30 લાખ જીતવાની સુવર્ણ તક! રમવી પડશે તમારે આ સ્પર્ધા, જાણો શું છે NASA ની ઓફર?

આજકાલ અવકાશની દુનિયામાં માનવીઓની ઘણી ભીડ થઈ ગઈ છે. ઇન્ટરનેશનલ સ્પેસ સ્ટેશન વર્ષોથી ત્યાં કાર્યરત છે. અમેરિકા સિવાય પણ ઘણા દેશોના ત્યાં સ્પેસ સ્ટેશન છે. ઘણા અવકાશયાન અવકાશમાં ભ્રમણ કરી રહ્યા છે. અવકાશયાત્રીઓ ઘણા દિવસો, મહિનાઓ અને વર્ષો સુધી અવકાશમાં રહે છે, તેથી અંતરિક્ષ કચરાથી ભરાઈ ગયું છે.

National Aeronautics and Space Administration: આ દરમિયાન માનવ મળમૂત્રને લગતો એક પ્રશ્ન છે. અવકાશમાં માનવ મળમૂત્ર, પેશાબ વગેરેનું શું થાય છે? આ પ્રશ્નનો જવાબ રિસાયક્લિંગ છે, પરંતુ આ વસ્તુઓને કેવી રીતે રિસાયકલ કરવી? આ સૂચન અમેરિકાની સ્પેસ એજન્સી નાસા (National Aeronautics and Space Administration) દ્વારા ભવિષ્યના વૈજ્ઞાનિકો પાસેથી માંગવામાં આવ્યું છે. આ તે વિદ્યાર્થીઓ પાસેથી મંગાવવામાં આવ્યા છે, જ્યાં ભવિષ્યમાં અવકાશ વૈજ્ઞાનિક બનવા માંગે છે.

લુના રી-સાયકલ ચેલેન્જ અંતર્ગત યોજાશે આ સ્પર્ધા 
નાસા એક સ્પર્ધાનું આયોજન કરવા જઈ રહ્યું છે જેમાં વિજેતાને 30 લાખ રૂપિયાનું રોકડ ઇનામ મળશે. સ્પર્ધામાં ભાગ લેનારાઓએ માનવ મળમૂત્ર અને પેશાબને રિસાયકલ કરવાની પદ્ધતિ જણાવવી પડશે. લુના રી-સાયકલ ચેલેન્જ અંતર્ગત આ સ્પર્ધાનું આયોજન કરવામાં આવ્યું છે. અવકાશ એજન્સી નાસાએ એવી ટેક્નોલોજી વિકસાવવાની અપીલ કરી છે જે ચંદ્ર પર અથવા લાંબી અવકાશ ઉડાન દરમિયાન અવકાશયાત્રીઓના મળ, પેશાબ અને ઉલ્ટીને રિસાયકલ કરી શકે.

મિશનમાં વિજેતાની ટેકનોલોજીનો કરવામાં આવશે ઉપયોગ 
નાસાના અપડેટ અનુસાર, એપોલો મિશન હેઠળ ચંદ્ર પર ગયેલા અવકાશયાનમાં 96 બેગ માનવ કચરો હતો. સ્પર્ધાનો ધ્યેય અવકાશમાં વધતી ગંદકીને ઉમેર્યા વિના કચરાને નિયંત્રિત કરવાનો માર્ગ શોધવાનો છે. જેની પદ્ધતિ સૌથી વધુ અસરકારક સાબિત થશે તે વિજેતા બનશે અને તેની ટેક્નોલોજીનો ભવિષ્યના અવકાશ મિશનમાં ઉપયોગ કરવામાં આવશે.

જેમ જેમ ભાવિષ્યના માનવ અંતરિક્ષ મિશનોની તૈયારી ચાલી રહી છે, તે વાત પર પણ વિચાર કરવાની આવશ્યકતા હશે કે ઘન કચરાને કેવી રીતે ઘટાડી શકાય તે અંગે પણ વિચારણા કરવાની જરૂર રહેશે. તેમજ અવકાશના વાતાવરણમાં કચરો કેવી રીતે ઘટાડવો, જેથી પૃથ્વી પર થોડો કે કોઈ કચરો પાછો ફરે.