Hasta la vista, baby... અને નવા પ્રધાનમંત્રી માટે બ્રિટિશ સંસદની ખુરશી છોડી જતા રહ્યાં બોરિસ જોનસન

બોરિસ જોનસને બુધવારે કંઝર્વેટિવ પાર્ટીના નેતા તરીકે બ્રિટિશ સંસદને છેલ્લીવાર સંબોધિત કરી. આ દરમિયાન તેમણે સરકારે કોરોના દરમિયાન કરેલા કામોનો ઉલ્લેખ કર્યો હતો. જોનસને પોતાની સરકારની તમામ સિદ્ધિઓ સંસદમાં જણાવી હતી.

લંડનઃ બ્રિટનના પ્રધાનમંત્રી બોરિસ જોનસને બુધવારે કન્ઝર્વેટિવ નેતા તરીકે બ્રિટિશ સંસદને છેલ્લીવાર સંબોધિત કરી. આ દરમિયાન તેમણે કોરોના મહામારી રોકવામાં સરકારી પ્રયાસ, બ્રેક્ઝિટ બાદ બ્રિટિશ અર્થવ્યવસ્થાની મજબૂતી સહિત પોતાના કાર્યકાળ દરમિયાન કરવામાં આવેલા તમામ સારા કામને ગણાવ્યા હતા. તેમણે કહ્યું કે અમે મદદ કરી છે, મેં મદદ કરી છે, આ દેશને મહામારીમાંથી બહાર કાઢ્યો છે અને દેશને બર્બરતાથી બચાવવામાં મદદ કરી છે. સ્પષ્ટ રૂપથી આ આગળ વધતા રહેવા માટે પર્યાપ્ત છે. મિશન ઘણી હદ સુધી પૂરુ થયું. બોરિસ જોનસનનું ભાષણ પૂરુ થયા બાદ કંઝર્વેટિવ પાર્ટીના સભ્યોએ પોતાના નેતાને તાળીઓના ગડગડાટ સાથે વિદાય આપી. 

જતા-જતા બોરિસ બોલ્યા- હસ્તા લા વિસ્ટા, બેબી
બોરિસ જોનસને સંસદની બહાર જતા-જતા સાંસદોને કહ્યુ કે- હું અહીં બધાનો આભાર વ્યક્ત કરવા માંગુ છું અને હસ્તા લા વિસ્ટા, બેબી. Hasta la vista એક સ્પેનિશ અભિવાદન છે. તેનો મતલબ 'ગુડ બાય, જલદી મળીશું' થાય છે. બોરિસન જોનસનના આ અભિવાદનનો અર્થ કાઢવામાં આવી રહ્યો છે કે તે સક્રિય રાજનીતિમાં રહેશે અને પોતાની પાર્ટી માટે કામ કરશે. બોરિસ જોનસનને થેરેમા મેની જગ્યાએ દેશના પ્રધાનમંત્રી બનાવવામાં આવ્યા હતા. બંને નેતાઓએ પોતાનો કાર્યકાળ પૂરો કર્યા વગર પદ પરથી રાજીનામુ આપવું પડ્યું. 

Boris Johnson se despide de su última sesión en el Parlamento Británico con un "¡Hasta la vista, baby!"pic.twitter.com/ktvnNdRufq

— Fabián Pérez (@Fabian10_) July 20, 2022

ઋષિ સુનક બની શકે છે બ્રિટનના નવા પ્રધાનમંત્રી
ભારતીય મૂળના ઋષિ સુનક બ્રિટિશ પ્રધાનમંત્રી પદની રેસમાં સૌથી આગળ છે. પ્રથમ રાઉન્ડમાં મળેલી લીડને તેમણે ચોથા રાઉન્ડમાં જાળવી રાખી છે. મંગળવારે ચોથા રાઉન્ડના વોટિંગ દરમિયાન સુનકને 118 મત મળ્યા હતા. હવે મુકાબલામાં માત્ર ત્રણ ઉમેદવાર બચ્યા છે. આગામી રાઉન્ડમાં સુનકનો મુકાબલો પેની મોર્ડૌટ અને લિઝ ટ્રૂસ સાથે થશે. ચોથા રાઉન્ડમાં પેની મોર્ડૈટને 92 મત મળ્યા હતા. તો વિદેશ મંત્રી લિઝ 86 મત સાથે ત્રીજા સ્થાને રહ્યા હતા. 

આ પણ વાંચોઃ 75 વર્ષ પહેલા જે ઘર છોડ્યું ત્યાં હવે ફુલોના વરસાદ સાથે થયું સ્વાગત, 92 વર્ષની ઉંમરે પાક પહોંચ્યા ભારતીય મહિલા

પીએમ તરીકે કેબિનેટની અંતિમ બેઠકમાં સામેલ થયેલા જોનસન મંગળવારે પોતાની અંતિમ કેબિનેટ બેઠકની અધ્યક્ષતા કરી. આ બેઠક નવા નેતાની ચૂંટણી માટે કંઝર્વેટિવ પાર્ટીના સાંસદો દ્વારા ચોથા રાઉન્ડ માટે ગુપ્ત મતદાન કરતા પહેલા થઈ હતી. આ દરમિયાન તેમણે દેશમાં પડી રહેલી ભીષણ ગરમી વચ્ચે જળવાયુ પરિવર્તનનો સામનો કરવામાં પોતાની સરકારના રેકોર્ડ અને પ્રતિબદ્ધતાનો બચાવ કર્યો હતો. તેમણે ડાઉનિંગ સ્ટ્રીમાં પોતાના મંત્રીઓને કહ્યું કે કોણ શંકા કરી શકે છે કે અમે નેટ ઝીરોના માર્ગ તરફ વધનારી પ્રથમ મોટી અર્થવ્યવસ્થા બનાવવાને લઈને એકદમ યોગ્ય છીએ.