Indian Railways: ରେଳବାଇ ନେଲା ଏକ ବଡ଼ ନିଷ୍ପତ୍ତି, ଏବେ ସହଜରେ ପାଇବେ କନଫର୍ମ ତତ୍କାଳ ଟିକେଟ୍

Indian Railways: ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତୀୟ ରେଳବାଇ ଖୁବ୍ ଶୀଘ୍ର ତତ୍କାଳ ଟିକେଟ ବୁକ୍ କରିବା ପାଇଁ ଇ-ଆଧାର ଭେରିଫିକେସନ ବ୍ୟବହାର ଆରମ୍ଭ କରିବ। ଏହା ପ୍ରକୃତ ଯାତ୍ରୀମାନଙ୍କୁ ଆବଶ୍ୟକତା ସମୟରେ ନିଶ୍ଚିତ ଟିକେଟ ପାଇବାରେ ସାହାଯ୍ୟ କରିବ।

Indian Railways: ଭାରତୀୟ ରେଳବାଇ ଯାତ୍ରୀଙ୍କ ସୁବିଧା ପାଇଁ ସମୟ ସମୟରେ ଅନେକ ପଦକ୍ଷେପ ନେଇଥାଏ। ଏବେ ରେଳବାଇ ତତ୍କାଳ ଟିକେଟ୍ କୁ ନେଇ ଏକ ବଡ଼ ନିଷ୍ପତ୍ତି ନେଇଛି। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତୀୟ ରେଳବାଇ ଖୁବ୍ ଶୀଘ୍ର ତତ୍କାଳ ଟିକେଟ୍ ବୁକ୍ କରିବା ପାଇଁ ଇ-ଆଧାର ଭେରିଫିକେସନର ବ୍ୟବହାର ଆରମ୍ଭ କରିବ। ଏହା ପ୍ରକୃତ ଯାତ୍ରୀମାନଙ୍କୁ ଆବଶ୍ୟକତା ସମୟରେ କନଫର୍ମ ଟିକେଟ୍ ପାଇବାରେ ସାହାଯ୍ୟ କରିବ।

ରେଳବାଇ କହିଛି ଯେ ଯେଉଁ ଉପଭୋକ୍ତାମାନଙ୍କର ଆକାଉଣ୍ଟ ଆଧାର ସହିତ ଲିଙ୍କ୍ ହୋଇଛି ସେମାନଙ୍କୁ ତତ୍କାଳ ଟିକେଟ୍ ବୁକିଂର ପ୍ରଥମ ୧୦ ମିନିଟରେ ପ୍ରାଥମିକତା ଦିଆଯିବ। IRCTCର ଅଧିକୃତ ଏଜେଣ୍ଟମାନେ ମଧ୍ୟ ପ୍ରଥମ ୧୦ ମିନିଟରେ ଟିକେଟ୍ ବୁକ୍ କରିପାରିବେ ନାହିଁ। ରେଳବାଇର ପରବର୍ତ୍ତୀ ପଦକ୍ଷେପ ହେଉଛି ଯେ ଖୁବ୍ ଶୀଘ୍ର ଆଧାର ଆଧାରିତ OTP ଯାଞ୍ଚକୁ ମଧ୍ୟ ବାଧ୍ୟତାମୂଳକ କରାଯିବ ଏବଂ କାଉଣ୍ଟରରୁ ଟିକେଟ୍ ବୁକିଂ ପାଇଁ ମଧ୍ୟ ଆଧାର ଆବଶ୍ୟକ ହୋଇପାରେ। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତୀୟ ରେଳବାଇ ଖୁବ୍ ଶୀଘ୍ର ଇ-ଆଧାର ସହିତ ତତକାଳ ଟିକେଟ୍ ବୁକିଂ ଆରମ୍ଭ କରିବ ଯାହା ଦ୍ଵାରା ଅଭାବୀ ଏବଂ ପ୍ରକୃତ ଯାତ୍ରୀମାନେ ଟିକେଟ୍ ପାଇପାରିବେ।

Bharatiya Railways will soon start using e-Aadhaar authentication to book Tatkal tickets.

This will help genuine users get confirmed tickets during need.

— Ashwini Vaishnaw (@AshwiniVaishnaw) June 4, 2025

IRCTC ର ତଦନ୍ତରୁ ଜଣାପଡିଛି ଯେ ଗତ ପାଞ୍ଚ ମାସ ମଧ୍ୟରେ ୨.୫ କୋଟି ନକଲି ୟୁଜର୍ ଆଇଡି ମାଧ୍ୟମରେ ଟିକେଟ୍ ବୁକ୍ ହେଉଥିଲା। ଯାହା ଯୋଗୁଁ ସାଧାରଣ ଯାତ୍ରୀମାନେ ଟିକେଟ୍ ପାଇପାରି ନଥିଲେ। ଟିକେଟ୍ କାଉଣ୍ଟର ଖୋଲିବା ମାତ୍ରେ ପ୍ରଥମ ପାଞ୍ଚ ମିନିଟରେ ୨.୯ ଲକ୍ଷ ସନ୍ଦିଗ୍ଧ PNR ସୃଷ୍ଟି ହୋଇଥିଲା। ଯେଉଁଥିରେ ସାଧାରଣ ଏବଂ ତତ୍କାଳ ଟିକେଟ୍ ଉଭୟ ଅନ୍ତର୍ଭୁକ୍ତ ଥିଲା। IRCTC ପୁଣି ୨୦ ଲକ୍ଷ ଅଧିକ ୟୁଜର୍ ଆଇଡିକୁ ଯାଞ୍ଚ ପ୍ରକ୍ରିୟାରେ ରଖିଛି। ଯାହା ଦ୍ଵାରା ଟିକେଟ୍ କଳାବଜାରୀକୁ ରୋକାଯାଇପାରିବ।