અવકાશમાંથી ભારત અને ગુજરાત કેવું દેખાય છે? સુનીતા વિલિયમ્સનો આ જવાબ તમારા હૃદયને સ્પર્શી જશે

અંતરિક્ષમાં 286 દિવસ ગાળ્યા બાદ પૃથ્વી પર પરત ફરેલા નાસાના અવકાશયાત્રી સુનિતા વિલિયમ્સને પૂછવામાં આવ્યું કે અંતરિક્ષમાંથી ભારત કેવું દેખાય છે. આ અંગે તેમણે જે જવાબ આપ્યો તેની ખૂબ ચર્ચા થઈ. તેણે ખૂબ જ ખાસ જવાબ આપ્યો જે સાંભળીને બધા ખુશ થઈ જશે.

નવી દિલ્હીઃ ભારતીય મૂળના NASA ના અંતરિક્ષ યાત્રિ સુનીતા વિલિયમ્સ આમ તો પહેલા પણ બે વખત આંતરરાષ્ટ્રીય અંતરિક્ષ સ્ટેશન જઈ ચૂક્યા છે, પરંતુ તેમણે તે કલ્પના નહીં કરી હોય કે ત્રીજીવાર અંતરિક્ષમાં ગયા બાદ વાપસી માટે લાંબો સમય રાહ જોવી પડશે અને આ ઘટના ઈતિહાસમાં સામેલ થઈ જશે. નાસાના અંતરિક્ષ યાત્રિ બુચ વિલ્મોર અને સુનીતા વિલિયમ્સ 9 મહિના અંતરિક્ષમાં રહ્યાં બાદ પૃથ્વી પર પરત ફર્યા છે.

અવકાશમાંથી ભારત કેવું દેખાય છે? જ્યાકે આ પ્રશ્ન 1984મા ભારતના પ્રથમ અંતરિક્ષ યાત્રિ રાકેશ શર્માને પૂછવામાં આવ્યો તો તેના જવાબમાં તેમણે કહ્યું હતું કે- "હું કોઈપણ ખચકાટ વિના કહી શકું છું કે આપણું ભારત અન્ય કોઈપણ કરતાં શ્રેષ્ઠ છે." હવે ચાર દાયકા પછી, ઇન્ટરનેશનલ સ્પેસ સ્ટેશન (ISS) પર 286 દિવસ વિતાવીને તાજેતરમાં ઘરે પરત ફરેલી સુનીતા વિલિયમ્સને પણ આવો જ પ્રશ્ન પૂછવામાં આવ્યો હતો.

અદ્ભુત છે ભારત- સુનીતા વિલિયમ્સ
સુનીતાને પૂછવામાં આવ્યું કે ભારત અવકાશમાંથી કેવું દેખાય છે, તો તેમણે જવાબ આપ્યો- અદ્ભુત, અદ્ભુત. તેમણે કહ્યું, ભારત અદ્ભુત છે. જ્યારે અમે હિમાલય પરથી પસાર થયા બુચ (સાથી અંતરિક્ષ યાત્રિ) ને અવિશ્વસનીય તસવીરો મળી, આ ખરેખર આશ્ચર્યજનક છે. તેમ લાગે છે જેમ કોઈ લહેર ઉઠી હોય અને ભારતમાં આવી વહી રહી હોય. ગુજરાત અને મુંબઈમાં ધરતીના રંગો વધુ ચમકદાર દેખાતા હતા. એવું લાગતું હતું કે જાણે કોઈ કહેતું હોય - 'અહીં તે આવે છે.'

આ પણ વાંચોઃ ઝૂક્યું અમેરિકા! પૂર્વ પીએમ મનમોહન સિંહનું સપનું, હવે મોદી-ટ્રમ્પના યુગમાં થશે પૂરું

હિમાલય, મુંબઈની સાથે આવ્યો આ ઉલ્લેખ
વિલિયમ્સે જણાવ્યું, "મેં પહેલાં આ તરંગનો ઉલ્લેખ કર્યો છે કે જ્યારે પ્લેટો અથડાઈ ત્યારે દેખીતી રીતે બની હતી અને પછી, જ્યારે તે ભારત પર વહે છે, તે ઘણાં વિવિધ રંગોની છે. મને લાગે છે કે જ્યારે તમે પૂર્વથી ગુજરાત અને મુંબઈમાં આવો છો, અને (તમે જુઓ છો) ત્યાંના દરિયાકાંઠે આવેલા માછીમારીનો કાફલો, તે તમને થોડો સંકેત આપે છે, હું સમગ્ર ભારતમાં એક નેટવર્ક જોઈ શકું છું અને મને લાગે છે કે અમે સમગ્ર ભારતમાં પ્રકાશ જોઈ શકીએ છીએ. મોટા શહેરોથી નાના શહેરોમાં જવું, દિવસ દરમિયાન હિમાલય ચોક્કસપણે જોવાનું અદ્ભુત હતું."

ભારતને એક મહાન દેશ ગણાવ્યો
આ દરમિયાન સુનીતા વિલિયમ્સે ભારતને એક મહાન દેશ અને એક શાનદાર લોકતંત્ર ગણાવ્યું. અવકાશ સંશોધનમાં ભારતની પ્રગતિની પ્રશંસા કરી અને તેના પ્રયાસોને સમર્થન આપવાની ઈચ્છા દર્શાવી. તમને જણાવી દઈએ કે ભારત તેના મહત્વકાંક્ષી ગગનયાન કાર્યક્રમ સાથે માનવ અવકાશ ઉડાનમાં પ્રગતિ કરી રહ્યું છે, જે 2026 સુધીમાં અવકાશયાત્રીઓને ભ્રમણકક્ષામાં મોકલવા માટે તૈયાર છે.

ભારત આવવા પર શું બોલ્યા?
ભારતના પ્રવાસ પર સુનીતા વિલિયમ્સે કહ્યું કે તે પોતાના પિતાના દેશની યાત્રા કરવાની આશા રાખે છે. તો અંતરિક્ષ સ્ટેશન પર તેમના સહયોગી બુચ વિલ્મોર પણ ભારતનો પ્રવાસ કરવા ઈચ્છે છે.