ભારતીયો માટે જર્મનીથી મોટા ખુશખબર! ઈમિગ્રેશન નિયમોમાં ઢીલ, અપાશે 2 લાખ વિઝા

Labor Shortage in Germany: વર્ષ 2023માં જર્મની સરકારે કેનેડાથી પ્રેરિત એક પોઈન્ટ બેસ્ડ સિસ્ટમને અપનાવી હતી. જેણે ઓપોર્ચ્યુનિટી કાર્ડ તરીકે ઓળખાય છે.

Immigration Rules in Germany: જર્મની છેલ્લા કેટલાક સમયથી મજૂરોની અછતને કારણે આર્થિક ક્ષેત્રમાં સંકટનો સામનો કરી રહ્યું છે. આ સંકટને ધ્યાનમાં રાખીને જર્મની સરકારે ગયા વર્ષે પણ પોતાના શ્રમ બજારને વધારવા માટે ઇમિગ્રેશન નિયમોમાં પણ રાહત આપી હતી. તે હજુ પણ કામદારોની અછતનો સામનો કરી રહ્યું છે. આવી સ્થિતિમાં હવે જર્મની સરકારે શ્રમિક વિઝાની કુલ સંખ્યા વધારવાનો નિર્ણય લીધો છે. 

સરકારે રવિવારે (17 નવેમ્બર) આ માહિતી આપી હતી. આ નિર્ણય અનુસાર સરકારે ગયા વર્ષની સરખામણીમાં આ વર્ષે (2024) તેમાં 10 ટકાનો વધારો કરવાનો નિર્ણય કર્યો છે. જર્મની સરકાર દ્વારા લેવામાં આવતા ભારતના લોકો માટે આ સારા સમાચાર છે. આ નિર્ણયથી ભારતીયોને ફાયદો થઈ શકે છે.

DWના રિપોર્ટ મુજબ, જર્મન સરકારે ગયા વર્ષે કેનેડાથી પ્રેરિત એક પોઈન્ટ બેસ્ડ સિસ્ટમને અપનાવી હતી. જે ઓપોર્ચ્યુનિટી કાર્ડ તરીકે ઓળખાયમાં આવે છે. આ હેઠળ વ્યાવસાયિકો અને યુનિવર્સિટીના સ્નાતકો માટે દેશમાં પ્રવેશ અપાવવા, અભ્યાસ કરવા અને કામ શોધવામાં વધુ સરળ બનાવે છે. આનાથી બિન-યૂરોપીય સંઘના દેશોના કુશળ કામદારોને તેમની લાયકાત ઓળખ્યા વિના જર્મનીમાં પ્રવેશવાની મંજૂરી મળે છે.

જર્મન સરકારે આપ્યું સંયુક્ત નિવેદન 
જર્મન સરકારના ત્રણ મંત્રાલયોએ સંયુક્ત નિવેદન બહાર પાડ્યું છે. જેમાં તેમણે કહ્યું કે આ વર્ષના અંત સુધીમાં લગભગ 2 લાખ પ્રોફેશનલ વિઝા જારી કરવામાં આવશે. વર્ષ 2023ની સરખામણીમાં આ વર્ષે તેમાં 10 ટકાનો વધારો થયો છે. આના કારણે નોન-ઇયુ દેશોના વિદ્યાર્થીઓને આપવામાં આવતા વિઝામાં 20 ટકાનો વધારો થયો છે.

જર્મનીના મંત્રીએ શું આપ્યું નિવેદન?
જર્મનીના ગૃહમંત્રી નેન્સી ફેસરે કહ્યું, 'પ્રતિભાશાળી યુવા જર્મનીમાં પોતાનો અભ્યાસ અને ટ્રેનિંગ સૌથી વધુ સરળતાથી પૂર્ણ કરી શકે છે. ઓપ્યુર્ચિનિટી કાર્ડ કુશળ લોકોને સરળતાથી નોકરી મેળવવાની તક આપે છે. જ્યારે, મંત્રી એનાલેના બેયરબોકે આ સુધારાઓની પ્રશંસા કરી છે અને જણાવ્યું છે કે આનાથી દેશમાં કામદારોની અછતને દૂર કરવામાં મદદ મળશે.