Coffee Side Effects: ଏହିରୋଗୀଙ୍କ ଅବସ୍ଥାକୁ ଆହୁରି ସାଂଘାତିକ କରିଦିଏ କଫି, ପିଇବା ଆଗରୁ ସାବଧାନ !

Coffee Side Effects: ଏହିସବୁ ସଙ୍କେତ ହୃଦଘାତର କାରଣ ହୋଇଥାଏ । ନିୟମିତ ଦିନକୁ ଏକ କପ୍ ରୁ ଅଧିକ କଫି ପିଇବା ଦ୍ୱାରା କୋଲେଷ୍ଟ୍ରଲ ବଢିଥାଏ, ଯାହା କି ହୃଦଘାତର ଅନ୍ୟ ଏକ କାରଣ । ଏଥିସହିତ ସେମାନେ ଏହା ମଧ୍ୟ କହିଛନ୍ତି ଯେ ମିଠା କଫି ହୃଦ୍ ରୋଗୀଙ୍କ ପାଇଁ ଅଧିକ କ୍ଷତିକାରକ।

Coffee Side Effects: କଫି ଏପରି ଏକ ପାନୀୟ ଯାହାର ସମଗ୍ର ବିଶ୍ୱରେ ଅନେକ ପ୍ରଶଂସକ ଅଛନ୍ତି । ଲୋକମାନେ ଏହାକୁ ସକାଳେ ଓ ସନ୍ଧ୍ୟାରେ ପିଅନ୍ତି କିମ୍ବା କିଛି ଲୋକ ଦିନର ଯେ କୌଣସି ସମୟରେ ଏହାକୁ ପିଇଥାଆନ୍ତି । ତେବେ କଫିରେ ପ୍ରଚୁର ମାତ୍ରାରେ ଆଣ୍ଟିଅକ୍ସିଡାଣ୍ଟ ରହିଥାଏ । କଫି ଉଭୟ ସ୍ୱାସ୍ଥ୍ୟ ପାଇଁ ହାନିକାରକ ଓ ଲାଭଦାୟକ । ଆପଣ ଏହାକୁ କିପରି ପିଉଛନ୍ତି ଏବଂ ଆପଣ ଦିନକୁ କେତେ ଥର ପିଉଛନ୍ତି ତାହା ଉପରେ ଏହା ନିର୍ଭର କରେ । କଫି ପିଇବା ଦ୍ୱାରା ସ୍ୱାସ୍ଥ୍ୟ ଶକ୍ତି ମିଳିଥାଏ । କଫି ପିଇବା ଦ୍ୱାରା ମଧ୍ୟ ମନ ସତେଜ ହେବା ସହ ଆରାମ ମିଳିଥାଏ। କଫି ହୃଦ୍ ରୋଗୀଙ୍କ ପାଇଁ ଲାଭଦାୟକ କି ନାହିଁ ତାହାକୁ ନେଇ ମଧ୍ୟ ଅନେକ ତର୍କ ବିତର୍କ ଚାଲିଛି। ଆସନ୍ତୁ ଜାଣିବା ହୃଦ୍ ରୋଗୀଙ୍କ ପାଇଁ କଫି ପିଇବାର ଉପାୟ ।

କ'ଣ କହୁଛନ୍ତି ବିଶେଷଜ୍ଞ ?
ବିଶେଷଜ୍ଞଙ୍କ କହିବାନୁଯାୟୀ, କଫି ପିଇବା ହୃଦ୍ ରୋଗୀଙ୍କ ପାଇଁ ଅନ୍ୟମାନଙ୍କ ଭଳି ଲାଭଦାୟକ ନୁହେଁ। ଯେହେତୁ କଫି ପିଇବା ଦ୍ୱାରା ରକ୍ତଚାପ ବଢିଥାଏ ଏବଂ ଧମନୀ ଉପରେ ଚାପ ପଡିଥାଏ, ଏହିସବୁ ସଙ୍କେତ ହୃଦଘାତର କାରଣ ହୋଇଥାଏ । ନିୟମିତ ଦିନକୁ ଏକ କପ୍ ରୁ ଅଧିକ କଫି ପିଇବା ଦ୍ୱାରା କୋଲେଷ୍ଟ୍ରଲ ବଢିଥାଏ, ଯାହା କି ହୃଦଘାତର ଅନ୍ୟ ଏକ କାରଣ । ଏଥିସହିତ ସେମାନେ ଏହା ମଧ୍ୟ କହିଛନ୍ତି ଯେ ମିଠା କଫି ହୃଦ୍ ରୋଗୀଙ୍କ ପାଇଁ ଅଧିକ କ୍ଷତିକାରକ।

ମିଠା କଫି ବିପଜ୍ଜନକ
ହୃଦ୍ ରୋଗୀମାନେ ମିଠା କଫିଠାରୁ ଦୂରେଇ ରହିବା ଉଚିତ ବୋଲି ଡାକ୍ତରମାନେ କହିଛନ୍ତି। ଚିନି ଯୁକ୍ତ କଫି ଏହି ଲୋକଙ୍କ ସ୍ୱାସ୍ଥ୍ୟକୁ ଖରାପ କରିଥାଏ । ପ୍ରକୃତରେ ଚିନି, କାରାମେଲ, କୋକୋ ପାଉଡର କିମ୍ବା ଚକୋଲେଟ ସହିତ କଫି ମିଶାଇ ପିଇବା ଦ୍ୱାରା ଶରୀରରେ କ୍ୟାଲୋରୀ ଏବଂ ଅସ୍ୱାସ୍ଥ୍ୟକର ଚର୍ବିର ସ୍ତର ବୃଦ୍ଧି ପାଇଥାଏ । ବିଶେଷଜ୍ଞଙ୍କ ମତରେ ସିରପ କଫି କିମ୍ବା ପ୍ରସ୍ତୁତ କଫି ପିଇବା ହୃଦ୍ ରୋଗୀଙ୍କ ପାଇଁ ଅଧିକ କ୍ଷତିକାରକ ହୋଇଥାଏ।

କଫି କାହିଁକି କ୍ଷତିକାରକ?
ବାସ୍ତବରେ ମିଠା କିମ୍ବା ଚିନିଯୁକ୍ତ କଫି ପିଇବା ଦ୍ୱାରା ରକ୍ତନଳୀରେ ପ୍ଲାକ୍ ଜମା ହୋଇଥାଏ, ଯାହା ହୃଦଘାତର ଆଶଙ୍କା ବଢ଼ାଇଥାଏ। ଚିନି କିମ୍ବା ଚିନି ସ୍ୱାଦ ସହିତ କଫି ପିଇବା ଦ୍ୱାରା ଉଚ୍ଚ ବିପି ଏବଂ ହୃଦସ୍ପନ୍ଦନ ବୃଦ୍ଧି ପାଇଥାଏ । ବିଶେଷଜ୍ଞମାନେ ହୃଦ୍ ରୋଗୀଙ୍କୁ ପରାମର୍ଶ ଦିଅନ୍ତି ଯେ ସେମାନେ ସେମାନଙ୍କ ଦୈନନ୍ଦିନ ଖାଦ୍ୟରୁ କଫି ସେବନ କମ୍ କରନ୍ତୁ ଏବଂ ମିଠା କଫିଠାରୁ ସମ୍ପୂର୍ଣ୍ଣ ଦୂରେଇ ରୁହନ୍ତୁ। ଏହି ଲୋକମାନେ ସକାଳେ କଫି ପିଇପାରିବେ । କଫି ପିଇବା ପୂର୍ବରୁ ୨-୩ ଗ୍ଲାସ ପାଣି ପିଅନ୍ତୁ।

(Disclaimer: ଆମର ଆର୍ଟିକିଲ୍ କେବଳ ସୂଚନା ପ୍ରଦାନ ପାଇଁ। କୌଣସି ସ୍ୱାସ୍ଥ୍ୟ ସମ୍ବନ୍ଧୀୟ ଟିପ୍ସ ଫଲୋ କରିବା ପୂର୍ବରୁ ସର୍ବଦା ଜଣେ ବିଶେଷଜ୍ଞ କିମ୍ବା ଆପଣଙ୍କ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।