)
London Plane Crash Video: લંડનના એરપોર્ટ પર એક વિમાન દુર્ઘટના બની છે. કહેવામાં આવી રહ્યું છે કે ટેકઓફ થવાની ગણતરીની સેકેન્ડમાં વિમાન દુર્ઘટનાનો શિકાર બન્યું અને આગનો ગોળો બની ગયું હતું. ઘટના રવિવારે સાંજે 4 કલાકે બની હોવાનું સામે આવ્યું છે. પોલીસનું કહેવું છે કે દુર્ઘટનાસ્થળ પર તમામ પ્રકારની ઈમરજન્સી સેવાઓ ઉપલબ્ધ છે.
સ્થાનિક મીડિયા અનુસાર, આ અકસ્માત એસેક્સના લંડન સાઉથેન્ડ એરપોર્ટ પર સાંજે લગભગ 4 વાગ્યે થયો હતો. વિમાન ઉડાન ભરતાની સાથે જ તે અકસ્માતનો ભોગ બન્યો અને ત્યારબાદ એરપોર્ટ ઉપર ધુમાડો અને જ્વાળાઓ ઉડતી જોવા મળી. આ ઘટનાના ઘણા વીડિયો સોશિયલ મીડિયા પર વાયરલ થઈ રહ્યા છે. મળતી માહિતી મુજબ, આ એક નાનું પેસેન્જર જેટ છે જે નેધરલેન્ડ જઈ રહ્યું હતું.
🚨 BREAKING: A jet has just crashed at London Southend Airport, causing a MASSIVE fireball
No word on casuaIties
Pray for those on board! https://t.co/gOS7FSF5nS
— Nick Sortor (@nicksortor) July 13, 2025
અકસ્માત પછી પોલીસે શું કહ્યું?
એસેક્સ પોલીસે કહ્યું, 'અમને સાંજે 4 વાગ્યા પહેલા 12 મીટર લાંબા વિમાનની ટક્કરની માહિતી મળી હતી.' પોલીસે વધુમાં કહ્યું, 'અમે ઘટનાસ્થળે તમામ કટોકટી સેવાઓ સાથે કામ કરી રહ્યા છીએ અને આ કાર્ય ઘણા કલાકો સુધી ચાલુ રહેશે. અમે જનતાને અપીલ કરીએ છીએ કે આ કાર્ય ચાલુ રહે ત્યાં સુધી આ વિસ્તારથી શક્ય તેટલું દૂર રહે.'
સ્થાનિક સાંસદે ટ્વીટ કર્યું
ઘટના પછી, સાઉથેન્ડ વેસ્ટના સાંસદ ડેવિન બર્ટને આ ઘટના પર દુ:ખ વ્યક્ત કર્યું. તેમણે X પર લખ્યું, 'મને સાઉથેન્ડ એરપોર્ટ પર થયેલી ઘટનાની જાણ છે. કૃપા કરીને દૂર રહો અને કટોકટી સેવાઓને તેમનું કામ કરવા દો. મારી સંવેદના બધા સંબંધિતો સાથે છે.'
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
