 "କାହିଁକି ଇରାନ୍କୁ ଘୃଣା କରନ୍ତି ଟ୍ରମ୍ପ?")
Donald Trump: ଇସ୍ରାଏଲ ଏବଂ ଆମେରିକା ଇରାନକୁ ପରମାଣୁ ଅସ୍ତ୍ର ତିଆରି କରିବାରୁ ରୋକିବା ପାଇଁ ସମସ୍ତ ପ୍ରକାରର ପ୍ରୟାସ କରି ଆସିଛନ୍ତି। ଇସ୍ରାଏଲୀ ସେନା ଏହାକୁ ନେଇ ୧୨ ଜୁନ୍ ରାତିରୁ ଇରାନ ଉପରେ ପ୍ରବଳ ବୋମାମାଡ଼ କରି ଆସୁଛି। ଏହି ସମୟରେ ଇରାନ ଅଭିଯୋଗ କରିଛି ଯେ ଇରାନ ଆମେରିକାର ନିର୍ଦ୍ଦେଶରେ ଆମ ଉପରେ ଆକ୍ରମଣ କରୁଛି। ଇରାନର ସର୍ବୋଚ୍ଚ ନେତା ବୁଧବାର ଚେତାବନୀ ଦେଇଛନ୍ତି ଯେ ଯଦି ଆମେରିକା ଇସ୍ରାଏଲ-ଇରାନ ବିବାଦରେ ହସ୍ତକ୍ଷେପ କରେ ତେବେ ଇରାନ ଆମେରିକା ସହିତ ଏପରି ବ୍ୟବହାର କରିବ ଯାହା ସେ ଆଶା କରି ନ ଥାନ୍ତା। ତେବେ ଆପଣ ଜାଣନ୍ତି କି ଡୋନାଲ୍ଡ ଟ୍ରମ୍ପ ଇରାନକୁ କାହିଁକି ଏତେ ଘୃଣା କରନ୍ତି।
ଇରାନ ପ୍ରତି ଡୋନାଲ୍ଡ ଟ୍ରମ୍ପଙ୍କ ଘୃଣା ଅନେକ କାରଣରୁ ସୃଷ୍ଟି ହୋଇଛି। ସେଥିମଧ୍ୟରୁ କିଛି ପ୍ରମୁଖ କାରଣ ଆମେ ଆପଣଙ୍କୁ ଏଠାରେ ଜଣାଉଛୁ।
ପରମାଣୁ ଚୁକ୍ତି: ଟ୍ରମ୍ପ ୨୦୧୫ ମସିହାରେ ଇରାନ ସହିତ ହୋଇଥିବା ପରମାଣୁ ଚୁକ୍ତିରୁ ଆମେରିକାକୁ ପ୍ରତ୍ୟାହାର କରିନେଇଥିଲେ। ଯାହାକୁ ସେ ଏକ ଖରାପ ଚୁକ୍ତି ବୋଲି ବିବେଚନା କରୁଥିଲେ। ସେ ବିଶ୍ୱାସ କରନ୍ତି ଯେ ଇରାନ ପାଖରେ ପରମାଣୁ ଅସ୍ତ୍ର ରହିବା ଉଚିତ୍ ନୁହେଁ।
ଆଞ୍ଚଳିକ ନୀତି: ଟ୍ରମ୍ପ ପ୍ରଶାସନ ଇରାନ ଉପରେ ମଧ୍ୟପ୍ରାଚ୍ୟରେ ଅସ୍ଥିରତା ବିସ୍ତାର କରୁଥିବା ଅଭିଯୋଗ କରିଥିଲା। ବିଶେଷକରି ସିରିଆ, ୟେମେନ ଓ ଲେବାନନରେ ଏହାର ପ୍ରଭାବ ଯୋଗୁଁ।
ଇସ୍ରାଏଲ ସହିତ ଉତ୍ତେଜନା: ଟ୍ରମ୍ପ ଇସ୍ରାଏଲ ସହିତ ଦୃଢ଼ ସମ୍ପର୍କ ବୃଦ୍ଧି କରିଛନ୍ତି ଏବଂ ଇରାନକୁ ଇସ୍ରାଏଲ ପାଇଁ ଏକ ପ୍ରମୁଖ ବିପଦ ଭାବରେ ବର୍ଣ୍ଣନା କରିଛନ୍ତି। ସମ୍ପ୍ରତି ଟ୍ରମ୍ପ ଇରାନକୁ ନିଃସର୍ତ୍ତ ଆତ୍ମସମର୍ପଣ କରିବାକୁ ଅନୁରୋଧ କରିଛନ୍ତି ଏବଂ ଦାବି କରିଛନ୍ତି ଯେ ଆମେରିକା ଜାଣେ ଯେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନି କେଉଁଠାରେ ଲୁଚି ରହିଛନ୍ତି।
ଆର୍ଥିକ କଟକଣା: ଟ୍ରମ୍ପ ଇରାନ ଉପରେ କଠୋର ଆର୍ଥିକ କଟକଣା ଲାଗୁ କରିଥିଲେ। ଯାହାର ଉଦ୍ଦେଶ୍ୟ ଥିଲା ଇରାନର ଅର୍ଥନୀତି ଉପରେ ଚାପ ପକାଇବା ଏବଂ ଏହାର ସାମରିକ ଏବଂ ପରମାଣୁ କାର୍ଯ୍ୟକ୍ରମକୁ ସୀମିତ କରିବା।
ବର୍ତ୍ତମାନ ଟ୍ରମ୍ପଙ୍କ ବୟାନ ଏବଂ କାର୍ଯ୍ୟ ଦର୍ଶାଉଛି ଯେ ସେ ଇରାନ ସହିତ ଏକ ଦୃଢ଼ ଏବଂ ନିର୍ଣ୍ଣାୟକ ଆଭିମୁଖ୍ୟ ଗ୍ରହଣ କରିବାକୁ ଚାହୁଁଛନ୍ତି। ତଥାପି ଇରାନ ଟ୍ରମ୍ପଙ୍କ ଧମକ ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିଛି ଏବଂ କହିଛି ଯେ ଏହା କୌଣସି ପରିସ୍ଥିତିରେ ମୁଣ୍ଡ ନୁଆଁଇବ ନାହିଁ। ଆୟାତୋଲ୍ଲା ଖାମେନି କହିଛନ୍ତି ଯେ ଇସ୍ରାଏଲର ଇରାନ ଉପରେ ଆକ୍ରମଣ ଏକ ବଡ଼ ଭୁଲ ଏବଂ ଏଥିପାଇଁ ତାକୁ ଦଣ୍ଡ ଦିଆଯିବ।
Newsletter
