Elon Musk ની SpaceX એ તોડ્યો ભારતનો રેકોર્ડ, એક સાથે લોન્ચ કરી 143 સેટેલાઇટ

Elon Musk: એલોન મસ્કની SpaceX એ Falcon9 રોકેટની સાથે 143 સેટેલાઇટ લોન્ચ કરી છે. આ સાથે કંપનીએ ભારતનો રેકોર્ડ તોડી દીધો છે. ભારતે એક સાથે 104 સેટેલાઇટ લોન્ચ કરી હતી.

ફ્લોરિડાઃ એલોન મસ્ક (Elon Musk) ની કંપની  SpaceX એ આ સપ્તાહે ઈતિહાસ બનાવી દીધો છે. એક જ મિશન પર કંપનીએ 143 સેટેલાઇટ લોન્ચ કરી છે.  Falcon 9 રોકેટથી આ તમામ સેટેલાઇટ રવિવારે લોન્ચ કરવામાં આવી હતી. તેમાં 133 કોમર્શિયલ અને સરકારી સેટેલાઇટ હતી. Space X એ આ સાથે એક સાથે સૌથી વધુ સેટેલાઇટ મોકલવાનો રેકોર્ડ બનાવ્યો, જે પહેલા ભારતના નામે હતો. 

તોડ્યો ભારતનો રેકોર્ડ
વર્ષ 2017માં ભારતે 104 સેટેલાઇટ એક સાથે લોન્ચ કરી હતી. તો ફ્લોરિડાના કેપ કનેવરલ સ્પેસ ફોર્સ સ્ટેશનથી SpaceX એ પોતાની 10 સ્ટારલિંક સેટેલાઇટ પણ લોન્ચ કરી છે. Falcon 9 રોકેટ લોન્ચ બાદ રોકેટ બૂસ્ટર સુરક્ષિત પરત અટલાન્ટિક મહાસાગરમાં પરત ફરી આવ્યું છે.  SpaceX ના સ્મોલસેટ રાઇડશેયર પ્રોગ્રામ હેઠળ તેને લોન્ચ કરવામાં આવી જેથી નાના સેટેલાઇટ ઓપરેટરોને સ્પેસ જવાની તક મળી. 

Launching many small satellites for a wide range of customers tomorrow. Excited about offering low-cost access to orbit for small companies! https://t.co/NrXmBML747

— Elon Musk (@elonmusk) January 22, 2021

શું-શું મોકલવામાં આવ્યું?
143 સેટેલાઇટમાં 48 ઇમેજિંગ સેટેલાઇટ છે જેને સુપરડવ ફ્રોમ પ્લેનેટ કહેવામાં આવ્યું છે. આ સિવાય કેપલર માટે 17 સંચાર સેટેલાઇટ છે અને 30 નાની સેટેલાઇટ અમેરિકા અને યૂરોપની છે. આ સિવાય સ્પેસફ્લાઇટ મેમોરિયલ કંપની Celestial માટે નાના કેપ્સૂલ મોકલવામાં આવ્યા છે, જેમાં મનુષ્યની રાખ છે. 

આ પણ વાંચોઃ Joe Biden સરકારમાં ભારતીયોનો ડંકો, વધુ ચાર ભારતીય-અમેરિકી મહત્વપૂર્ણ પદો પર પહોંચ્યા

નાની કંપનીઓ માટે તક
કંપનીનો સ્ટારલિંક સમૂહ બ્રોડબેન્ડ ઇન્ટરનેટ સિસ્ટમ આપવા માટે લોન્ચ કરવામાં આવી છે.   SpaceX એ આશા વ્યક્ત કરી કે રાઇડશેયરિંગ પ્રોગ્રામ માટે નાની કંપનીઓ પણ સ્પેસમાં જઈ શકશે. કંપનીના ફાઉન્ડર એલોન મસ્કે ટ્વીટ કર્યુ- નાની કંપનીઓને કક્ષામાં ઓછી કિંમતમાં મોકલવાની તક આપવા માટે ઉત્સાહિત છું.