ચીનના કયા કયા હથિયારનો ઉપયોગ કરે છે પાકિસ્તાન, એના માટે કેટલા પૈસા ચૂકવે છે પાડોશી દેશ?

Indian Pakistan war: ભારત અને પાકિસ્તાન વચ્ચે 3 દિવસના તણાવ બાદ હવે યુદ્ધવિરામ લાગુ કરવામાં આવ્યો છે. ચાલો તમને જણાવીએ કે પાકિસ્તાન કયા ચીની હથિયારોનો ઉપયોગ કરે છે અને તેની કિંમત કેટલી છે.

india pakistan news: પહલગામ હુમલા બાદ ભારત અને પાકિસ્તાન વચ્ચે તણાવ જોવા મળી રહ્યો છે, ભારતે 7 મેના રોજ ઓપરેશન સિંદૂર શરૂ કરીને આ આતંકવાદી હુમલાનો બદલો લીધો, જેમાં પાકિસ્તાન અને POKમાં સ્થિત 9 આતંકવાદી ઠેકાણાઓને નિશાન બનાવવામાં આવ્યા, જેમાં 100થી વધુ આતંકવાદીઓ માર્યા ગયા. જે બાદ પાકિસ્તાન દ્વારા ભારતના સરહદી વિસ્તારોને ડ્રોન અને મિસાઇલોથી નિશાન બનાવવામાં આવ્યા હતા. હાલમાં ભારત અને પાકિસ્તાન વચ્ચે યુદ્ધવિરામ છે. ચાલો તમને જણાવીએ કે પાકિસ્તાન ચીનના કયા હથિયારોનો ઉપયોગ કરી રહ્યું છે અને પડોશી દેશ તેના માટે કેટલા પૈસા ચૂકવે છે.

JF-17 થંડર ફાઇટર જેટ
અહેવાલો અનુસાર તેને ચીન અને પાકિસ્તાન દ્વારા સંયુક્ત રીતે વિકસાવવામાં આવ્યું છે. તે ચોથી પેઢીનું સિંગલ એન્જિન મલ્ટીરોલ ફાઇટર એરક્રાફ્ટ છે. પાકિસ્તાનને આ ચીની ફાઇટર પ્લેન પર ખૂબ ગર્વ હતો. મીડિયા રિપોર્ટ્સ અનુસાર આ પ્લેનના એક યુનિટની કિંમત 25 મિલિયન ડોલર એટલે કે લગભગ 2.13 અબજ રૂપિયા છે.

HQ-16
પાકિસ્તાનમાં તૈનાત ચીનની આ ટૂંકી અંતરની મિસાઇલ ડિફેન્સ સિસ્ટમને ભારતે તોડી પાડી હતી. ચીને તેને પાકિસ્તાનની જરૂરિયાતના હિસાબે બનાવ્યું છે. પાકિસ્તાનની ડિફેન્સ સિસ્ટમ માટે આ ખૂબ જ મહત્વપૂર્ણ છે. અહેવાલો અનુસાર, 2014-2015માં 6 HQ-16 માટે પાકિસ્તાન અને ચીન વચ્ચે $373.23 મિલિયનનો કરાર થયો હતો, જે લગભગ 3,000 કરોડ રૂપિયાનો સોદો હતો.

Type-054A/P ફ્રિગેટ્સ
પાકિસ્તાન નૌકાદળે 2017-18માં ચીન સાથે ચાર Type-054A/P ફ્રિગેટ્સ માટે કરાર કર્યો હતો. આ એક આધુનિક યુદ્ધ જહાજ છે. માહિતી અનુસાર તે ખૂબ જ આધુનિક મિસાઇલો, રડાર અને સોનારથી સજ્જ છે. અહેવાલો અનુસાર તેની કિંમત 12,500 કરોડ રૂપિયા છે, જોકે, આ સત્તાવાર નથી.

વિંગ લૂંગ II
પાકિસ્તાન પાસે ચીનનું વિંગ લૂંગ II ડ્રોન સિસ્ટમ છે જે સર્વેલન્સ અને મિસાઇલ હુમલા બંને કરી શકે છે. પાકિસ્તાને તેને આતંકવાદ વિરોધી કામગીરીમાં ઉપયોગ માટે ચીન પાસેથી ખરીદ્યું હતું. તેની કિંમત અંગે અલગ અલગ આંકડા હોવા છતાં કોઈ સત્તાવાર ડેટા નથી.

આ ઉપરાંત, પાકિસ્તાન પાસે ચીનની HQ-9 એર મિસાઇલ ડિફેન્સ સિસ્ટમ પણ છે, જેને કરાચીમાં ભારતીય ડ્રોન દ્વારા તોડી પાડવામાં આવી હતી. આ માટે પાકિસ્તાને ચૂકવેલી કિંમતનો આંકડો ઉપલબ્ધ નથી.