 "Ambati Rayudu Join YSRCP")
Former Cricketer Ambati Rayudu Join YSRCP: ଭାରତର ପୂର୍ବତନ ଷ୍ଟାର କ୍ରିକେଟର ଅମ୍ବାତି ରାୟଡୁ କ୍ରିକେଟ୍ ଜଗତକୁ ବିଦାୟ ଦେବା ପରେ ରାଜନୀତିରେ ପ୍ରବେଶ କରିଛନ୍ତି। ରାୟୁଡୁ ଆନ୍ଧ୍ରପ୍ରଦେଶର ଦଳ ଯୁବଜନ ଶ୍ରମିକ ରାୟଥୁ କଂଗ୍ରେସ ପାର୍ଟିରେ ଯୋଗ ଦେଇଛନ୍ତି। ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇଏସ୍ ଜଗନ୍ ମୋହନ ରେଡ୍ଡୀ (YS Jagan Mohan Reddy) ନିଜ ଦଳରେ ରାଇଡୁଙ୍କୁ ସ୍ୱାଗତ କରିଛନ୍ତି। କହିରଖୁଛୁ ଯେ ରାୟୁଡୁ ପ୍ରଥମେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ ଓ ଏହା ପରେ ଆଇପିଏଲରୁ ମଧ୍ୟ ଅବସର ନେଇଥିଲେ। ବର୍ତ୍ତମାନ କ୍ରିକେଟ୍ ସଂପୂର୍ଣ୍ଣ ଛାଡିବା ପରେ ଖେଳାଳି ରାଜନୀତିରେ ପ୍ରବେଶ କରିବାକୁ ନିଷ୍ପତ୍ତି ନେଇଛନ୍ତି।
ସେ ଯୁବଜନ ଶ୍ରମିକ ରାୟଥୁ କଂଗ୍ରେସ ପାର୍ଟି (YSRCP) ସଭାପତି ଜଗନ୍ ମୋହନ ରେଡ୍ଡୀଙ୍କ ଉପସ୍ଥିତିରେ ଏହି ଦଳରେ ଯୋଗ ଦେଇଥିଲେ। ରାଇଡୁ ଏପରି ଏକ ସମୟରେ ଦଳରେ ଯୋଗ ଦେଇଛନ୍ତି, ଯେତେବେଳେ ସମସ୍ତ ଦଳ ଆଗାମୀ ଲୋକସଭା ନିର୍ବାଚନ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ଏଭଳି ପରିସ୍ଥିତିରେ ଲୋକସଭା ନିର୍ବାଚନରେ ଦଳ ତାଙ୍କୁ ଟିକେଟ୍ ଦେବ କି ନାହିଁ ପ୍ରଶ୍ନ ଉଠିଛି?
సీఎం క్యాంప్ కార్యాలయంలో ముఖ్యమంత్రి శ్రీ వైఎస్ జగన్ సమక్షంలో వైఎస్సార్ కాంగ్రెస్ పార్టీలో చేరిన ప్రముఖ భారత క్రికెటర్ అంబటి తిరుపతి రాయుడు.#CMYSJagan #YSRCongressParty #AmbatiRayudu #APWithYSRCP #YSJaganAgain #AndhraPradesh pic.twitter.com/J0IdsbxQIf
— Jagananna Connects (@JaganannaCNCTS) December 28, 2023
ସୂଚନାଯୋଗ୍ୟ ଯେ ଇଣ୍ଡିଆନ୍ ପ୍ରିମିୟର ଲିଗ୍ ଫାଇନାଲରେ ଚେନ୍ନାଇ ସୁପର କିଙ୍ଗ୍ସ ପାଇଁ ମେ' ୨୯ ରେ ରାଇଡୁ ତାଙ୍କର ଶେଷ କ୍ରିକେଟ୍ ମ୍ୟାଚ୍ ଖେଳିଥିଲେ। ରାଜନୀତିରେ ଯୋଗଦେବା ପୂର୍ବରୁ ସେ ନିଜ ଜନ୍ମ ଗୁଣ୍ଟୁର ଜିଲ୍ଲାର ପ୍ରତ୍ୟେକ କୋଣ ଅନୁକୋଣକୁ ଯାଇ ଲୋକମାନଙ୍କ କଥା ବୁଝିଥିଲେ।
ହିନ୍ଦୁସ୍ତାନ ଟାଇମ୍ସ ରିପୋର୍ଟ ଅନୁଯାୟୀ, ସେ ବୁଧବାର ଦିନ (୨୭ ଡିସେମ୍ବର) ଗଣମାଧ୍ୟମକୁ କହିଥିଲେ ଯେ, "ମୁଁ ଖୁବ ଶୀଘ୍ର ଆନ୍ଧ୍ରପ୍ରଦେଶ ରାଜନୀତିରେ ପ୍ରବେଶ କରି ଲୋକଙ୍କ ସେବା କରିବି। ରାଜନୀତିରେ ପ୍ରବେଶ କରିବା ପୂର୍ବରୁ ମୁଁ ଲୋକଙ୍କୁ ଜାଣିବାକୁ ଚେଷ୍ଟା କରିଥିଲି ଓ ସେମାନଙ୍କ ସମସ୍ୟା ବୁଝିଥିଲି।" ଆମେ ପରିସ୍ଥିତିକୁ ବୁଝିବା ଏବଂ ଜିଲ୍ଲାର ବିଭିନ୍ନ ଅଞ୍ଚଳ ପରିଦର୍ଶନ କରିବାକୁ ନିଷ୍ପତ୍ତି ନେଇଛୁ।”
Newsletter
