 "IPL 2025 ପୂର୍ବରୁ BCCI ନେଲା ବଡ଼ ଆକ୍ସନ")
IPL 2025 ଆରମ୍ଭ ହେବାକୁ ଆହୁରି କିଛି ଦିନ ବାକି ଅଛି। କିନ୍ତୁ ଏହି ସମୟ ମଧ୍ୟରେ BCCI ଏକ ବଡ଼ ନିଷ୍ପତ୍ତି ନେଇଛି। ଆଇପିଏଲ ସମୟରେ ବିଦେଶୀ ଖେଳାଳିମାନେ ପ୍ରାୟତଃ କିଛି ନା କିଛି ମନଇଚ୍ଛା କାମ କରିଦିଅନ୍ତି। ଏହା ଫଳରେ ତାଙ୍କୁ କିଣିଥିବା ଦଳଗୁଡ଼ିକ ବହୁତ କ୍ଷତି ସହେ। ଏହାକୁ ଏଡାଇବା ପାଇଁ ବିସିସିଆଇ ନିଲାମ ପୂର୍ବରୁ କିଛି ନିୟମ ସ୍ଥିର କରିଥିଲା। ଏବେ ଏହାର ପ୍ରଭାବ ମଧ୍ୟ ଦୃଶ୍ୟମାନ ହେଉଛି। ଖବର ଅଛି ଯେ ବିସିସିଆଇ ଇଂଲଣ୍ଡ ଖେଳାଳି ହ୍ୟାରି ବ୍ରୁକଙ୍କୁ ଦୁଇ ବର୍ଷ ପାଇଁ IPLରୁ ବାସନ୍ଦ କରିଛି। ଏହି ସମୟ ମଧ୍ୟରେ ସେ ଆଇପିଏଲ ନିଲାମରେ ନିଜ ନାମ ପଞ୍ଜୀକରଣ କରିପାରିବେ ନାହିଁ।
ଚଳିତ ବର୍ଷ IPL ପାଇଁ ଯେତେବେଳେ ନିଲାମ ହୋଇଥିଲା ହ୍ୟାରି ବୁକ୍ ମଧ୍ୟ ତାଙ୍କ ନାମ ଦେଇଥିଲେ। ଏହା ପରେ ତାଙ୍କ ନାମ ସଂକ୍ଷିପ୍ତ ତାଲିକାରେ ସ୍ଥାନ ପାଇଲା ଏବଂ ତାଙ୍କ ନାମରେ ବିଡ୍ ମଧ୍ୟ ଦିଆଯାଇଥିଲା। ଦିଲ୍ଲୀ କ୍ୟାପିଟାଲ୍ସ ତାଙ୍କୁ ୬.୨୫ କୋଟିରେ ନିଜ ଦଳରେ ସାମିଲ କରିଥିଲା। କିନ୍ତୁ ଆଇପିଏଲ ବିଡ୍ ଶେଷ ହେବା ମାତ୍ରେ ହ୍ୟାରି ବ୍ରୁକ୍ ତାଙ୍କ ନାମ ପ୍ରତ୍ୟାହାର କରି ନେଇଥିଲେ। ଏହା ଲଗାତାର ଦ୍ୱିତୀୟ ବର୍ଷ ଯେବେ ହ୍ୟାରି ବ୍ରୁକ୍ ଏହା କରିଛନ୍ତି। ଏଥର ହ୍ୟାରି ନିଜର ଜାତୀୟ ପ୍ରତିବଦ୍ଧତା ଉଲ୍ଲେଖ କରିଛନ୍ତି। ଏବେ ହ୍ୟାରି ବ୍ରୁକ୍ ଆଉ ଦୁଇ ବର୍ଷ ପାଇଁ ଆଇପିଏଲ୍ ଖେଳିପାରିବେ ନାହିଁ।
ଇଣ୍ଡିଆନ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ବିସିସିଆଇ ଏ ବିଷୟରେ ଇସିବି ଅର୍ଥାତ୍ ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡକୁ ଜଣାଇ ଦେଇଛି। ରିପୋର୍ଟରେ ବିସିସିଆଇର ଜଣେ ଅଧିକାରୀଙ୍କ ଉଦ୍ଧୃତି ଦିଆଯାଇଛି ଯେ ନିୟମ ଅନୁଯାୟୀ ବିସିସିଆଇ ହ୍ୟାରି ବ୍ରୁକଙ୍କୁ ବ୍ୟାନ୍ କରିଛି। ହ୍ୟାରି ବ୍ରୁକ ଏବଂ ଇସିବିକୁ ମଧ୍ୟ ଅବଗତ କରାଯାଇଛି।
କହିରଖୁଛୁ ଯେ ଅନେକ IPL ଦଳ ଏହି ପ୍ରକାରର ହରକତ୍ ଯୋଗୁଁ ବିରକ୍ତ ହୋଇ ଯାଇଥିଲେ। ଖେଳାଳିମାନେ IPL ନିଲାମ ପାଇଁ ସେମାନଙ୍କର ନାମ ସବମିଟ୍ କରୁଥିଲେ ଏବଂ ଯେତେବେଳେ ସେମାନଙ୍କୁ ଚୟନ କରାଯାଉଥିଲା ସେମାନେ କୌଣସି ବାହାନା ଦେଇ ଟୁର୍ଣ୍ଣାମେଣ୍ଟରୁ ନିଜ ନାମ ପ୍ରତ୍ୟାହାର କରୁଥିଲେ। ଏହା ଥରେ ନୁହେଁ ବରଂ ଅନେକ ଥର ଘଟିଛି। ଯେତେବେଳେ ଦଳଗୁଡ଼ିକ ବିସିସିଆଇକୁ ଏ ବିଷୟରେ କିଛି ନିୟମ ପ୍ରସ୍ତୁତ କରିବାକୁ କହିଥିଲେ,ବିସିସିଆଇ ସ୍ପଷ୍ଟ କରିଥିଲା ଯେ ଏପରି କରୁଥିବା ଯେକୌଣସି ଖେଳାଳିଙ୍କୁ ଦୁଇ ବର୍ଷ ପାଇଁ ବାସନ୍ଦ କରାଯିବ। ଗତ ବର୍ଷ ନିଲାମ ପୂର୍ବରୁ ସମସ୍ତ ଖେଳାଳିଙ୍କୁ ଏ ବିଷୟରେ ଅବଗତ କରାଯାଇଥିଲା।
Newsletter
