 "Shatrughan Sinha: ସୋନାକ୍ଷୀ ସିହ୍ନାଙ୍କ ବିବାହ ପରେ ହସ୍ପିଟାଲରେ ଭର୍ତ୍ତି ହେଲେ ବାପା ଶତୃଘ୍ନ ସିହ୍ନା")
Shatrughan Sinha: ଅଭିନେତ୍ରୀ ସୋନାକ୍ଷୀ ସିହ୍ନାଙ୍କ ବିବାହ ପରେ ଇଣ୍ଡଷ୍ଟ୍ରି ଭେଟେରାନ୍ ଅଭିନେତା ତଥା ସୋନାକ୍ଷୀଙ୍କ ବାପା ଶତୃଘ୍ନ ସିହ୍ନାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇପଡ଼ିଥିବା ଖବର ସାମ୍ନାକୁ ଆସିଛି। ନିଜ ବାପାଙ୍କ ସ୍ୱାସ୍ଥ୍ୟବସ୍ଥା ଖବର ଶୁଣି ଡାକ୍ତରଖାନାରେ ପହଞ୍ଚିଥିଲେ ସୋନାକ୍ଷୀ ଓ ସ୍ୱାମୀ ଜାହିର ଇକବାଲ୍। ସେହି ସମୟରେ ବାହାରିଥିବା ଖବର ଅନୁଯାୟୀ ତାଙ୍କୁ ନିତ୍ୟ ବ୍ୟବହାର୍ଯ୍ୟ ଚେକଅପ୍ ପାଇଁ ଆଡମିଶନ କରାଯାଇଥିବା କୁହାଯାଉଛି। କିନ୍ତୁ ବର୍ତ୍ତମାନ ସୂତ୍ରରୁ ପ୍ରକାଶ ଯେ ଶତୃଘ୍ନ ସିହ୍ନାଙ୍କର ଅସ୍ତ୍ରୋପଚାର କରାଯାଇଛି।
ଶତୃଘ୍ନ ସିହ୍ନାଙ୍କ ସ୍ୱାସ୍ଥ୍ୟ ଅପଡେଟ୍:
ଭେଟେରାନ ବଲିଉଡ ଅଭିନେତା ଶତୃଘ୍ନ ସିହ୍ନାଙ୍କ ସ୍ୱାସ୍ଥ୍ୟ ଅବସ୍ଥା ଜାଣିବା ପାଇଁ ପ୍ରଶଂସକମାନେ ଟେନସନରେ ଅଛନ୍ତି। ଏହାରି ମଧ୍ୟରେ, IANS ଦ୍ୱାରା ଆସିଥିବା ରିପୋର୍ଟ ଅନୁଯାୟୀ, ନିକଟରେ ହୋଇଥିବା ନିର୍ବାଚନ ପ୍ରଚାର ଏବଂ ତାଙ୍କ ଝିଅ ସୋନାକ୍ଷୀ ସିହ୍ନାଙ୍କ ବିବାହ ହେତୁ ଅଭିନେତାଙ୍କର ବହୁତ ବ୍ୟସ୍ତତା ମଧ୍ୟରେ ତାଙ୍କ ସ୍ୱାସ୍ଥବସ୍ଥା ସାମାନ୍ୟ ବିଗିଡ଼ି ଯାଇଥିଲା, ଯାହା ପରେ ତାଙ୍କୁ ନିୟମିତ ଯାଞ୍ଚ ପାଇଁ ଭର୍ତ୍ତି କରାଯାଇଥିଲା। ଏଥିସହ ବର୍ତ୍ତମାନ ସୂତ୍ରରୁ ପ୍ରକାଶ ଯେ ଅଭିନେତା ତଥା ଲୋକସଭା ସାଂସଦ ଶତୃଘ୍ନ ସିହ୍ନାଙ୍କୁ ମୁମ୍ବାଇର କୋକିଲାବେନ୍ ହସ୍ପିଟାଲରେ ଭର୍ତ୍ତି କରାଯାଇଛି, ଯେଉଁଠାରେ ସେ ସାମାନ୍ୟ ଅସ୍ତ୍ରୋପଚାର କରିଛନ୍ତି। ଶତୃଘ୍ନ ସିହ୍ନାଙ୍କୁ କେବେ ଡାକ୍ତରଖାନାରୁ ଡିସଚାର୍ଜ କରାଯିବ ସେନେଇ କୌଣସି ସୂଚନା ଆସି ନାହିଁ, କିନ୍ତୁ କୁହାଯାଉଛି ଯେ ଅଭିନେତାଙ୍କ ଅବସ୍ଥା ବର୍ତ୍ତମାନ ସ୍ଥିର ରହିଛି ଏବଂ ତାଙ୍କୁ ଭାଇରାଲ ଜ୍ୱର ହୋଇଥିବାରୁ ସେ ଡାକ୍ତରଖାନାରେ ଭର୍ତ୍ତି ହୋଇଥିଲେ।
ଶତୃଘ୍ନ ସିହ୍ନାଙ୍କ ଲୋକସଭା ବିଜୟ ଏବଂ ସୋନାକ୍ଷୀଙ୍କ ବିବାହର ଉତ୍ସବ ପରେ ସିହ୍ନା ପରିବାର ପାଇଁ ଏହା ଟିକେ ଅସୁବିଧାଜନକ ମୁହୂର୍ତ୍ତ। ନିକଟରେ ପଶ୍ଚିମବଙ୍ଗର ଆସାନସୋଲ ନିର୍ବାଚନମଣ୍ଡଳୀରୁ ଲୋକସଭା ନିର୍ବାଚନରେ ଶତୃଘ୍ନ ସିହ୍ନା ବିଜୟ ହାସଲ କରିଥିଲେ ଏବଂ ଏହା ପରେ ସେ ସେଠାରେ ଥିବା ଲୋକଙ୍କୁ ଧନ୍ୟବାଦ ଦେଇଥିଲେ। ଏହି ସମୟରେ ସୋନାକ୍ଷୀ ଏବଂ ଜାହିର ସାତ ବର୍ଷ ଡେଟିଂ କରିବା ପରେ ଜୁନ୍ ୨୩ ରେ ମୁମ୍ବାଇରେ ବିବାହ କରିଥିଲେ।ଡାକ୍ତର ଶତ୍ରୁଘ୍ନ ସିହ୍ନାଙ୍କ ସମସ୍ତ ଜରୁରୀ ପରୀକ୍ଷା କରିଛନ୍ତି। ତାଙ୍କ ରିପୋର୍ଟ ନର୍ମାଲ ଆସିଛି। ତାଙ୍କୁ ହସ୍ପିଟାଲରୁ ଡିସଚାର୍ଜ କରିଦିଆଯିବା ନେଇ ଶତ୍ରୁଘ୍ନଙ୍କ ସାଙ୍ଗ ତଥା ସିନେମା ନିର୍ମାତା ସୂଚନା ଦେଇଛନ୍ତି।
Newsletter
