપર કાઢવી.
વેફર થોડી ગરમ હોય ત્યારે તેના પર થોડું સંચળ અને મરી પાવડર છાંટી દેવા. આ વેફર ખાવામાં ખૂબ જ સ્વાદિષ્ટ લાગે છે.