 "Supreme Court")
Marital Rape: କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ କହିଛନ୍ତି ଯେ ଜଣେ ସ୍ୱାମୀ ନିଜ ପତ୍ନୀଙ୍କ ସହ ଶାରୀରିକ ସମ୍ପର୍କ ରଖଲେ ଯଦି ତାଙ୍କୁ ରେପ୍ ଭଳି ଦଣ୍ଡିତ କରାଯାଏ, ତେବେ ଏହା ବୈବାହିକ ଜୀବନ ଉପରେ ଗୁରୁତର ପ୍ରଭାବ ପକାଇପାରେ। ମେରିଟାଲ ରେପକୁ ଅପରାଧୀକ କରିବାକୁ ଚାହୁଁଥିବା ଅନେକ ଆବେଦନକୁ ବିରୋଧ କରି ସରକାର ଏକ ଆଫିଡେଭିଟ୍ ଦାଖଲ କରିଛନ୍ତି। ଏଥିରେ ସରକାର କହିଛନ୍ତି ଯେ ମେରିଟାଲ ରେପକୁ ଅପରାଧ ବୋଲି ଘୋଷଣା କରିବାର କୌଣସି ଆବଶ୍ୟକତା ନାହିଁ, କାରଣ ଏହା ପୂର୍ବରୁ ଅନ୍ୟ 'ଦଣ୍ଡନୀୟ ପଦକ୍ଷେପ' ବିଦ୍ୟମାନ ଅଛି। ମେରିଟାଲ ରେପକୁ ଅପରାଧ ବୋଲି ଘୋଷଣା କରିବା ସୁପ୍ରିମକୋର୍ଟଙ୍କ ଅଧିକାରରେ ନାହିଁ ବୋଲି ମଧ୍ୟ କେନ୍ଦ୍ର କହିଛି। ଆଇନ ଅପେକ୍ଷା ଏହି ମାମଲା ଅଧିକ ସାମାଜିକ ବୋଲି କେନ୍ଦ୍ର କହିଛି। ଏହା ସମାଜ ଉପରେ ସିଧାସଳଖ ପ୍ରଭାବ ପକାଇବ।
କେନ୍ଦ୍ର ସରକାର ଗୁରୁବାର ସୁପ୍ରିମକୋର୍ଟରେ ଯୁକ୍ତି ଦର୍ଶାଇଛନ୍ତି ଯେ ବିବାହ ମଧ୍ୟରେ ଦୁଷ୍କର୍ମ ପାଇଁ କଠୋର ଦଣ୍ଡବିଧାନ ବ୍ୟବସ୍ଥା ଲାଗୁ କରିବା ଦ୍ୱାରା ବିବାହ ପ୍ରତିଷ୍ଠାନ ଉପରେ ସାମାଜିକ-ଆଇନଗତ ପ୍ରଭାବ ପଡିପାରେ। ତେବେ ସରକାର ସ୍ୱୀକାର କରିଛନ୍ତି ଯେ ନିଜ ପତ୍ନୀଙ୍କ ସମ୍ମତି ଉଲ୍ଲଂଘନ କରିବାକୁ କୌଣସି ସ୍ୱାମୀଙ୍କର କୌଣସି “ମୌଳିକ ଅଧିକାର” ନାହିଁ। ଏହା ସହିତ ସରକାର ଏହା ମଧ୍ୟ କହିଛନ୍ତି ଯେ ଯଦି ସ୍ୱାମୀଙ୍କ ବିରୁଦ୍ଧରେ ଅଜଣା ବ୍ୟକ୍ତିଙ୍କ ପରି ରେପ୍ ସମ୍ବନ୍ଧୀୟ ଦଣ୍ଡବିଧାନ ବ୍ୟବସ୍ଥା ଏବଂ ନିୟମ ଲାଗୁ ହୁଏ, ତେବେ ଏହି ନିୟମର ବ୍ୟବହାର ବୈବାହିକ ଏବଂ ସାମାଜିକ ଗଠନକୁ ନଷ୍ଟ କରିପାରେ ।
ଭାରତୀୟ ଦଣ୍ଡ ସଂହିତା (ଆଇପିସି) ର ଧାରା ୩୭୫ର ଉପପାଦ-୨ ର ଏକ ସ୍ୱତନ୍ତ୍ର ନିୟମ ଅନୁଯାୟୀ ଯଦି ପତ୍ନୀ ନାବାଳକ ନୁହଁନ୍ତି, ତେବେ ସ୍ୱାମୀଙ୍କ ସହ ଶାରୀରିକ ସମ୍ପର୍କ ରେପ୍ ବୋଲି ଧରାଯିବ ନାହିଁ। ଏପରିକି ନୂତନ ନିୟମ ଅନୁଯାୟୀ, ଧାରା ୬୩ ର ଉପପାଦ-୨ ରେ ଏହା ସ୍ପଷ୍ଟ ହୋଇଛି ଯେ ଜଣେ ସ୍ୱାମୀ ନିଜ ପତ୍ନୀଙ୍କ ସହ ଶାରୀରିକ ସମ୍ପର୍କ ରଖିବା ରେପ୍ ନୁହେଁ।
ଏହି ପ୍ରସଙ୍ଗରେ ସଠିକ୍ ନିଷ୍ପତ୍ତି ନେବାକୁ ସମସ୍ତ ରାଜ୍ୟ ସହ ବିସ୍ତୃତ ଆଲୋଚନା ହେବାର ଆବଶ୍ୟକତା ରହିଛି ବୋଲି କେନ୍ଦ୍ର କହିଛି କାରଣ ଏହି ପ୍ରସଙ୍ଗ ସମାଜ ଉପରେ ସିଧାସଳଖ ପ୍ରଭାବ ପକାଇପାରେ। ସରକାର ଏହା ମଧ୍ୟ ସ୍ପଷ୍ଟ ଭାବରେ କହିଛନ୍ତି ଯେ ବିବାହରେ ମହିଳାଙ୍କ ସମ୍ମତି ଉଲ୍ଲଂଘନ କରିବା ବେଆଇନ ଏବଂ ଦଣ୍ଡନୀୟ। କିନ୍ତୁ ବିବାହ ପରେ ଏପରି ଉଲ୍ଲଂଘନର ପରିଣାମ ବାହ୍ୟ ସଂପର୍କରେ ଭିନ୍ନ ଅଟେ।
Newsletter
