Delhi Blast: ନୂଆଦିଲ୍ଲୀ: ଆଜି ସକାଳୁ ଦିଲ୍ଲୀର ପ୍ରଶାନ୍ତ ବିହାର ଅଞ୍ଚଳରେ ଏକ ବଡ଼ ଧରଣର ବିସ୍ଫୋରଣ ହୋଇଥିବା ନେଇ ଖବର ସାମ୍ନାକୁ ଆସିଛି। ଏହା ପରେ ଦିଲ୍ଲୀ ପୋଲିସକୁ ଡକାଯାଇ ବିସ୍ଫୋରଣ ସମ୍ପର୍କରେ ସୂଚନା ଦିଆଯାଇଥିଲା। ସୂଚନା ପାଇବା ପରେ ଦଳ ଘଟଣାସ୍ଥଳରେ ପହଞ୍ଚି ବିସ୍ଫୋରଣ ବିଷୟରେ ବରିଷ୍ଠ ଅଧିକାରୀମାନଙ୍କୁ ସୂଚନା ଦେଇଥିଲେ। ବର୍ତ୍ତମାନ ବୋମା ନିଷ୍କ୍ରିୟକାରୀ ସ୍କ୍ୱାଡ୍ ଏବଂ ଅଗ୍ନିଶମ ବିଭାଗ ସହିତ ବରିଷ୍ଠ ପୋଲିସ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଥିଲେ। ସେପଟେ ଏହି ବିସ୍ଫୋରଣକୁ ନେଇ କାରଣ ଖୋଜୁଛି ଦିଲ୍ଲୀ ପୋଲିସ। ଏଠାରେ କହି ରଖୁ ବିସ୍ଫୋରଣ ପରେ ସ୍ଥାନୀୟ ବାସିନ୍ଦା ପୋଲିସକୁ ସୂଚନା ପ୍ରଦାନ କରିଥିଲେ।
#WATCH | Delhi | Teams of the Delhi Police Crime Branch, Special Cell and Bomb Disposal Squad are present on the spot, where an explosion occurred in the Prashant Vihar area today. The area has been cordoned off. pic.twitter.com/GincnzmAJ9
— ANI (@ANI) November 28, 2024
ପାର୍କ ନିକଟରେ ବିସ୍ଫୋରଣ
ଆଜି ପୂର୍ବାହ୍ଣ ୧୧.୪୫ରେ ପ୍ରଶାନ୍ତ ବିହାର ଅଞ୍ଚଳରେ ଥିବା ଏକ ପାର୍କ ନିକଟରେ ଏହି ବିସ୍ଫୋରଣ ହୋଇଥିଲା। ଏହି ବିସ୍ଫୋରଣଟି ପାର୍କର ପାଚେରୀ ନିକଟରେ ହୋଇଥିଲା। ଏନେଇ ସ୍ଥାନୀୟ ବାସିନ୍ଦା ପୋଲିସକୁ ସୂଚନା ପ୍ରଦାନ କରିଥିଲେ। ପୋଲିସ ଦଳବଳ ସହିତ ଘଟଣାସ୍ଥଳରେ ପହଞ୍ଚିଥିଲା। ଏହା ସହିତ ଅଗ୍ନିଶମ ବିଭାଗର ୪ଟି ଗାଡ଼ି ମଧ୍ୟ ଘଟଣାସ୍ଥଳରେ ପହଞ୍ଚିଥିଲା। ତେବେ ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ ଆରମ୍ଭ କରିଛି। ଘଟଣାସ୍ଥଳରୁ ପୋଲିସକୁ ଧଳା ପାଉଡର ଭଳି କିଛି ସାମଗ୍ରୀକୁ ମଧ୍ୟ ଜବତ କରିଛି। ଏହାରି ମଧ୍ୟରେ ପୋଲିସ ନିକଟସ୍ଥ ଅଞ୍ଚଳରେ ଶାନ୍ତି ବଜାୟ ରଖିବାକୁ ନିବେଦନ କରିଛି। ତେବେ ଏନେଇ ଖୁବଶୀଘ୍ର ସମସ୍ତ ତଥ୍ୟ ପ୍ରଦାନ କରିବ ବୋଲି ପୋଲିସ କହିଛି।
Delhi | "A call regarding a blast was received from the Prashant Vihar area at 11.48 AM today. Fire tenders have reached the site," says Delhi Fire Service.
Details awaited.
— ANI (@ANI) November 28, 2024
ଏଠାରେ କହି ରଖୁ କିଛି ଦିନ ପୂର୍ବରୁ ରୋହିଣୀରେ ମଧ୍ୟ ଏଭଳି ଭୟଙ୍କର ବ୍ଲାଷ୍ଟ ହୋଇଥିଲା। ଏହି ଘଟଣାକୁ ନେଇ ପୋଲିସର ଚିନ୍ତା ବୃଦ୍ଧି ପାଇଥିଲା। ଗତ ଅକ୍ଟୋବର ୨୦ ତାରିଖରେ ରୋହିଣୀର ପ୍ରଶାନ୍ତ ବିହାର ଅଞ୍ଚଳରେ ସିଆରପିଏଫ ସ୍କୁଲ ନିକଟରେ ଏହି ବିସ୍ଫୋରଣ ହୋଇଥିଲା। ସେଠାରୁ ମଧ୍ୟ ଏହି ଧଳା ରଙ୍ଗର ପାଉଡର ଜବତ କରାଯାଇଥିଲା।
Newsletter
