Special OTET Exam Postponed: ସ୍ବତନ୍ତ୍ର OTET ପରୀକ୍ଷା ସ୍ଥଗିତ,ପରୀକ୍ଷା ପାଇଁ ନୂଆ ତାରିଖ ଘୋଷଣା କରିବ ବୋର୍ଡ

Special OTET Exam Postponed: ଇନସର୍ଭିସ୍ ଶିକ୍ଷକମାନଙ୍କ ପାଇଁ ଆଜି ହୋଇଥାଆନ୍ତା ସ୍ପେସାଲ୍ ଓଟିଇଟି ପରୀକ୍ଷା। ୭୫ ହଜାର ଶିକ୍ଷକ ଶିକ୍ଷୟିତ୍ରୀ ଏହି ପରୀକ୍ଷା ଦେଇଥାନ୍ତେ । ପେପର-୧ ଓ ପେପର- ୨ ଦୁଇଟି ପେପରରେ ହୋଇଥାନ୍ତା ପରୀକ୍ଷା ।

 ଭାଇରାଲ୍ ହେଉଥିବା ପ୍ରଶ୍ନ ପତ୍ର ସତ୍ୟାସତ୍ୟ ଥିବା ଜଣାପଡିବା ପରେ, ବୋର୍ଡ଼ କର୍ତ୍ତୃପକ୍ଷ ଉକ୍ତ ସ୍ବତନ୍ତ୍ର ଓଟିଇଟିକୁ ବାତିଲ୍ କରିଦେଇଛନ୍ତି। ଏ ସଂକ୍ରାନ୍ତରେ ଏକ ବିଜ୍ଞପ୍ତି  ବୋର୍ଡ଼ କାର୍ଯ୍ୟାଳୟ ପକ୍ଷରୁ ପ୍ରକାଶ କରାଯାଇଛି। ଉଭୟ ପେପର-୧, ପେପର-୨ର ପ୍ରଶ୍ନପତ୍ର ଭାଇରାଲ୍ ହେବା ଘଟଣା ପରୀକ୍ଷାର୍ଥୀଙ୍କ ମହଲରେ ଆଲୋଡନ ସୃଷ୍ଟି କରିଛି।  ପରୀକ୍ଷା ବାତିଲ୍ ଯୋଗୁଁ ୭୫ ହଜାରରୁ ଅଧିକ ପରୀକ୍ଷାର୍ଥୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି। ପରୀକ୍ଷା ବାତିଲ୍ କରିବା ସହ ପରୀକ୍ଷାର ପରବର୍ତ୍ତୀ ସୂଚୀ ସମ୍ପର୍କରେ  ବୋର୍ଡ଼ ପକ୍ଷରୁ ବିଜ୍ଞପ୍ତି ପ୍ରକାଶ କରାଯିବ ବୋଲି  କୁହଯାଇଛି। ପ୍ରାଥମିକ ପରୀକ୍ଷାରେ ନିଯୋଜିତ ଇନ୍-ସର୍ଭିସ୍ ଶିକ୍ଷକଙ୍କ ପାଇଁ ସ୍ବତନ୍ତ୍ର ଶିକ୍ଷକ ଯୋଗ୍ୟତା ପରୀକ୍ଷା(ସ୍ପେଶାଲ୍ ଓଟିଇଟି) ପାଇଁ ୭୫ ହଜାର ୪୦୩ ଜଣ ଇନ୍ ସର୍ଭିସ୍ ଶିକ୍ଷକ ପରୀକ୍ଷା ଦେବା ପାଇଁ ଆବେଦନ କରିଥିଲେ। ଏଥିଲାଗି ରାଜ୍ୟରେ ୩୦ ଜିଲ୍ଲାରେ ୧୯୩ଟି ପରୀକ୍ଷା କେନ୍ଦ୍ର ହୋଇଥିଲା।