નાસ્તામાં વઘારેલા મમરા ખાઈને કંટાળી ગયા હોય તો એકવાર મમરાનો આ નવો નાસ્તો ટ્રાય કરો,
મમરામાંથી સ્વાદિષ્ટ વડા બનાવવાની રીત આજે તમને જણાવીએ.
મમરાના વડા બનાવવા માટે મમરા, લીલા મરચાં, આદું, મરી, જીરું, લીમડાના પાન, ચોખાનો લોટ, લીલા ધાણા, મીઠું અને તળવા માટે તેલ જરૂરી છે.
સૌથી પહેલા મમરાને 5 મિનિટ પાણીમાં પલાળી રાખો અને પછી મમરાનું બધું પાણી નીતારી મમરાને મિક્સરમાં પીસી લો.
એક થાળીમાં મમરાની પેસ્ટ કાઢી તેમાં આદુ-મરચાંની પેસ્ટ, મરી પાવડર, મીઠા લીમડાના પાન, લીલા ધાણા ઉમેરો.
તૈયાર કરેલા મિશ્રણમાં સ્વાદ પ્રમાણે મીઠું, મરી પાવડર મિક્સ કરી સારી રીતે હલાવો.આ પેસ્ટમાં ચોખાનો લોટ ઉમેરો.
વડાના બેટરને 10 મિનિટ ઢાંકી રાખો. ત્યારબાદ તૈયાર કરેલા લોટમાંથી મન પસંદ આકારના વડા બનાવી અને ગરમ તેલમાં તળો.
મમરાના વડા બહારથી ક્રિસ્પી થાય ત્યાં સુધી તળી લો. અને ગ્રીન ચટણી અથવા કેચઅપ સાથે સર્વ કરો.