Gautam Gambhir: କୋଚ୍ ଭାବରେ ମାତ୍ର ପାଞ୍ଚ ମାସରେ ଟଳମଳ ଗମ୍ଭୀରଙ୍କ ଗାଦି, କରିସାରିଲେଣି ତିନୋଟି ଲଜ୍ଜାଜନକ ରେକର୍ଡ

India vs New Zealand: ଗୌତମ ଗମ୍ଭୀର କୋଚ୍ ହେବା ପରଠାରୁ ଭାରତୀୟ ଦଳର ପ୍ରଦର୍ଶନ ଖରାପ ହେବାରେ ଲାଗିଛି। ଦୀର୍ଘ ଦିନ ପରେ ଦଳ ODI ଏବଂ ଟେଷ୍ଟ ସିରିଜ୍ ହାରିଛି। ଏହି ଅବଧିରେ ଶ୍ରୀଲଙ୍କା ଏବଂ ନ୍ୟୁଜିଲ୍ୟାଣ୍ଡ ଭାରତୀୟ ଦଳ ବିପକ୍ଷ ସିରିଜ ଜିତିଛନ୍ତି।

Gautam Gambhir: ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ନ୍ୟୁଜିଲ୍ୟାଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଖରାପ ପ୍ରଦର୍ଶନ କରିଛି। ବ୍ୟାଟ୍ସମ୍ୟାନ୍ ମାନେ ଏହି ତିନୋଟି ମ୍ୟାଚ୍‌ରେ ନିରାଶ କରିଥିଲେ ଏବଂ ବ୍ୟାଟିଂ ବେଳେ ସ୍ପିନରଙ୍କ ବିପକ୍ଷରେ ସଂଘର୍ଷ କରୁଥିବା ଦେଖିବାକୁ ମିଳିଥିଲା। ରୋହିତଙ୍କ ବ୍ୟତୀତ ଭାରତୀୟ ଦଳର ମୁଖ୍ୟ କୋଚ୍ ଗୌତମ ଗମ୍ଭୀରଙ୍କ ପାଇଁ ମଧ୍ୟ ସମସ୍ୟା ବଢିଛି। କୋଚ୍ ହେବା ପରଠାରୁ ଦଳର ପ୍ରଦର୍ଶନ କେବଳ ଟି-୨୦ ଫର୍ମାଟରେ ଭଲ ରହିଛି। କିନ୍ତୁ ଦଳ ODI ଏବଂ ଟେଷ୍ଟରେ ଲଜ୍ଜାଜନକ ରେକର୍ଡ କରିଛି।

ଗୌତମ ଗମ୍ଭୀର ମୁଖ୍ୟ କୋଚ୍ ଦାୟିତ୍ୱ ଗ୍ରହଣ କରିବାର ମାତ୍ର ପାଞ୍ଚ ମାସ ବିତିଗଲାଣି, କିନ୍ତୁ ଏହି ସମୟ ମଧ୍ୟରେ ତାଙ୍କ ତତ୍ତ୍ୱାବଧାନରେ ଦଳର ପ୍ରଦର୍ଶନ ନିମ୍ନ ସ୍ତରକୁ ଗତିକରୁଛି। ବର୍ତ୍ତମାନ ଗମ୍ଭୀରଙ୍କ ପାଇଁ ଅସୁବିଧା ବଢ଼ିବାକୁ ଯାଉଛି କାରଣ ଭାରତ ଅଷ୍ଟ୍ରେଲିଆରେ ପରବର୍ତ୍ତୀ ଟେଷ୍ଟ ସିରିଜ୍ ଖେଳିବ, ଯେଉଁଠାରେ ତାଙ୍କ ପାଇଁ ଅବସ୍ଥା ଆହୁରି ଖରାପ ହୋଇପାରେ। ଏଠାରେ ଆମେ ଆପଣଙ୍କୁ ସେହି ତିନୋଟି ଖରାପ ରେକର୍ଡ ବିଷୟରେ କହିବାକୁ ଯାଉଛୁ ଯାହା ମୁଖ୍ୟ କୋଚ୍ ଭାବରେ ଗମ୍ଭୀରଙ୍କ ନାମରେ ଲିପିବଦ୍ଧ ହୋଇସାରିଛି।

୨୪ ବର୍ଷ ପରେ ଘରୋଇ ମାଟିରେ କ୍ଲିନ୍ ସୁଇପ୍
ଗୌତମ ଗମ୍ଭୀରଙ୍କ ତତ୍ତ୍ୱାବଧାନରେ ଭାରତୀୟ ଦଳ ଘରୋଇ ମାଟିରେ କ୍ଲିନ୍ ସୁଇପ୍ ହୋଇଛି। ନ୍ୟୁଜିଲ୍ୟାଣ୍ଡ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜକୁ ୩-୦ରେ ଜିତି ନେଇଛି। ଟମ ଲାଥାମଙ୍କ ନେତୃତ୍ୱରେ ଦଳ ମଧ୍ୟ ୩୬ ବର୍ଷ ପରେ ଭାରତରେ ପ୍ରଥମ ଟେଷ୍ଟ ସିରିଜ୍ ଜିତିଛି। ଏହାପୂର୍ବରୁ ୨୦୦୦ ରେ ଭାରତୀୟ ଦଳକୁ ଏକ କ୍ଲିନ୍ ସ୍ୱିପ୍ ର ସାମ୍ନା କରିବାକୁ ପଡିଥିଲା।

୧୨ ବର୍ଷ ପରେ ଘରେ ସିରିଜ୍ ହରାଇଲା ଭାରତ
ନ୍ୟୁଜିଲ୍ୟାଣ୍ଡ ବିପକ୍ଷ ସିରିଜ୍ ପୂର୍ବରୁ ଭାରତୀୟ ଦଳ ଗତ ୧୨ ବର୍ଷ ମଧ୍ୟରେ କୌଣସି ଟେଷ୍ଟ ସିରିଜ୍ ହାରି ନଥିଲା। କିନ୍ତୁ କିୱି ଦଳ ଏହି ଧାରାକୁ ଭାଙ୍ଗି ଲଗାତାର ଦୁଇଟି ମ୍ୟାଚ୍ ଯିତିବା ପରେ ଏହି ରେକର୍ଡ ଭାଙ୍ଗି ଯାଇଥିଲା। ବିରାଟ କୋହଲିଙ୍କ ନେତୃତ୍ୱରେ ଭାରତ କେବଳ ଦୁଇଟି ମ୍ୟାଚ୍ ହାରିଥିଲା।

Gautam Gambhir As A ICT Coach :-

- After 27yrs, Lost A Bilateral ODI Series vs SL
- For 1st Time, Lost 30 Wickets In A 3 Match ODI Series
- After 45yrs, India Remained Winless In A Calendar Year In ODIs
- After 36yrs, India Lost Test vs NZ At Home
- After 19yrs, India Lost Test… pic.twitter.com/rac4zXPxWw

— Aufridi Chumtya (@ShuhidAufridi) November 3, 2024

ଦୁଇ ଦଶନ୍ଧି ପରେ ଶ୍ରୀଲଙ୍କା ବିପକ୍ଷରେ ODI ସିରିଜ୍ ହାରିଲା ଟିମ୍
ଶ୍ରୀଲଙ୍କା ବିପକ୍ଷ ODI ସିରିଜରେ ଭାରତକୁ ପରାଜୟର ସାମ୍ନା କରିବାକୁ ପଡିଥିଲା। ମୁଖ୍ୟ କୋଚ୍ ଭାବରେ ଏହା ଗମ୍ଭୀରଙ୍କ ପ୍ରଥମ ସିରିଜ୍ ଥିଲା। ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜରେ ଶ୍ରୀଲଙ୍କା ଭାରତକୁ ପରାସ୍ତ କରିଛି। ୨୭ ବର୍ଷ ମଧ୍ୟରେ ଶ୍ରୀଲଙ୍କା ବିପକ୍ଷରେ ଏହା ଭାରତର ପ୍ରଥମ ODI ସିରିଜ୍ ପରାଜୟ। ପ୍ରଥମ ମ୍ୟାଚ୍ ଡ୍ର ଭାବରେ ଶେଷ ହୋଇଥିବାବେଳେ ଘରୋଇ ଦଳ ପରବର୍ତ୍ତୀ ୨ଟି ମ୍ୟାଚ୍ ଜିତିନେଇଥିଲା।