જિંજર ગાર્લિક સૂપ ઔષધીય ગુણોથી ભરપુર હોય છે. જે ઈમ્યુનિટી બુસ્ટ કરે છે.
વરસાદી વાતાવરણમાં આ સૂપ પીવાથી વધારે ફાયદો થશે.
આ સૂપ બનાવવા માટે લસણ, આદુ, કોર્ન ફ્લોર, ગાજર, લીલા ધાણા, કાળા મરી, લીંબુનો રસ, મીઠું, માખણ જરૂરી છે.
સૌથી પહેલા આદુ, લસણ અને ગાજરને ઝીણું ઝીણું સમારી લેવું.
એક કઢાઈમાં માખણ ગરમ કરી તેમાં આદુ, લસણ અને ગાજર ઉમેરી બરાબર સાંતળો.
ત્યારપછી તેમાં સૂપ બનાવવું હોય એ પ્રમાણે પાણી ઉમેરી તેમાં મરી પાવડર, મીઠું ઉમેરો.
5 મિનિટ પછી સૂપ ઉકળે એટલે તેમાં કોર્ન ફ્લોરની સ્લીર ઉમેરો અને સૂપને ધીમા તાપે ઉકાળો.
છેલ્લે તેમાં લીલા ધાણા અને લીંબુનો રસ ઉમેરી ગરમાગરમ સર્વ કરો.