 "Lok Sabha Election 2024: ୨୦୨୪ ଲୋକସଭା ନିର୍ବାଚନ ପାଇଁ କିପରି ପ୍ରସ୍ତୁତି କରିଛି ମେଟା?")
Meta Preparation for Election 2024 in India: ବିଶ୍ୱର ବୃହତ୍ତମ ଗଣତନ୍ତ୍ରରେ ଅଷ୍ଟାଦଶ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଚାଲିଛି। ଏହି ନିର୍ବାଚନ ପାଇଁ ଆସନ୍ତା ଅପ୍ରେଲ ୧୯ ତାରିଖରୁ ଜୁନ ୧ ତାରିଖ ପର୍ଯ୍ୟନ୍ତ ମତଦାନ ହେବ। ୨୦୨୪ ଲୋକସଭା ନିର୍ବାଚନ ପାଇଁ ଫେସବୁକ୍ ପ୍ୟାରେଣ୍ଟ୍ କମ୍ପାନୀ ମେଟା ମଧ୍ୟ ପ୍ରସ୍ତୁତି ଆରମ୍ଭ କରିଦେଇଛି। ନିର୍ବାଚନ ସମୟରେ ଭୁଲ ତଥ୍ୟ ଉପରେ ଲଗାମ କଷିବାକୁ କମ୍ପାନୀ ଏକ ଯୋଜନା କରୁଛି। ଟାଇମ୍ସ ଅଫ ଇଣ୍ଡିଆ ରିପୋର୍ଟ ଅନୁଯାୟୀ ମେଟା, "ଇଣ୍ଡିଆ ନିର୍ଦ୍ଦିଷ୍ଟ ନିର୍ବାଚନ ଅପରେସନ୍ ସେଣ୍ଟର" ସକ୍ରିୟ କରିବ। ଯାହା ଦ୍ୱାରା ବିପଦ ଚିହ୍ନଟ କରି ଏହାକୁ ହ୍ରାସ କରାଯାଇ ପାରିବ। ଏନେଇ ମେଟା ପକ୍ଷରୁ କୁହାଯାଇଛି ଯେ ସାରା ବିଶ୍ୱରେ ସୁରକ୍ଷା ପାଇଁ କମ୍ପାନୀ ପାଖରେ ୪୦ ହଜାର ଲୋକ କାମ କରୁଛନ୍ତି।
୨୦୨୪ ଲୋକସଭା ନିର୍ବାଚନ ପାଇଁ କ'ଣ ରହିଛି ମେଟା ପ୍ରସ୍ତୁତି?
ଭୁଲ ତଥ୍ୟର ପ୍ରସାରକୁ ରୋକିବା, ନିର୍ବାଚନରେ ହସ୍ତକ୍ଷେପ ହଟାଇବା ଏବଂ ସ୍ୱଚ୍ଛତା ବୃଦ୍ଧି କରିବା ପାଇଁ ଆବଶ୍ୟକୀୟ ପ୍ରୟାସ କରାଯିବ ବୋଲି ମେଟା କହିଛି। ଯାହା ଏକ ମୁକ୍ତ ଏବଂ ନିରପେକ୍ଷ ନିର୍ବାଚନ ପରିଚାଳନାରେ ସହାୟକ ହେବ। ଫେସବୁକ୍ ପ୍ୟାରେଣ୍ଟ୍ କମ୍ପାନୀ ପକ୍ଷରୁ କୁହାଯାଇଛି ଯେ ସୁରକ୍ଷା ସୁନିଶ୍ଚିତ କରିବା ପାଇଁ ଆମ ପାଖରେ ପ୍ରାୟ ୪୦,୦୦୦ ଲୋକ କାର୍ଯ୍ୟ କରୁଛନ୍ତି। ଗତ ୨୦୧୬ ପର ଠାରୁ କମ୍ପାନୀ ସୁରକ୍ଷା ପାଇଁ ଗଠନ କରିଥିବା ଦଳ ଏବଂ ପ୍ରଯୁକ୍ତିବିଦ୍ୟାରେ ୨୦ ବିଲିୟନ ଆମେରିକୀୟ ଡଲାର ଠାରୁ ଅଧିକ ମୂଲ୍ୟର ନିବେଶ କରିସାରିଛି। ଯେଉଁଥିରେ ୧୫୦୦୦ ବିଷୟବସ୍ତୁ ସମୀକ୍ଷକ ସାମିଲ ଅଛନ୍ତି। ଯେଉଁମାନେ ଫେସବୁକ୍, ଇନଷ୍ଟାଗ୍ରାମ ଏବଂ ଥ୍ରେଡ୍ସ ଆଦି ଆପ୍ ଲାଗି କାର୍ଯ୍ୟ କରୁଛନ୍ତି। ମେଟା ସତୁରୀରୁ ଅଧିକ ଭାଷାରେ ବିଷୟବସ୍ତୁ ସମୀକ୍ଷା କରୁଥିବା ସମୀକ୍ଷକଙ୍କୁ ସାମିଲ କରିଛି। ଯାହା ମଧ୍ୟରେ ୨୦ ଭାରତୀୟ ଭାଷା ଅନ୍ତର୍ଭୂକ୍ତ ରହିଛି।
୨୦୨୪ ଲୋକସଭା ନିର୍ବାଚନ ପାଇଁ "ଇଣ୍ଡିଆ ନିର୍ଦ୍ଦିଷ୍ଟ ନିର୍ବାଚନ ଅପରେସନ୍ ସେଣ୍ଟର" ସକ୍ରିୟ କରିବ ମେଟା
୨୦୨୪ ଭାରତୀୟ ସଂସଦୀୟ ନିର୍ବାଚନ ପାଇଁ ଏକ ସ୍ୱତନ୍ତ୍ର ନିୟନ୍ତ୍ରଣ କକ୍ଷ ସୃଷ୍ଟି କରିବ ବୋଲି ମେଟା କହିଛି। ଫେସବୁକ୍ ପ୍ୟାରେଣ୍ଟ୍ କମ୍ପାନୀ ପକ୍ଷରୁ ଗଠିତ ହୋଇଥିବା ନିୟନ୍ତ୍ରଣ କକ୍ଷରେ ଅନେକ ଜ୍ଞାନୀ ବ୍ୟକ୍ତି ଯେପରିକି ଗୁଇନ୍ଦାଗିରି ସମ୍ପର୍କରେ ବୁଝୁଥିବା , ଡାଟା ସାଇଣ୍ଟିଷ୍ଟ, ବୈଜ୍ଞାନିକ, ଇଞ୍ଜିନିୟର୍, ଅନୁସନ୍ଧାନକାରୀ, ପରିଚାଳକ ଏବଂ ଆଇନ କାନୁନ ସହ ଜଡି଼ତ ବ୍ୟକ୍ତି ନିର୍ବାଚନ ସମୟରେ ଉପୁଜିଥିବା ସମସ୍ୟାକୁ ଚିହ୍ନଟ କରି ଏହାର ସମାଧନ କରିବେ ଏବଂ ଏହାକୁ ବନ୍ଦ କରିବାର ଉପାୟ ମଧ୍ୟ ଖୋଜିବେ। ମେଟା ଏହା ମଧ୍ୟ କହିଛି ଯେ ଭାରତୀୟ ନିର୍ବାଚନ ଆୟୋଗ ସହିତ ଗତ ୨୦୧୯ ବର୍ଷରୁ ସ୍ୱେଚ୍ଛାସେବୀ ଆଚରଣ ବିଧି ଅନୁଯାୟୀ ଘନିଷ୍ଠ ଭାବେ କାର୍ଯ୍ୟ କରୁଛନ୍ତି। ଏହି ସଂହିତ ଅନୁଯାୟୀ ନିର୍ବାଚନ ଆୟୋଗକୁ ଅଧିକାର ମିଳିଛି ଯେ ସେମାନେ କୌଣସି ଭୁଲ ତଥ୍ୟ ସମ୍ପର୍କରେ ଅବଗତ କରିବା ପାଇଁ ସିଧାସଳଖ ମେଟା ସହ ଯୋଗାଯୋଗ କରିପାରିବେ।
କେଉଁ କେଉଁ ବିଷୟବସ୍ତୁ ହଟାଇବ ମେଟା?
ମେଟା ପକ୍ଷରୁ କୁହାଯାଇଛି ଯେ ଫେସବୁକ୍, ଇନଷ୍ଟାଗ୍ରାମ ଏବଂ ଥ୍ରେଡ ଠାରୁ ସବୁଠାରୁ ଭୁଲ୍ ଏବଂ ବିଭ୍ରାନ୍ତକାରୀ ସୂଚନା, ତଥ୍ୟ ଅପସାରଣ କରିବ। ଯାହା ଲୋକଙ୍କୁ ଭୋଟ୍, କିମ୍ବା ହିଂସା କିମ୍ବା କ୍ଷତିକାରକ ଖବର ପ୍ରସାରଣରୁ ଅଟକାଇବ। ଏହା ମଧ୍ୟ ମିଥ୍ୟା ପ୍ରଚାର କରୁଥିବା ବ୍ୟକ୍ତିଙ୍କୁ ଅନ୍ତର୍ଭୂକ୍ତ କରିଥାଏ। ଯେଉଁଥିରେ ଗୋଟିଏ ଧର୍ମର ବ୍ୟକ୍ତି ଅନ୍ୟ ଧର୍ମର ଲୋକଙ୍କୁ ହଇରାଣ କରୁଛନ୍ତି କିମ୍ବା ଆଘାତ ଦେଉଛନ୍ତି।
Newsletter
