રશિયાના PM મિખાઈલ મુશુસ્તિન Coronavirus ની ઝપેટમાં, તત્કાળ પદ પરથી હટ્યા

નવી દિલ્હી: રશિયાના વડાપ્રધાન મિખાઈલ મુશુસ્તિન (Mikhail Mishustin) પણ કોરોના વાયરસની ઝપેટમાં આવી ગયા છે. ત્યારબાદથી તેઓ અસ્થાયી રીતે પોતાના પદ પરથી હટી ગયા છે. 

મિખાઈલ મુશુસ્તિનને થયો કોરોના વાયરસ
ગુરુવારે રાતે રાષ્ટ્રીય ટીવીમાં જનતાને સંબોધિત કરતા રશિયાના વડાપ્રધાન મિખાઈલ મુશુસ્તિને કહ્યું કે તેમનો કોરોના વાયરસનો રિપોર્ટ પોઝિટિવ આવ્યો છે. તેમણે આ વાતની જાણકારી રશિયાના રાષ્ટ્રપતિ વ્લાદિમિર પુતિનને આપી છે. વાયરસથી સંક્રમિત થયા હોવાની જાણ થયા બાદ તરત તેમણે વડાપ્રધાન પદ પરથી અસ્થાયી રીતે હટવાનો નિર્ણય લઈ લીધો. મિખાઈલે વધુમાં જણાવ્યું કે હાલ રશિયાના નાયબ વડાપ્રધાન આંદ્રે વેલૂસોવ પદભાર સંભાળશે. 

જુઓ LIVE TV

ઉલ્લેખનીય છે કે કોરોના વાયરસ સંક્રમણ મહામારીનો એક જોરદાર હુમલો રશિયામાં પણ જોવા મળ્યો છે. રશિયામાં અત્યાર સુધીમાં 1,06,498 લોકો કોરોના વાયરસ પોઝિટિવ આવ્યાં છે. જેમાંથી લગભગ 1073 લોકોના મૃત્યુ થયા છે.