Elon Musk: એલોન મસ્ક ફરી બન્યા વિશ્વના સૌથી ધનિક વ્યક્તિ, જાણો અંબાણી અને અદાણી કયા નંબરે!!

Bloomberg Billionaires Index: ટેસ્લાના સીઈઓ એલોન મસ્ક ફરી એકવાર વિશ્વના સૌથી અમીર વ્યક્તિ બની ગયા છે. આ સાથે જ ગૌતમ અદાણી 38માં સ્થાને પહોંચ્યા છે.

World Richest Man Elon Musk: ગયા વર્ષે વધુ ખોટને કારણે ટેસ્લાના સીઈઓ એલોન મસ્ક વિશ્વના અબજોપતિઓની યાદીમાં બીજા નંબરે સરકી ગયા હતા, પરંતુ આ વર્ષે સંપત્તિમાં થયેલા વધારાને કારણે તેઓ હવે વિશ્વના સૌથી અમીર વ્યક્તિ બની ગયા છે.  ટ્વિટર અને ટેસ્લાના બોસ ફ્રેન્ચ અબજોપતિ બર્નાર્ડ આર્નોલ્ટને પાછળ છોડી દીધા છે.

ગયા વર્ષે ડિસેમ્બરમાં, બર્નાર્ડ આર્નોલ્ટે એલોન મસ્કને પાછળ છોડી દીધા હતા, કારણ કે એલોન મસ્કની સંપત્તિ $200 બિલિયનથી નીચે આવી ગઈ હતી અને આર્નોલ્ડની સંપત્તિમાં વધારો થયો હતો. જો કે, બ્લૂમબર્ગ બિલિયોનેર્સના રિપોર્ટ અનુસાર, એલોન મસ્કે માત્ર 2 મહિનામાં જ નંબર વનનો તાજ પાછો મેળવી લીધો છે. પરંતુ ફોર્બ્સની અબજોપતિઓની યાદીમાં તે હજુ પણ બીજા નંબરે છે.

એલોન મસ્કની કેટલી છે મિલકત?
બ્લૂમબર્ગ બિલિયોનેર્સ ઈન્ડેક્સ અનુસાર, એલોન મસ્કની કુલ નેટવર્થ $187 બિલિયન સુધી પહોંચી ગઈ છે, જ્યારે બીજા નંબરે પહોંચેલા બર્નાર્ડ આર્નોલ્ટની કુલ સંપત્તિ $185 બિલિયન છે. આ વર્ષે એલોન મસ્કની સંપત્તિમાં રેકોર્ડ વધારો થયો છે. જાન્યુઆરીથી, મસ્કે તેની સંપત્તિમાં $50.1 બિલિયન ઉમેર્યા છે. સોમવારે એલોન મસ્કની સંપત્તિમાં 6.98 અબજ ડોલરનો વધારો થયો છે.

આ પણ વાંચો
Tuesday Upay: મંગળવારે કરો હનુમાનજીના આ 4 ઉપાય, તમામ સમસ્યાઓ થશે દૂર
જો સપનામાં જોવા મળે આ 5 વસ્તુઓ તો ખુલી જશે તમારી કીસ્મત, તિજોરીમાં થશે ધનના ઢગલા
આ પાંચ રાશિના લોકો પર વરસશે ભગવાન શિવની કૃપા, ધન-ધાન્યમાં થશે વધારો

ગયા વર્ષે ભારે નુકસાન થયું હતું
વર્ષ 2021 દરમિયાન, ટેસ્લાના સીઈઓ એલોન મસ્ક પાસે $200 બિલિયનથી વધુની સંપત્તિ હતી. ગયા વર્ષે નવેમ્બર અને ડિસેમ્બર દરમિયાન તેમની સંપત્તિમાં એટલો ઘટાડો થયો હતો કે તે ઘટીને $150 બિલિયનથી પણ ઓછી થઈ ગઈ હતી. મસ્કની સંપત્તિમાં આ ઘટાડો ટેસ્લાના શેરના વેચાણને કારણે થયો હતો.

ગૌતમ અદાણી 38મા નંબરે પહોંચ્યા
ફોર્બ્સની અબજોપતિઓની યાદીમાં ગૌતમ અદાણી 38માં નંબરે પહોંચી ગયા છે. તેમની કુલ સંપત્તિ 33.4 અબજ ડોલર છે. બીજી તરફ, બ્લૂમબર્ગની યાદીમાં ગૌતમ અદાણી 32મા નંબરે છે અને અહીં તેમની કુલ સંપત્તિ $37.7 બિલિયન છે.

મુકેશ અંબાણી ટોપ 10માં
બ્લૂમબર્ગના રિપોર્ટ અનુસાર વિશ્વના અબજોપતિઓની યાદીમાં તેઓ 81.1 અબજ ડોલરની સંપત્તિ સાથે 10મા નંબરે છે. બીજી તરફ, ફોર્બ્સની યાદીમાં અંબાણી 84.3 અબજ ડોલરની સંપત્તિ સાથે 8મા નંબરે છે.