ଟ୍ରମ୍ପଙ୍କ ବିଜୟ ପାଇଁ ହୃଦୟରୁ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ମୋଦୀ

US Presidential Election: ଆମେରିକା ରାଷ୍ଟ୍ରପତି ନିର୍ବାଚନରେ ​​ଡୋନାଲ୍ଡ ଟ୍ରମ୍ପ ଦମଦାର ବିଜୟ ଆଡକୁ ଗତି କରୁଥିବା ଦେଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ରମ୍ପଙ୍କୁ ଅଭିନନ୍ଦନ ଜଣାଇବା ସହ ମିଳିତ ଭାବେ କାର୍ଯ୍ୟ କରିବାକୁ ପ୍ରତିବଦ୍ଧତା ଜଣାଇଛନ୍ତି।

PM Modi congratulated trump: ଆମେରିକାର ରାଷ୍ଟ୍ରପତି ନିର୍ବାଚନରେ ​​ଡୋନାଲ୍ଡ ଟ୍ରମ୍ପଙ୍କ ଦମଦାର ବିଜୟ ହାସଲ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଥିପାଇଁ ଟ୍ରମ୍ପଙ୍କୁ ଅଭିନନ୍ଦନ ଜଣାଇଛନ୍ତି। ଏଥିସହ ମିଳିତ ଭାବେ କାର୍ଯ୍ୟ କରିବାକୁ ପ୍ରତିବଦ୍ଧତା ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପ୍ଲାଟଫର୍ମ X ରେ ଲେଖିଛନ୍ତି ଯେ, ଡୋନାଲ୍ଡ ଟ୍ରମ୍ପଙ୍କୁ ନିର୍ବାଚନରେ ଐତିହାସିକ ବିଜୟ ପାଇଁ ହୃଦୟରୁ ଅଭିନନ୍ଦନ । ଆମେରିକା ପାଇଁ ପୂର୍ବରୁ ଯେଉଁ ସଫଳତା ଆଣିଥିଲେ  ତାହା ବଜାୟ ରଖିବା ପାଇଁ ଟ୍ରମ୍ପଙ୍କ ଉଦ୍ଦେଶ୍ୟରେ ମୋଦୀ ଲେଖିଛନ୍ତି । ଭାରତ-ଆମେରିକାର ବ୍ୟାପକ ବିଶ୍ୱସ୍ତରୀୟ ଏବଂ ରଣନୀତିକ ଭାଗିଦାରୀକୁ ଆହୁରି ମଜବୁତ କରିବା ପାଇଁ ଆମର ସହଯୋଗ ଅତ୍ୟନ୍ତ ଆବଶ୍ୟକ । ଆମେ ଲୋକଙ୍କ କଲ୍ୟାଣ ପାଇଁ ଏବଂ ବିଶ୍ୱ ଶାନ୍ତି, ସ୍ଥିରତା ଏବଂ ସମୃଦ୍ଧତା ପାଇଁ ଏକତ୍ର କାର୍ଯ୍ୟ କରିବା  ବୋଲି ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି ।

Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY

— Narendra Modi (@narendramodi) November 6, 2024

ଆମେରିକାର ରାଷ୍ଟ୍ରପତି ନିର୍ବାଚନରେ ​​ଭୋଟ ଗଣନା ଚାଲିଛି। ମୋଟ ୫୩୮ ଭୋଟ୍ ଥିବା ସମୟରେ ବିଜୟ ପାଇଁ ୨୭୦ ଖଣ୍ଡ ଭୋଟ୍ ଆବଶ୍ୟକ । ଏପର୍ଯ୍ୟନ୍ତ ୪୯୧ ନିର୍ବାଚନ ଭୋଟର ଫଳାଫଳ ଆସିଛି । ଟ୍ରମ୍ପ ବର୍ତ୍ତମାନ ମ୍ୟାଜିକ୍ ନମ୍ବର ନିକଟରେ ପହଞ୍ଚି ୨୬୭ ଭୋଟ୍ ପାଇଛନ୍ତି। ଜିତିବା ପାଇଁ କେବଳ ତିନୋଟି ଭୋଟ୍ ଆବଶ୍ୟକ । ଏଥି ସହିତ ଡେମୋକ୍ରାଟିକ୍ ପ୍ରାର୍ଥୀ କମଲା ହାରିସ୍ ମଧ୍ୟ ଏହି ପ୍ରତିଯୋଗିତାରେ ରହିଛନ୍ତି। କମଲା ଏପର୍ଯ୍ୟନ୍ତ ୨୨୪ ଖଣ୍ଡ ଭୋଟ୍ ପାଇଛନ୍ତି। ତଥାପି, ସେ ସଂଖ୍ୟାଗରିଷ୍ଠତା ମାର୍କଠାରୁ ବହୁତ ଦୂରରେ ଅଛନ୍ତି ।