Air India Flight:୧୬ ବିମାନକୁ ଡାଇଭର୍ଟ କଲା ଏୟାର ଇଣ୍ଡିଆ

ନୂଆଦିଲ୍ଲୀ: ଏୟାର ଇଣ୍ଡିଆର ବିମାନ ଦୁର୍ଘଟଣା ପରେ କମ୍ପାନୀ ପକ୍ଷରୁ ଆଜି ଏହାର ୧୬ଟି ଉଡ଼ାଣର ସମୟସୂଚୀ ପରିବର୍ତ୍ତନ କରିଛି। ଏୟାର ଇଣ୍ଡିଆ ଲଣ୍ଡନ, ନ୍ୟୁୟର୍କ, ୱାଶିଂଟନ ଏବଂ କାନାଡା ଯାଉଥିବା କିଛି ଉଡ଼ାଣକୁ ଡାଇଭର୍ଟ କରିଛି । କିଛି ଉଡ଼ାଣକୁ ଦିଲ୍ଲୀ ଓ ମୁମ୍ବାଇକୁ ଫେରିବାକୁ ନିର୍ଦ୍ଦେଶ ଜାରି କରିଛି। ବିମାନ କମ୍ପାନୀ ଏକ ଟ୍ୱିଟ୍ ମାଧ୍ୟମରେ ଏହି ସୂଚନା ଦେଇଛି ଏବଂ ଡାଇଭର୍ଟ କିମ୍ବା ପ୍ରତ୍ୟାହାର କରାଯାଇଥିବା ଉଡ଼ାଣର ତାଲିକା ମଧ୍ୟ ସେୟାର କରିଛି। ଇସ୍ରାଏଲ ଏବଂ ଇରାନର ଆକାଶମାର୍ଗ ବନ୍ଦ ହେବା ଯୋଗୁଁ ଏହି ସମସ୍ୟା ଉପୁଜିଛି ବୋଲି ଏୟାରଲାଇନ୍ସ କହିଛି। ତେଣୁ, ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି, ଏୟାର ଇଣ୍ଡିଆର ନିମ୍ନଲିଖିତ ଉଡ଼ାଣଗୁଡ଼ିକୁ ଡାଇଭର୍ଟ କରାଯାଉଛି ଏବଂ କିଛି ଉଡ଼ାଣକୁ ଯେଉଁଠାରୁ ସେମାନେ ଉଡ଼ାଣ କରିଥିଲେ ସେହି ସ୍ଥାନକୁ ଫେରାଇ ଦିଆଯାଉଛି।

ସମସ୍ୟା ପାଇଁ ଦୁଃଖ ପ୍ରକାଶ କଲା ବିମାନ କମ୍ପାନୀ
ଏୟାର ଇଣ୍ଡିଆ ଏହାର ଅଫିସିଆଲ୍ X ଆକାଉଣ୍ଟରେ ଏକ ପୋଷ୍ଟ ଲେଖିଛନ୍ତି। ଏଥିରେ, ବିମାନ କମ୍ପାନୀ କହିଛି ଯେ ଯାତ୍ରୀମାନଙ୍କୁ ହୋଇଥିବା ଅସୁବିଧା ପାଇଁ ଏହା ଦୁଃଖିତ। ସମସ୍ୟାକୁ କମ କରିବା ପାଇଁ ସମସ୍ତ ପ୍ରକାରର ପ୍ରୟାସ କରାଯାଉଛି, ଯାତ୍ରୀମାନଙ୍କଠାରୁ ସହଯୋଗ ଆଶା କରାଯାଉଛି। ଅସୁବିଧାର ସମ୍ମୁଖୀନ ହେଉଥିବା ଯାତ୍ରୀମାନଙ୍କ ପାଇଁ ରହିବା ବ୍ୟବସ୍ଥା କରାଯିବ। ଉଡ଼ାଣ ବାତିଲ ହେଲେ ଟଙ୍କା ଫେରସ୍ତ ଦିଆଯିବ। ଯେଉଁମାନେ ସେମାନଙ୍କ ଗନ୍ତବ୍ୟସ୍ଥଳକୁ ଯିବାକୁ ଚାହୁଁଛନ୍ତି ସେମାନଙ୍କ ଉଡ଼ାଣ ପୁନଃନିର୍ଦ୍ଧାରିତ କରାଯାଉଛି। ଯାତ୍ରୀମାନଙ୍କୁ http://airindia.com/in/en/manage/flight-status.html ରେ ଲଗ୍ ଇନ୍ କରି ସେମାନଙ୍କ ଉଡ଼ାଣର ସ୍ଥିତି ଯାଞ୍ଚ କରିବାକୁ ପରାମର୍ଶ ଦିଆଯାଇଛି।

ନିମ୍ନଲିଖିତ ତାଲିକାରେ ଡାଇଭର୍ଟ ହୋଇଥିବା ବିମାନଗୁଡିକର ତାଲିକା
AI130 – ଲଣ୍ଡନ ହିଥ୍ରୋ-ମୁମ୍ବାଇ ବିମାନକୁ ଭିଏନାକୁ ଡାଇଭର୍ଟ କରାଯାଇଛି।
AI102 – ନ୍ୟୁୟର୍କ-ଦିଲ୍ଲୀ ବିମାନକୁ ଶାରଜାକୁ ଡାଇଭର୍ଟ କରାଯାଇଛି।
AI116 – ନ୍ୟୁୟର୍କ-ମୁମ୍ବାଇ ବିମାନକୁ ଜେଦ୍ଦାକୁ ଡାଇଭର୍ଟ କରାଯାଇଛି।
AI2018 – ଲଣ୍ଡନ ହିଥ୍ରୋ-ଦିଲ୍ଲୀ ବିମାନକୁ ମୁମ୍ବାଇକୁ ଡାଇଭର୍ଟ କରାଯାଇଛି।
AI129 – ମୁମ୍ବାଇ-ଲଣ୍ଡନ ହିଥ୍ରୋ ବିମାନ ମୁମ୍ବାଇ ପ୍ରତ୍ୟାବର୍ତ୍ତନ କରିଛି।
AI119 – ମୁମ୍ବାଇ-ନ୍ୟୁୟର୍କ ବିମାନ ମୁମ୍ବାଇକୁ ପ୍ରତ୍ୟାବର୍ତ୍ତନ କରାଯାଇଛି।
AI103 – ଦିଲ୍ଲୀ-ୱାଶିଂଟନ ବିମାନ ଦିଲ୍ଲୀକୁ ଫେରିଛି।
AI106 – ନ୍ୟୁୟାର୍କ-ଦିଲ୍ଲୀ ବିମାନ ଦିଲ୍ଲୀ ପ୍ରତ୍ୟାବର୍ତ୍ତନ କରିଛି। 
AI188 – ଭାଙ୍କୋଭର-ଦିଲ୍ଲୀ ବିମାନକୁ ଜେଦ୍ଦାକୁ ଡାଇଭର୍ଟ କରାଯାଇଛି।
AI101 – ଦିଲ୍ଲୀ-ନ୍ୟୁୟର୍କ ବିମାନ ଫ୍ରାଙ୍କଫର୍ଟ/ମିଲାନକୁ ଡାଇଭର୍ଟ କରାଯାଇଛି।
AI126 – ଚିକାଗୋ-ଦିଲ୍ଲୀ ବିମାନକୁ ଜେଦ୍ଦାକୁ ଡାଇଭର୍ଟ କରାଯାଇଛି।
AI132 – ଲଣ୍ଡନ ହିଥ୍ରୋ-ବେଙ୍ଗାଲୁରୁ ବିମାନକୁ ଶାରଜାକୁ ଡାଇଭର୍ଟ କରାଯାଇଛି।
AI2016 – ଲଣ୍ଡନ ହିଥ୍ରୋ-ଦିଲ୍ଲୀ ବିମାନକୁ ଭିଏନାକୁ ଡାଇଭର୍ଟ କରାଯାଇଛି।
AI104 – ୱାଶିଂଟନ-ଦିଲ୍ଲୀ ବିମାନକୁ ଭିଏନା ଡାଇଭର୍ଟ କରାଯାଇଥିବା ବେଳେ AI190  ଟୋରଣ୍ଟୋ-ଦିଲ୍ଲୀ ବିମାନ ଫ୍ରାଙ୍କଫର୍ଟକୁ ଓ AI189  ଦିଲ୍ଲୀ-ଟୋରଣ୍ଟୋ ବିମାନ ଦିଲ୍ଲୀକୁ ପ୍ରତ୍ୟାବର୍ତ୍ତନ କରିବା ପାଇଁ କମ୍ପାନୀ ପକ୍ଷରୁ ନିର୍ଦ୍ଦେଶ ଦିଆଯାଇଛି।