 "Ravichandran Ashwin Retirement")
Ravichandran Ashwin Retirement: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଗାବା ଟେଷ୍ଟ ଶେଷ ହେବା ପରେ ଭାରତର ଭେଟେରାନ୍ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ତାଙ୍କର ଏହି ନିଷ୍ପତ୍ତି କେବଳ ପ୍ରଶଂସକଙ୍କ ମଧ୍ୟରେ ନୁହେଁ କ୍ରିକେଟ୍ ବିଶେଷଜ୍ଞଙ୍କ ମଧ୍ୟରେ ମଧ୍ୟ ଅନେକ କୌତୁହଳ ସୃଷ୍ଟି କରିଛି ଯେ ସେ ହଠାତ୍ କାହିଁକି ଏପରି ନିଷ୍ପତ୍ତି ନେଲେ।
ବିଶ୍ୱାସ କରାଯାଉଛି ଯେ ଆର୍ ଅଶ୍ୱିନ୍ ଅଷ୍ଟ୍ରେଲିଆ ବିପକ୍ଷରେ ପର୍ଥ ଟେଷ୍ଟରେ ଖେଳିବାକୁ ଚାହୁଁଥିଲେ, କିନ୍ତୁ ଦଳ ତାଙ୍କ ସ୍ଥାନରେ ୱାଶିଂଟନ୍ ସୁନ୍ଦରଙ୍କୁ ସୁଯୋଗ ଦେଇଥିଲା। ଏହି ପ୍ରସଙ୍ଗରେ ସାମ୍ବାଦିକ ସମ୍ମିଳନୀରେ ଭାରତୀୟ ଅଧିନାୟକ ରୋହିତ ଶର୍ମା ଏହା ମଧ୍ୟ କହିଛନ୍ତି ଯେ ସେ ଏହି ନିଷ୍ପତ୍ତି ବିଷୟରେ ସେ ତାଙ୍କ ସହ କଥା ହୋଇଥିଲେ, ଯେଉଁଠାରେ ଅଶ୍ୱିନ ସ୍ପଷ୍ଟ ଭାବରେ କହିଛନ୍ତି ଯେ ଯଦି ସେ ସିରିଜରେ ଆବଶ୍ୟକ ନୁହଁନ୍ତି ତେବେ ସେ ଖେଳକୁ ବିଦାୟ ନେବା ଭଲ ହେବ।
ନିଜ ଅବସରକୁ ନେଇ କ'ଣ କହିଲେ ଅଶ୍ୱିନ୍?
ଅଶ୍ୱିନଙ୍କୁ ୩୮ ବର୍ଷ ବୟସ ହୋଇସାରିଛି ଏବଂ ଅଧିକ ବୟସ ଯୋଗୁଁ ସେ ଏହି ନିଷ୍ପତ୍ତି ନେଇଥିବା ଜଣାପଡିଛି। ସାମ୍ବାଦିକ ସମ୍ମିଳନୀରେ ସେ କହିଛନ୍ତି, 'କ୍ରିକେଟର ଭାବେ ମୋ ଭିତରେ ବହୁତ କିଛି ବାକି ଅଛି। ଘରୋଇ ଏବଂ କ୍ଲବ ସ୍ତରୀୟ କ୍ରିକେଟରେ ମୁଁ ଏହାର ଲାଭ ଉଠାଇବାକୁ ଚାହେଁ, କିନ୍ତୁ ଅନ୍ତର୍ଜାତୀୟ ସ୍ତରରେ ଏହା ମୋର ଶେଷ ଦିନ ହେବ।'
Ravichandran Ashwin announces his retirement from all forms of international cricket.
Congratulations on a brilliant career pic.twitter.com/UHWAFmMwC0
— 7Cricket (@7Cricket) December 18, 2024
ଟିମ୍ ଇଣ୍ଡିଆରେ କିଏ ନେବ ଅଶ୍ୱନଙ୍କ ସ୍ଥାନ?
ଅଶ୍ୱିନଙ୍କ ଅବସର ପରେ ଭାରତୀୟ ଟିମ୍ ମ୍ୟାନେଜମ୍ୟାଣ୍ଟ ପାଇଁ ସବୁଠାରୁ କଷ୍ଟକର ପ୍ରଶ୍ନ ହେଉଛି କିଏ ତାଙ୍କ ସ୍ଥାନ ନେବ। ଚେନ୍ନାଇର ଏହି ବୋଲିଂ ଅଲରାଉଣ୍ଡର ୧୦୬ଟି ଟେଷ୍ଟ ମ୍ୟାଚ୍ ଖେଳି ୫୩୭ ୱିକେଟ୍ ନେଇଥିଲେ। ବହୁତ କମ୍ ସ୍ପିନ୍ ବିକଳ୍ପ ଉପଲବ୍ଧ ଥିବାରୁ ବର୍ତ୍ତମାନ ରବିନ୍ଦ୍ର ଜାଡେଜା ଏବଂ ୱାଶିଂଟନ୍ ସୁନ୍ଦର ଉପରେ ଅଧିକ ଚାପ ରହିବ।
ଏପରି ରହିଛି ଅଶ୍ୱିନଙ୍କ କ୍ୟାରିୟର
୧୦୬ ଟେଷ୍ଟରେ ୫୩୭ ୱିକେଟ୍ ନେଇଥିବା ଅଶ୍ୱିନଙ୍କ ଦିନିକିଆ କ୍ରିକେଟରେ (ODI) ରେକର୍ଡ ମଧ୍ୟ ସମାନ ପ୍ରଭାବଶାଳୀ ରହିଛି। ଅଶ୍ୱିନ ନିଜ ODI କ୍ୟାରିୟରର ୧୧୬ଟି ମ୍ୟାଚରେ ହାରାହାରି ୩୪.୬୨ ହାରରେ ୧୫୬ ୱିକେଟ୍ ନେଇଛନ୍ତି। ଟି-୨୦ ଇଣ୍ଟରନ୍ୟାସନାଲରେ ଏହି ଭେଟେରାନ ବୋଲର ୬୫ଟି ମ୍ୟାଚରେ ୭୨ ୱିକେଟ୍ ମଧ୍ୟ ନେଇଛନ୍ତି।
Newsletter
