ટેક્સાસમાં હાહાકાર; વાવાઝોડા બાદ ભારે વરસાદ અને પૂરના કારણે 100થી વધુના મોત, આ નદી બની ગાંડીતૂર

Texas floods 2025: અમેરિકાના ટેક્સાસમાં આકાશી આફતથી હાહાકાર મચ્યો છે. અનરાધાર વરસાદ બાદ પૂરની પરિસ્થિતિથી ચારેબાજુ તબાહી જ તબાહી દેખાઈ રહી છે. અવિરત વરસાદના લીધે ગ્વાડાલૂપ નદી ગાંડીતૂર બની ગઈ છે. પૂરની ચપેટમાં અત્યાર સુધી 100થી વધુ લોકોના મોત થયાનો આંકડો સામે આવ્યો છે. અસરગ્રસ્ત લોકોના રેસ્ક્યૂ માટે પ્રશાસનની ટીમો કામે લાગી ગઈ છે. ડોનાલ્ડ ટ્રમ્પ પૂર પ્રભાવિત વિસ્તારોની મુલાકાત લઈ શકે છે.

અમેરિકા હાલમાં બે કારણોસર સમાચારમાં છે. પહેલું ડોનાલ્ડ ટ્રમ્પ અને બીજું પૂર. રાષ્ટ્રપતિ ટ્રમ્પ નોબેલ પુરસ્કાર અને ટેરિફને કારણે વિશ્વભરમાં હેડલાઇન્સમાં છે. બીજું કારણ અમેરિકાના ટેક્સાસ રાજ્યમાં આવેલ પૂર છે. જેના કારણે અત્યાર સુધીમાં 100 થી વધુ લોકોએ જીવ ગુમાવ્યા છે. આ ઉપરાંત, સેંકડો લોકો ગુમ છે. આમાં કેમ્પિંગમાં ગયેલી છોકરીઓનો પણ સમાવેશ થાય છે. હાલમાં વહીવટીતંત્ર બચાવ કામગીરી ચલાવી રહ્યું છે.

અમેરિકાના ટેક્સાસ પર કુદરતી આફતથી મોટાપાયે જાનમાલને નુકસાન પહોંચ્યું છે. ભારે વરસાદ અને પૂરને લીધે અત્યાર સુધી 100થી વધુ લોકોના મોત થયા. જેમાં 28 બાળકો પણ સામેલ છે. સાથે જ ઘણાં લોકો લાપતા થયાની ફરિયાદ પણ મળી છે. સ્થાનિક પ્રશાસનને રેસ્ક્યૂ સહિતની કામગીરી હાથ ધરી છે. મૃતકોની સંખ્યા હજુ પણ વધે તેવી સંભાવના વ્યક્ત કરાઈ છે. ભારે વરસાદના લીધે ગ્વાડાલૂપ નદીના જળસ્તરમાં માત્ર 45 મિનિટમાં જ 26 ફૂટ જેટલો વધારો નોંધાયો હતો. જેના લીધે ટેક્સાસ હિલ કંટ્રી ક્ષેત્રમાં ભારે તબાહી મચી. તો બીજી તરફ અસરગ્રસ્ત વિસ્તારોની અમેરિકી રાષ્ટ્રપતિ ડોનાલ્ડ ટ્રમ્પ મુલાકાત લઈ શકે છે. જો કે, આ અંગે હજુ સુધી વ્હાઈટ હાઉસ તરફથી કોઈ માહિતી જાહેર કરાઈ નથી.

પૂરને કારણે ટેક્સાસનો કેર કાઉન્ટી સૌથી વધુ પ્રભાવિત થયો છે. જ્યાં કેમ્પ મિસ્ટિક સહિત ઘણી જગ્યાએ લોકો રજાઓ ઉજવવા આવ્યા હતા પરંતુ પૂરના પાણીમાં વહી ગયા હતા. હવે બચાવ કાર્યકરોને 100થી વધુ લોકોના મૃતદેહ મળ્યા છે. જેમાં ઘણા બાળકો પણ શામેલ છે. સ્થાનિક મીડિયા અહેવાલો અનુસાર, ગુમ થયેલા લોકોને શોધવા માટે 24 કલાક શોધખોળ હાથ ધરવામાં આવી રહી છે.

જો સાયરન હોત તો જીવ બચાવી શકાયા હોત
ટેક્સાસના લેફ્ટનન્ટ ગવર્નરે સોમવારે કહ્યું કે જો નદી કિનારે પૂરની ચેતવણી આપનારા સાયરન લગાવવામાં આવ્યા હોત તો જીવ બચાવી શકાતા હતા. દરમિયાન, હવામાન વિભાગે જણાવ્યું છે કે સોમવારે રાત્રે નદીનું પાણીનું સ્તર ફરી એકવાર વધશે. ધીમી ગતિએ ચાલી રહેલા વાવાઝોડાને કારણે ટેક્સાસમાં એક કલાકમાં બે થી ત્રણ ઇંચ વરસાદ પડવાની સંભાવના છે.

લોકોને સ્વસ્થ થવાની મળી નથી તક 
નોંધનીય છે કે ભારે વરસાદને કારણે ટેક્સાસમાંથી વહેતી ગુઆડાલુપ નદીમાં અચાનક પૂર આવ્યું હતું. આનાથી ઉનાળામાં કેમ્પિંગ માટે પ્રખ્યાત કેર કાઉન્ટીમાં ભારે નુકસાન થયું હતું. અધિકારીઓના જણાવ્યા અનુસાર, નદીનું પાણીનું સ્તર 45 મિનિટમાં અચાનક 26 ફૂટ વધી ગયું. આના કારણે લોકોને સ્વસ્થ થવાની તક મળી નથી. કેર કાઉન્ટી ઉપરાંત, ટ્રેવિસ, કેન્ડલ, બર્નેલ અને ટોમ ગ્રીનમાં પણ ઘણા મૃત્યુ નોંધાયા છે.