Plane Crash: ପୁଣି ଏକ ବିମାନ ଦୁର୍ଘଟଣା: ରାସ୍ତା ଉପରେ ଅବତରଣ ସମୟରେ ଜଳିଗଲା ପୂରା ବିମାନ

Plane Crash: ନୂଆଦିଲ୍ଲୀ: ବିମାନ ଦୁର୍ଘଟଣାର ଆଉ ଏକ ଛାତିଥରା ଦୃଶ୍ୟ ଇଟାଲିରୁ ଆସିଛି। ଇଟାଲୀରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ଦେଖିବାକୁ ମିଳୁଛି ଯେ ଏକ ହାଇୱେରେ ଅନେକ ଯାନବାହନ ଚାଲୁଛି। ଅନେକ ବଡ଼ ଯାନବାହନ ମଧ୍ୟ ସେହି ରାସ୍ତା ଦେଇ ଯାଉଛି। ଏହି ସମୟରେ ଏକ ଛୋଟ ବିମାନ ଆସି ରାସ୍ତାରେ ନିଆଁ ପିଣ୍ଡୁଳା ସାଜି ଖସି ପଡିଥିଲା। ରାସ୍ତାରେ ପଡ଼ିବା ମାତ୍ରେ ବିମାନଟି ନିଆଁର ପିଣ୍ଡୁଳା ପାଲଟିଯାଇଥିଲା।  ଏଥିରେ ଭୟଙ୍କର ନିଆଁ ଲାଗିଗଲା। ଏହି ସମୟରେ ଏକ ଦ୍ରୁତଗାମୀ କାର ମଧ୍ୟ ଭୟଙ୍କର ନିଆଁରେ ଫସିଗଲା। କିନ୍ତୁ, ସୌଭାଗ୍ୟବଶତଃ କାରଟି ଏହି ନିଆଁରୁ ବାହାରି ଆସିଲା। କୁହାଯାଉଛି ଯେ ବିମାନରେ ଦୁଇଜଣ ଥିଲେ ଏବଂ ଉଭୟଙ୍କ ମୃତ୍ୟୁ ହୋଇଛି।

 BREAKING: Tragedy in Italy — A plane has crashed onto a highway near Brescia, colliding with several vehicles. At least 2 people confirmed dead. pic.twitter.com/iT3JRquCpX

— War Doctrine (@wardoctrine_) July 23, 2025

ଏହି ବିମାନ ଦୁର୍ଘଟଣାରେ ରାସ୍ତାରେ ଯାଉଥିବା ଗାଡ଼ିଗୁଡ଼ିକ ମଧ୍ୟ ଦୁର୍ଘଟଣାଗ୍ରସ୍ତ ହୋଇଛନ୍ତି। ରିପୋର୍ଟ ଅନୁଯାୟୀ ଅନ୍ୟ ଦୁଇଜଣ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସ୍ପିଟାଲକୁ ନିଆଯାଇଛି। ସେମାନେ ଏବେ ବିପଦମୁକ୍ତ ଅଛନ୍ତି। ସେପଟେ ବିମାନରେ କେତେ ଜଣ ଥିଲେ ତାହା କର୍ତ୍ତୃପକ୍ଷ ଏପର୍ଯ୍ୟନ୍ତ ନିଶ୍ଚିତ କରିନାହାଁନ୍ତି। ଘଟଣାର ତଦନ୍ତ ଆରମ୍ଭ ହୋଇଛି ଏବଂ ଦୁର୍ଘଟଣାର କାରଣ ଖୋଜାଯାଉଛି।

ଘଟଣା ପରେ ଅଗ୍ନିଶମ ବାହିନୀର କର୍ମଚାରୀମାନେ ଉଦ୍ଧାର କାର୍ଯ୍ୟ ପାଇଁ ଘଟଣାସ୍ଥଳରେ ପହଞ୍ଚିଥିଲେ କିନ୍ତୁ ସେତେବେଳକୁ ସମ୍ପୂର୍ଣ୍ଣ ଭଗ୍ନାବଶେଷ ପୋଡ଼ି ପାଉଁଶ ହୋଇଯାଇଥିଲା। ଆହତମାନଙ୍କୁ ତୁରନ୍ତ ଡାକ୍ତରଖାନାକୁ ପଠାଯାଇଥିଲା। ଅଞ୍ଚଳକୁ ଖାଲି କରାଯାଇଥିଲା ଏବଂ ପ୍ରଭାବିତ ଯାନଗୁଡ଼ିକର ମୂଲ୍ୟାଙ୍କନ କରାଯାଇଥିଲା।