IPL 2025 Mega Auction: ଇଣ୍ଡିଆନ୍ ପ୍ରିମିୟର ଲିଗ୍ (IPL)ର ସମସ୍ତ ୧୦ଟି ଦଳ ରିଟେନସନ୍ ତାଲିକା ପ୍ରକାଶ କରିଛନ୍ତି। ଆଇପିଏଲ୍ ୨୦୨୫ ମେଗା ନିଲାମ ପୂର୍ବରୁ ଫ୍ରାଞ୍ଚାଇଜ ଗୁଡ଼ିକ ୪୬ ଜଣ ଖେଳାଳିଙ୍କୁ ରିଟେନ୍ କରିଛନ୍ତି। ଏବେ ନିଲାମ ତାରିଖ ଓ ସ୍ଥାନକୁ ନେଇ ବଡ ଖବର ସାମ୍ନାକୁ ଆସୁଛି । ଆଇପିଏଲ୍ ୨୦୨୫ର ମେଗା ନିଲାମ ଦୁଇ ଦିନ ଧରି ଚାଲିବ, ଯାହା ନଭେମ୍ବର ଶେଷରେ ସାଉଦି ଆରବର ରିୟାଦ୍ ସହରରେ ଅନୁଷ୍ଠିତ ହୋଇପାରେ ବୋଲି ଆଶା କରାଯାଉଛି।
କ୍ରମାଗତ ଦ୍ବିତୀୟ ବର୍ଷ ପାଇଁ ଆଇପିଏଲ୍ ନିଲାମି ପ୍ରକ୍ରିୟା ଭାରତ ବାହାରେ ଅନୁଷ୍ଠିତ ହେବ ବୋଲି କୁହାଯାଉଛି। ଦୁବାଇରେ ଆଇପିଏଲ୍ ୨୦୨୪ ପ୍ରି-ସିଜନ ନିଲାମ ଅନୁଷ୍ଠିତ ହୋଇଥିଲା। ପ୍ରଥମ ଥର ପାଇଁ ବିଦେଶରେ ଆଇପିଏଲ୍ ନିଲାମି ଅନୁଷ୍ଠିତ ହୋଇଥିଲା। ଏଥର ଖେଳାଳିଙ୍କ ବିଡ୍ ରିୟାଦରେ ହେବ। ଆଇପିଏଲ୍ ୨୦୨୫ ମେଗା ନିଲାମର ସମ୍ଭାବ୍ୟ ତାରିଖ ନଭେମ୍ବର ୨୪ ଓ ୨୫ ରେ ହେବ ବୋଲି ଚର୍ଚ୍ଚା ହେଉଛି।
ଆଇପିଏଲ୍ ନିଲାମ ପୂର୍ବରୁ ଫ୍ରାଞ୍ଚାଇଜ ମାନେ ଋଷଭ ପନ୍ତ, କେଏଲ୍ ରାହୁଲ, ଶ୍ରେୟସ ଆୟର, ମହମ୍ମଦ ସାମି, ଇଶାନ କିଶନ, ଅର୍ଶଦୀପ ସିଂହ, ଜୋସ୍ ବଟଲର, ଗ୍ଲେନ ମ୍ୟାକ୍ସୱେଲ ଓ ମାର୍କସ ଷ୍ଟୋଇନିସ୍ଙ୍କ ଭଳି ତାରକାଙ୍କ ସମେତ ଅନେକ ବଡ଼ ଖେଳାଳିଙ୍କୁ ରିଲିଜ୍ କରିଛନ୍ତି। ଏହି ସମସ୍ତ ଖେଳାଳି ଏବେ ମେଗା ନିଲାମରେ ପ୍ରବେଶ କରିବେ। ନିଲାମ ଟେବୁଲରେ ପଞ୍ଜାବ କିଙ୍ଗ୍ସ ସବୁଠାରୁ ମହଙ୍ଗା ହେବ। ପଞ୍ଜାବ ମାତ୍ର ୨ ଜଣ ଅଣକ୍ୟାପ୍ଡ ଖେଳାଳିଙ୍କୁ ରିଟେନ୍ କରିଛି ଏବଂ ୧୨୦ କୋଟିରୁ ୧୧୦.୫ କୋଟି ବାକି ରହିଛି।
Also Read: Weekly Financial Horoscope: ଆର୍ଥିକ ଦୃଷ୍ଟିରୁ କେମିତି କଟିବ ଆଗାମୀ ସପ୍ତାହ, ଜାଣନ୍ତୁ ପୂରା ସପ୍ତାହର ରାଶିଫଳ
Newsletter
