અર્મેનિયા-અઝરબૈજાન જંગ: 5 હજારથી વધુના મૃત્યુ, ફરીથી World Warનું જોખમ

અંકારા: અર્મેનિયા (Armenia) અને અઝરબૈજાન (Azerbaijan)ની વચ્ચે ચાલી રહેલા યુદ્ધને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયો (Mike Pompeo)એ બંને દેશોના નેતાઓ સાથે મુલાકાત કરી, જેથી સમાધાનને શક્ય બનાવી શકાય. જો કે, તેની આશા ખૂબ જ ઓછી દેખાઈ રહી છે.

આર્મેનિયા અને અઝરબૈજાને આ પ્રસ્તાવિત વાટાઘાટો પહેલા પણ એક-બીજા પર યુદ્ધ ઉશ્કેરવાનો આરોપ મૂકતા હુમલો કર્યો હતો. બંને દેશોના કટ્ટર વલણને કારણે વિશ્વ ફરી એકવાર વિશ્વ યુદ્ધના જોખમમાં આવી ગયું છે. આ વચ્ચે રશિયાએ દાવો કર્યો છે કે બંને દેશો વચ્ચેના યુદ્ધમાં ઓછામાં ઓછા 5000 લોકોનાં મોત નીપજ્યાં છે. રશિયાના રાષ્ટ્રપતિ વ્લાદિમીર પુટિન (Vladimir Putin)એ જણાવ્યું હતું કે નાગોર્નો-કારાબાખ ક્ષેત્ર પર અઝરબૈજાન અને અર્મેનિયન સૈન્ય વચ્ચેની લડાઇમાં આશરે 5000 લોકો માર્યા ગયા છે.

આ પણ વાંચો:- મસૂદ અઝહર અને હાફિઝ સઇદ પર કોઇ કાર્યવાહી નહી, FATF ની ગ્રે લિસ્ટમાં રહેશે PAK

પોત પોતાના દાવાઓ
એક બેઠકમાં પુટિને કહ્યું કે બંને પક્ષના બે-બે હજારથી વધુ લોકોનાં મોત નીપજ્યાં છે. તેમણે એમ પણ કહ્યું હતું કે રશિયા દ્વારા બંને દેશો વચ્ચે શાંતિ સ્થાપિત કરવા માટે ઘણા પ્રયત્નો કરવામાં આવ્યા, પરંતુ આ બન્યું નહીં. તે જ સમયે, નાગોર્નો-કારાબાખ કહે છે કે 27 સપ્ટેમ્બરથી 874 સૈનિકો માર્યા ગયા છે અને 37 નાગરિકો મૃત્યુ પામ્યા છે. જ્યારે અઝરબૈજાનને કહ્યું છે કે તેના 61 નાગરિકો માર્યા ગયા છે અને 291 ઘાયલ થયા છે.

આ પણ વાંચો:- Asteroid સ્પેસક્રાફ્ટની લેડિંગની તસવીરો ઘણા રહસ્યો પરથી ઉઠાવશે પડદો

આશા છે કે બધું સારું થશે
યુએસના વિદેશ સચિવ માઇક પોમ્પિયોએ અઝરબૈજાન અને અર્મેનિયાના વિદેશ મંત્રીઓ સાથે એક અલગ બેઠક બાદ જણાવ્યું હતું કે તેમને આશા છે કે બંને દેશો યુદ્ધ છોડીને શાંતિ વિશે વિચાર કરશે. જ્યારે અર્મેનિયનના પ્રધાનમંત્રી આ બેઠકને લઈને ખૂબ ઉત્સાહિત ન હતા. તેમણે કહ્યું કે લાંબા સમયથી ચાલતી આ લડતનું કોઈ રાજદ્વારી સમાધાન તેમને દેખાતું નથી.

આ પણ વાંચો:- આ દેશે PAK ને કહ્યું- કાશ્મીરમાં વધારો આતંકવાદ, શરૂ કરી હથિયારોની સપ્લાઇ

... તો શાંતિની વાત અર્થહીન
બીજી તરફ, અઝરબૈજાને સ્પષ્ટ કર્યું છે કે જ્યાં સુધી અર્મેનિયા વિવાદિત નાગોર્નો-કારાબાખ ક્ષેત્ર તેમને પરત નહીં આપે, ત્યાં સુધી શાંતિનો મામલો અર્થહીન છે. અઝરબૈજાન પણ દાવો કરે છે કે તે યુદ્ધમાં ઘણી સારી સ્થિતિમાં છે અને તેણે અર્મેનિયાને ભારે નુકસાન પહોંચાડ્યું છે. તમને જણાવી દઇએ કે, અર્મેનિયા અને અઝરબૈજાન વચ્ચેના યુદ્ધનું મોટું કારણ, જે અગાઉના સોવિયત સંઘનો ભાગ હતું, તે નાગોર્નો-કારાબાખ ક્ષેત્ર છે. અઝરબૈજાન આ પ્રદેશના પર્વતીય ક્ષેત્રને તેના પોતાના તરીકે વર્ણવે છે, જ્યારે અર્મેનિયા અહીં કબજો કરે છે.