ବାଂଲାଦେଶୀଙ୍କ ମୁହଁରୁ ଭାରତର ଜୟଗାନ, ଜାଣନ୍ତୁ କଣ କହିଲା ବିଏସଏଫ୍

Bangladeshis on Indian Border : ବାଂଲାଦେଶରେ ହୋଇଥିବା ଅଶାନ୍ତି ମଧ୍ୟରେ ହଜାର ହଜାର ବାଂଲାଦେଶୀ ହିନ୍ଦୁ ବର୍ତ୍ତମାନ ବର୍ଡର ନିକଟରେ ଉପସ୍ଥିତ ଅଛନ୍ତି। ସେମାନଙ୍କୁ ଭାରତରେ ପ୍ରବେଶ କରିବାର ସୁଯୋଗ ଦେବାକୁ BSFକୁ ଅନୁରୋଧ କରିଥିଲେ । ତେବେ ସୀମା ସୁରକ୍ଷାକୁ ନେଇ ବିଏସ୍ଏଫ୍ ସମ୍ପୂର୍ଣ୍ଣ ସତର୍କ ରହିଛି। 

ବାଂଲାଦେଶରେ ଏବେ ନୂଆ ସରକାର ଗଠନ ହୋଇଥିଲେ ମଧ୍ୟ ସେଠାରେ ବିଭିନ୍ନ ପ୍ରକାରର ହିଂସାକାଣ୍ଡ ଜାରି ରହିଛି।  ବାଂଲାଦେଶର ଅନେକ ହିନ୍ଦୁ ପରିବାର ନିଜ ଘର ଛାଡି ଭାରତ ଆସିବାକୁ ଚାହୁଁଛନ୍ତି । ତେଣୁ ଭାରତ-ବାଂଲାଦେଶ ସୀମାରେ ହଜାର ହଜାର ହିନ୍ଦୁ ସମ୍ପ୍ରଦାୟର ଲୋକ ଉପସ୍ଥିତ ଅଛନ୍ତି। ପ୍ରାୟ  ୧୦୦୦ ବାଂଲାଦେଶୀ ବର୍ଡର ନିକଟରେ ଥିବା ଜଳଭଣ୍ଡାରରେ ଛିଡା ହୋଇଛନ୍ତି । ସେମାନଙ୍କୁ ଭାରତରେ ପ୍ରବେଶ କରିବାକୁ ଅନୁମତି ଦେବାକୁ ବିଏସଏଫକୁ ଅନୁରୋଧ କରିଛନ୍ତି।

ଲୋକମାନେ 'ଜୟ ଶ୍ରୀ ରାମ'ର ସ୍ଲୋଗାନ ଦେଉଛନ୍ତି।
ସୀମା ସୁରକ୍ଷାକୁ ନେଇ ବିଏସଏଫ ମଧ୍ୟ ସତର୍କ ରହିଛି। ବିଏସ୍ଏଫ୍ ଅଧିକାରୀ କହିଛନ୍ତି ଯେ, ଭାରତରେ ପ୍ରବେଶ କରିବାକୁ ଉଦ୍ୟମ କରୁଥିବା ହିନ୍ଦୁମାନଙ୍କର ସଂଖ୍ୟା ଦେଖି ଲାଗୁଛି ଯେ, ବର୍ତ୍ତମାନ ପର୍ଯ୍ୟନ୍ତ ଏହା ସବୁଠାରୁ ବଡ ଗୋଷ୍ଠୀ ଯିଏ ଭାରତରେ ପ୍ରବେଶ କରିବାକୁ ଚାହୁଁଛନ୍ତି । କୋଚ ବେହେରାର କାଶିଆର ବାରୁନି ଅଞ୍ଚଳର ପଠନ୍ତୁଲି ଗ୍ରାମରେ ସୀମା ପାର ହେବାକୁ ଚେଷ୍ଟା କରୁଥିବା ଲୋକମାନେ ଏତେ ନିରାଶ ହୋଇଥିଲେ ଯେ, ସେମାନେ ବାଡ଼ ପାର୍ଶ୍ୱରେ ଥିବା ଜଳଭଣ୍ଡାରରେ ଘଣ୍ଟା ଘଣ୍ଟା ଧରି ଛିଡା ହୋଇ ଅପେକ୍ଷା କରିଥିଲେ। କିଛି ଲୋକ 'ଜୟ ଶ୍ରୀ ରାମ' ଏବଂ 'ଭାରତ ମାତା କି ଜୟ' ସ୍ଲୋଗାନ ମଧ୍ୟ ଦେଉଥିଲେ।

ବିଏସଏଫ କର୍ମଚାରୀମାନେ ଏହି ଲୋକଙ୍କୁ ସୀମାର ଜିରୋ ପଏଣ୍ଟରୁ 150 ୟାର୍ଡ ବାଡ଼ ପାର ହେବାରେ ଅଟକାଇଥିଲେ। ବିଏସ୍ଏଫ୍ ସୈନିକଙ୍କ ବାରମ୍ବାର ନିବେଦନ ସତ୍ୱେ ଏହି ଲୋକମାନେ ବାଂଲାଦେଶର ରଙ୍ଗପୁର ଜିଲ୍ଲାର ଡୋଇ ଖାୱା ଏବଂ ଗେଣ୍ଡୁଗୁରି ଗ୍ରାମରେ ଥିବା ନିଜ ଘରକୁ ଫେରିବାକୁ ପ୍ରସ୍ତୁତ ନଥିଲେ। ବିଏସଏଫ ପକ୍ଷରୁ ଏକ ପ୍ରେସ୍ ରିଲିଜରେ କୁହାଯାଇଛି ଯେ, “ଏହି ଚ୍ୟାଲେଞ୍ଜ ବିଏସଏଫ ପାଇଁ ନୂଆ, ବାଂଲାଦେଶର ଲୋକମାନେ ଗତ କିଛି ଦିନ ହେବ ବଙ୍ଗଳା ପରଗାନାର ପେଟ୍ରାପୋଲକୁ ଆସୁଛନ୍ତି'

ଆପଣଙ୍କୁ କହିରଖିବାକୁ ଚାହୁଁ ଯେ, ସୀମା ଉପରେ ନଜର ରଖିବା ପାଇଁ ବର୍ତ୍ତମାନ ସରକାର ଏକ କମିଟି ଗଠନ କରିଛନ୍ତି। ସୀମା ସୁରକ୍ଷା ବଳର ଇଷ୍ଟର୍ନ କମାଣ୍ଡର ଏଡିଜି କମିଟିର ଅଧ୍ୟକ୍ଷ ହୋଇଛନ୍ତି। ଏହାପୂର୍ବରୁ ସୀମା ସୁରକ୍ଷା ବାହିନୀ ବାଂଲାଦେଶ ସୀମାରେ ସଜାଗ ରହିବା ସହ ସୁରକ୍ଷା ବ୍ୟବସ୍ଥା ବୃଦ୍ଧି କରିଛି। ବାଂଲାଦେଶରେ ହିଂସା ଘଟଣା ବର୍ତ୍ତମାନ ଭାରତ ସରକାରଙ୍କ ଚିନ୍ତା ବଢାଇ ଦେଇଛି।