Indian Navy:ଭାରତୀୟ ନୌସେନାକୁ ମିଳିଲା 'ତ୍ରିଦେବ', ଦୁଇଟି ଯୁଦ୍ଧ ଜାହାଜ ଓ ଗୋଟିଏ ବୁଡ଼ା ଜାହାଜକୁ ରାଷ୍ଟ୍ରକୁ ଉତ୍ସର୍ଗ କଲେ ପ୍ରଧାନମନ୍ତ୍ରୀ

Indian Navy:ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମୁମ୍ବାଇର ନୌସେନା ଡକୟାର୍ଡରେ ଦୁଇଟି ନୌସେନା ଯୁଦ୍ଧଜାହାଜ ଏବଂ ଗୋଟିଏ ବୁଡ଼ାଜାହାଜକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି। ଏଗୁଡ଼ିକ ହେଉଛି ଯୁଦ୍ଧଜାହାଜ INS ସୁରତ ଏବଂ INS ନୀଳଗିରି ଏବଂ ବୁଡ଼ାଜାହାଜ INS ଭାଗଶୀର। ଭାରତୀୟ ନୌସେନାରେ ଏହି ତିନି ଜାହାଜ ସାମିଲ ହେବା ପରେ ନୌସେନାର ଶକ୍ତି ବୃଦ୍ଧି ପାଇଛି। ଏହା ସହିତ ସାମୁଦ୍ରିକ ସୁରକ୍ଷା ଏବଂ ପ୍ରତିରକ୍ଷା ଉତ୍ପାଦନରେ ଏକ ମାଇଲଖୁଣ୍ଟ ପ୍ରମାଣିତ ହେବାକୁ ଯାଉଛି। 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ X ରେ ଯୁଦ୍ଧଜାହାଜର କମିଶନିଂ ସମ୍ପର୍କରେ ପୋଷ୍ଟ କରିଥିଲେ। ସେ ଲେଖିଛନ୍ତି, "ବୁଧବାର ୧୫ ଜାନୁଆରୀ ଆମର ନୌସେନା କ୍ଷମତା ପାଇଁ ଏକ ବିଶେଷ ଦିନ ହେବାକୁ ଯାଉଛି। ତିନୋଟି ପ୍ରମୁଖ ନୌସେନା ଯୁଦ୍ଧ ଜାହାଜର ସାମିଲ ହେବା ଦ୍ୱାରା ପ୍ରତିରକ୍ଷା କ୍ଷେତ୍ରରେ ବିଶ୍ୱସ୍ତରୀୟ ନେତା ହେବା ପାଇଁ ଆମର ପ୍ରୟାସକୁ ବୃଦ୍ଧି ମିଳିବ ଏବଂ ଆତ୍ମନିର୍ଭରଶୀଳତା ପାଇଁ ଆମର ପ୍ରୟାସକୁ ଆହୁରି ମଜବୁତ କରିବ।

#WATCH | Indian Navy on its latest submarine INDS Vagsheer and combatants INS Surat and INS Nilgiri

PM Modi will dedicate three frontline naval combatants INS Surat, INS Nilgiri and INS Vaghsheer to the nation on their commissioning at the Naval Dockyard in Mumbai today.

(… pic.twitter.com/vhHFqWnfSm

— ANI (@ANI) January 15, 2025

ଆଇଏନଏସ ସୁରତର ବିଶେଷତ୍ତ୍ୱ

• P15B ଗାଇଡେଡ୍ ମିସାଇଲ୍ ବିଧ୍ୱଂସକ ପ୍ରକଳ୍ପର ଚତୁର୍ଥ ଏବଂ ଶେଷ ଯୁଦ୍ଧଜାହାଜ।
• ୧୬୪ ମିଟର ଲମ୍ବ ଏବଂ ୭୪୦୦ ଟନ୍ ଭାର ବହନ କ୍ଷମତା ରହିଛି।
• ସମୁଦ୍ରରେ ୩୦ ନଟ୍ (ପ୍ରାୟ 55 କିଲୋମିଟର) ବେଗରେ ଗତି କରିବାର କ୍ଷମତା ରଖିଛି।
• ଏହା ବିଶ୍ୱର ସବୁଠାରୁ ବଡ଼ ଏବଂ ଉନ୍ନତ ବିଧ୍ୱଂସକ ମଧ୍ୟରୁ ଗୋଟିଏ।
• ଏହି ଜାହାଜରେ ୭୫ ପ୍ରତିଶତ ସ୍ୱଦେଶୀ ସାମଗ୍ରୀ ବ୍ୟବହୃତ ହୋଇଛି।
• ଅତ୍ୟାଧୁନିକ ଅସ୍ତ୍ର-ସେନ୍ସର ପ୍ୟାକେଜ୍ ଏବଂ ନେଟୱାର୍କ-କେନ୍ଦ୍ରିକ କ୍ଷମତା ସହିତ ସଜ୍ଜିତ।
• ପୃଷ୍ଠରୁ ପୃଷ୍ଠ ଏବଂ ପୃଷ୍ଠରୁ ବାୟୁରେ ଆକ୍ରମଣ କ୍ଷମତା।
• ଏହି ଯୁଦ୍ଧଜାହାଜର ଅନ୍ତର୍ଭୁକ୍ତି ଭାରତୀୟ ନୌସେନାର ବର୍ଦ୍ଧିତ ଶକ୍ତି ଏବଂ ଆତ୍ମନିର୍ଭରଶୀଳତାର ପ୍ରତୀକ।
• ଏହାର କାର୍ଯ୍ୟ ୨୦୧୯ ମସିହା ନଭେମ୍ବର ମାସରୁ ଆରମ୍ଭ ହୋଇଛି ୨୦୨୨ରେ ଶେଷ ହୋଇଥିଲା। 

ଆଇଏନଏସ ନୀଳଗିରର ବିଶେଷତ୍ତ୍ୱ

• P17A ଷ୍ଟେଲ୍ଥ ଫ୍ରିଗେଟ୍ ପ୍ରକଳ୍ପର ପ୍ରଥମ ଜାହାଜ
• ଭାରତୀୟ ନୌସେନାର ଯୁଦ୍ଧଜାହାଜ ଡିଜାଇନ୍ ବ୍ୟୁରୋ ଦ୍ୱାରା ଡିଜାଇନ୍
• ଷ୍ଟିଲ୍ଥ ପ୍ରଯୁକ୍ତିବିଦ୍ୟାରେ ସଜ୍ଜିତ ହୋଇଛି INS ନୀଳଗିରି
• ୧୪୯ ମିଟର ଲମ୍ବ ଏବଂ ୬୬୭୦ ଟନ୍ ଭାର ବହନ କ୍ଷମତା
• ସମୁଦ୍ରରେ ଦୀର୍ଘକାଳୀନ କାର୍ଯ୍ୟ କରିବାର କ୍ଷମତା।
• ପରବର୍ତ୍ତୀ ପିଢ଼ିର ସ୍ୱଦେଶୀ ଫ୍ରିଗେଟ୍‌ର ଏକ ଉତ୍କୃଷ୍ଟ ଉଦାହରଣ
• ଦେଶର ସାମୁଦ୍ରିକ ସୁରକ୍ଷା କ୍ଷମତାକୁ ଆହୁରି ସୁଦୃଢ଼ ​​କରିବ।
• ପୃଷ୍ଠରୁ ପୃଷ୍ଠ କ୍ଷେପଣାସ୍ତ୍ର ଏବଂ ମଧ୍ୟମ ଦୂରଗାମୀ ପୃଷ୍ଠରୁ ଆକାଶ କ୍ଷମତା
• ତେବେ ଏହି ଜାହାଜର ନିର୍ମାଣ କାର୍ଯ୍ୟ ୨୦୧୭ ମସିହାରେ ଆରମ୍ଭ ହୋଇଥିଲା। ୨୦୧୯ ମସିହାରେ ଏହାକୁ ଲଞ୍ଚ କରାଯାଇଥିଲା। ନୀଳଗିରି ତାହାର ସମସ୍ତ ସାମୁଦ୍ରିକ ପରୀକ୍ଷଣରେ ସଫଳତା ହାସଲ କରିଥିଲା। 

ଆଇଏନଏସ ବାଘଶିର

• ପି୫୭ ସ୍କର୍ପିଅନ ପରିଯୋଜନାର ଷଷ୍ଠ ତଥା ଅନ୍ତିମ ବୁଡାଜାହାଜ
• ଏହାର ଲମ୍ବ ୬୭ ମିଟର ହୋଇଥିବା ବେଳେ ଏହା ୧୫୫୦ ଟନର ଓଜନ ଧାରଣ କରିବାର କ୍ଷମତା ରଖିଛି। 
• ଆଣ୍ଟି ସିପ ମିଶାଇଲ, ୱାୟର ଗାଇଡେଡ୍ ଟାର୍ପିଡୋ ଓ ଉନ୍ନତ ସୋନାର ସିଷ୍ଟମ ଏଥିରେ ରଖାଯାଇଛି
• ସ୍ୱଦେଶୀ କୌଶଳର ବ୍ୟବହାର କରାଯାଇ ଏହି ବୁଡା ଜାହାଜର ନିର୍ମାଣ କରାଯାଇଛି।
• ଫ୍ରାନ୍ସର ନୌସେନାର ସହାୟତାରେ ଏହାର ନିର୍ମାଣ କରାଯାଇଛି। 
• ଏହି ବୁଡା ଜାହାଜ ସାମିଲ ହେବା ପରେ ଭାରତୀୟ ନୌସେନାର ଶକ୍ତି ବୃଦ୍ଧି ପାଇଛି। 
• ନୌସେନାରେ ଏହାକୁ ସାମିଲ କରାଯିବା ସହିତ, ଦେଶର ବୁଡ଼ାଜାହାଜ କ୍ଷମତା ବହୁଗୁଣିତ ହେବ।
• ଏହା ଦେଶକୁ ଅଧିକ ଆତ୍ମନିର୍ଭରଶୀଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।