IND vs ENG: ଭାରତ-ଇଂଲଣ୍ଡ ମଧ୍ୟରେ କେଉଁ ସମୟରେ ଖେଳାଯିବ ପ୍ରଥମ ଟେଷ୍ଟ, ଜାଣନ୍ତୁ କିପରି ମାଗଣାରେ ଦେଖିବେ Live ମ୍ୟାଚ୍

IND vs ENG 1st Test: ଭାରତ ଓ ଇଂଲଣ୍ଡ ମଧ୍ୟରେ ଏକ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଆରମ୍ଭ ହେବାକୁ ଯାଉଛି। ଟେଷ୍ଟ ସିରିଜର ପ୍ରଥମ ମ୍ୟାଚ୍ ହାଇଦ୍ରାବାଦର ରାଜୀବ ଗାନ୍ଧୀ କ୍ରିକେଟ୍ ଷ୍ଟାଡିୟମରେ ଖେଳାଯିବ।

IND vs ENG 1st Test: ଭାରତ ଓ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ୨୫ ଜାନୁୟାରୀରୁ ଆରମ୍ଭ ହେବାକୁ ଯାଉଛି। ସିରିଜର ପ୍ରଥମ ମ୍ୟାଚ୍ ହାଇଦ୍ରାବାଦର ରାଜୀବ ଗାନ୍ଧୀ କ୍ରିକେଟ୍ ଷ୍ଟାଡିୟମରେ ଖେଳାଯିବ। ଇଂଲଣ୍ଡ ଦଳ ମଧ୍ୟ ଏହି ମ୍ୟାଚ୍ ପାଇଁ ନିଜର ପ୍ଲେଇଂ-11 ଘୋଷଣା କରି ସାରିଛି। ଏଥି ସହିତ ଭାରତୀୟ ଅଧିନାୟକ ରୋହିତ ଶର୍ମା ଟସ୍ ସମୟରେ ପ୍ଲେଇଂ ଇଲେଭେନ ଘୋଷଣା କରିବେ। ଏଭଳି ପରିସ୍ଥିତିରେ, ଆସନ୍ତୁ ଜାଣିବା କ୍ରିକେଟ୍ ପ୍ରଶଂସକମାନେ କିପର୍ ଏହି ମ୍ୟାଚ୍ ଲାଇଭ୍ ଦେଖିପାରିବେ।

କେଉଁ ସମୟରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍?
ଭାରତ ଓ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ୨୫ ଜାନୁୟାରୀରେ ଭାରତୀୟ ସମୟ ସକାଳ ୯:୩୦ ରେ ଆରମ୍ଭ ହେବ। ଏଥି ସହିତ ପ୍ରଥମ ଟେଷ୍ଟ ମ୍ୟାଚର ଟସ୍ ଭାରତୀୟ ସମୟ ସକାଳ ୯ ଟାରେ ହେବ। ଏହି ମ୍ୟାଚ୍ ସମୟରେ ଖେଳର ପ୍ରଥମ ଅଧିବେଶନ ସକାଳ ୯.୩୦ ରୁ ୧୧.୩୦ ପର୍ଯ୍ୟନ୍ତ ଚାଲିବ। ଦ୍ୱିତୀୟ ଅଧିବେଶନର ମଧ୍ୟାହ୍ନ ୧୨.୧୦ ରୁ ୨.୧୦ ପର୍ଯ୍ୟନ୍ତ ଖେଳାଯିବ। ଯେତେବେଳେ କି, ତୃତୀୟ ଅଧିବେଶନ ଅପରାହ୍ନ ୨.୩୦ ରୁ ୪.୩୦ ପର୍ଯ୍ୟନ୍ତ ଚାଲିବ।

କିପରି ମାଗଣାରେ ଦେଖିବେ ଲାଇଭ୍ ମ୍ୟାଚ୍?
ଦୁଇ ଦଳ ମଧ୍ୟରେ ଖେଳାଯାଇଥିବା ଏହି ଟେଷ୍ଟ ସିରିଜ୍ ସ୍ପୋର୍ଟସ୍-୧୮ ନେଟୱାର୍କରେ ସିଧା ପ୍ରସାରଣ ହେବ। ଏଥି ସହିତ ଜିଓ ସିନେମାରେ ଲାଇଭ୍ ଷ୍ଟ୍ରିମିଂ ପ୍ରଦର୍ଶିତ ହେବ। ବିଶେଷ କଥା ହେଉଛି କ୍ରିକେଟ୍ ପ୍ରଶଂସକମାନେ ଜିଓ ସିନେମାରେ ମାଗଣାରେ ଏହି ମ୍ୟାଚର ଲାଇଭ୍ ଷ୍ଟ୍ରିମିଂ ଦେଖିପାରିବେ।

ହାଇଦ୍ରାବାଦ ଟେଷ୍ଟ ପାଇଁ ଏହା ରହିଛି ଇଂଲଣ୍ଡ ପ୍ଲେଇଂ ଇଲେଭେନ୍
ଜ୍ୟାକ କ୍ରୋଲି, ବେନ୍ ଡକେଟ୍, ଓଲି ପୋପ୍, ଜୋ ରୁଟ୍, ଜନି ବେୟାରଷ୍ଟୋ, ବେନ୍ ଷ୍ଟୋକ୍ସ (ଅଧିନାୟକ), ବେନ୍ ଫୋକ୍ସ, ରେହାନ ଅହମ୍ମଦ, ଟମ ହାର୍ଟଲି, ମାର୍କ ୱୁଡ, ଜ୍ୟାକ୍ ଲିଚ୍।

ଭାରତୀୟ ଦଳର ସାମ୍ଭାବ୍ୟ ପ୍ଲେଇଂ ଇଲେଭେନ୍
ରୋହିତ ଶର୍ମା (ଅଧିନାୟକ), ଯଶସ୍ୱୀ ଜୈସୱାଲ, କେ.ଏଲ୍ ରାହୁଲ, କେ.ଏସ୍ ଭରତ (ୱିକେଟ୍ କିପର), ରଜତ ପାଟିଦାର, ରବିଚନ୍ଦ୍ରନ୍ ଅଶ୍ୱିନ୍, ରବିନ୍ଦ୍ର ଜାଡେଜା, ଅକ୍ଷର ପଟେଲ, ମହମ୍ମଦ ସିରାଜ, ମୁକେଶ କୁମାର, ଜସପ୍ରୀତ ବୁମ୍ରା।