વ્રતમાં ખાઈ શકાય એવી મીઠાઈમાં કોપરા પાક સૌથી પહેલા યાદ આવે છે.
કોપરા પાક એવી મીઠાઈ છે જેને બનાવવાની રીત સૌથી સરળ છે અને આ મીઠાઈ ઓછી સામગ્રી સાથે બની જાય છે.
આજે તમને એકદમ સોફ્ટ અને સ્વાદિષ્ટ કોપરા પાક ઘરે કેવી રીતે બનાવવો જણાવીએ.
કોપરા પાક બનાવવા માટે 3 કપ નાળિયેરનું ઝીણું ખમણ, 2 કપ ખાંડ, અડધો કપ ફુલ ક્રીમ દૂધ, 2 ચમચી તાજી મલાઈ, એલચી પાવડર જરૂરી છે.
સૌથી પહેલા એક નોનસ્ટિક પેનમાં થોડું ઘી ગરમ કરો અને તેમાં નાળિયેરનું ખમણ ઉમેરી ધીમા તાપે 5 મિનિટ શેકો.
કોપરાના ખમણમાં ખાંડ અને દૂધ ઉમેરી સતત હલાવતા રહો જેથી કોપરાનું મિશ્રણ ચોંટી ન જાય.
ખાંડનું પાણી બળે અને કોપરા પાકનું મિશ્રણ થોડું ઘટ્ટ થાય એટલે તેમાં તાજી મલાઈ એડ કરી ફરીથી હલાવો.
જ્યારે કોપરા પાકનું મિશ્રણ કઢાઈ છોડવા લાગે એટલે તેમાં એલચી પાવડર ઉમેરી ગેસ બંધ કરી દો.
તૈયાર કરેલા કોપરા પાકને ઘી લગાડેલી થાળીમાં પાથરી ઠંડો કરી તેના ટુકડા કરી લો અને એર ટાઈટ કંટેનરમાં સ્ટોર કરી રાખો.