ବର୍ତ୍ତମାନ ପର୍ଯ୍ୟନ୍ତ ଏହା ସ୍ଥିର ହୋଇନାହିଁ ଯେ ଓଡି଼ଶାରେ ଏକୁଟିଆ ଲଢ଼ିବୁ ନା ବିଜେଡି ସହ ଯିବୁ: ଅମିତ ଶାହା

Amit Shah On BJD-BJP Alliance: ଓଡି଼ଶାରେ ବିଜେପି ସରକାର ଗଠନ କରିବ କି ବୋଲି ପଚରାଯିବାରୁ ଅମିତ ଶାହା କହିଛନ୍ତି, "କିଛି ବି ହୋଇପାରେ କିନ୍ତୁ ପ୍ରଥମେ ଦେଖିବା ଆମେ ଏକୁଟିଆ ଲଢ଼ିବୁ ନା ବିଜେଡି ସହ ଯିବୁ ... ଯଦି ଆମେ ଏକୁଟିଆ ଯାଉ ତେବେ ସରକାର ଗଠନ ପାଇଁ ଲଢ଼ିବୁ।"

BJD BJP Alliance: ସମ୍ଭାବ୍ୟ ବିଜେପି-ବିଜେଡି ମେଣ୍ଟକୁ ନେଇ ଚାଲିଥିବା କଳ୍ପନାଜଳ୍ପନା ମଧ୍ୟରେ ବରିଷ୍ଠ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଅମିତ ଶାହା ବୁଧବାର ଦିନ କହିଛନ୍ତି ଯେ ଜାତୀୟ ଦଳ ଏପର୍ଯ୍ୟନ୍ତ ଓଡି଼ଶାରେ ବିଜେଡି ସହ ମେଣ୍ଟ ଉପରେ ଚୂଡ଼ାନ୍ତ ନିଷ୍ପତି ନେଇ ନାହିଁ।

ଅମିତ ଶାହା କହିଛନ୍ତି, "ଆମେ ଏପର୍ଯ୍ୟନ୍ତ ବିଜେଡି ସହ ମେଣ୍ଟ କରିବାକୁ ନିଷ୍ପତ୍ତି ନେଇ ନାହୁଁ। ଆମ ଦଳର ସଭାପତି ଏହା ଉପରେ ନିଷ୍ପତି ନେବେ। ଆମେ ଓଡିଶାରେ ଆମର ଶକ୍ତି ବୃଦ୍ଧି କରିବାକୁ ଯାଉଛୁ। ରାଜ୍ୟରେ ବିଜେପିର ବିଧାନସଭା ଓ ଲୋକସଭା ଆସନ ବୃଦ୍ଧି ପାଇବ।''

ଏକ ଘରୋଇ ନ୍ୟୁଜ୍ ଚ୍ୟାନେଲରେ କଥାବାର୍ତ୍ତା କରି ଅମିତ ଶାହା କହିଛନ୍ତି, "ଓଡି଼ଶାର ଲୋକଙ୍କ ପ୍ରେମ ପ୍ରଧାନମନ୍ତ୍ରୀ ମୋଦୀଙ୍କ ଅପାର।" ଶାହା ଆହୁରି କହିଛନ୍ତି ଯେ ଓଡିଶାରେ ଅଧିକ ଲୋକସଭା A ବିଧାନସଭା ଆସନ ଜିତି ବିଜେପି ରାଜନୈତିକ ପଣ୍ଡିତଙ୍କ ସମସ୍ତ ଆକଳନକୁ ଧ୍ୱଂସ କରିଦେବ।

Union Home Minister @AmitShah speaks on possibility of BJP-BJD alliance at Network 18 Conclave

As per Sri Shah, decision on alliance will be taken by party president pic.twitter.com/vg8IIjh4YY

— Soumyajit Pattnaik (@soumyajitt) March 20, 2024

ଓଡି଼ଶାରେ ବିଜେପି ସରକାର ଗଠନ କରିବ କି ବୋଲି ପଚରାଯିବାରୁ ଅମିତ ଶାହା କହିଛନ୍ତି, "କିଛି ବି ହୋଇପାରେ କିନ୍ତୁ ପ୍ରଥମେ ଦେଖିବା ଆମେ ଏକୁଟିଆ ଲଢ଼ିବୁ ନା ବିଜେଡି ସହ ଯିବୁ ... ଯଦି ଆମେ ଏକୁଟିଆ ଯାଉ ତେବେ ସରକାର ଗଠନ ପାଇଁ ଲଢ଼ିବୁ।"