 "India Beat Pakistan")
IND W vs PAK W: ରବିବାର ଦିନ ମହିଳା ଟି-୨୦ ବିଶ୍ୱକପ ୨୦୨୪ ର ସପ୍ତମ ମ୍ୟାଚରେ ଭାରତୀୟ ମହିଳା କ୍ରିକେଟ୍ ଦଳ ପାକିସ୍ତାନ ମହିଳା କ୍ରିକେଟ୍ ଦଳକୁ ୬ ୱିକେଟରେ ପରାସ୍ତ କରିଛି। ଏହା ସହ ଭାରତୀୟ ମହିଳାମାନେ ସେମିଫାଇନାଲରେ ଥିବା ଆଶାକୁ ଜୀବନ୍ତ ରଖିଛନ୍ତି। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ରେ ଭାରତୀୟ ଦଳକୁ ନ୍ୟୁଜିଲାଣ୍ଡ ହାତରେ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା।
ପାକିସ୍ତାନ କରିଥିଲା ୧୦୫ ରନ୍
ମ୍ୟାଚ୍ ବିଷୟରେ କହିବାକୁ ଗଲେପାକିସ୍ତାନ ଅଧିନାୟକ ଫାତିମା ସାନା ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରିବାକୁ ଆସିଥିବା ପାକିସ୍ତାନ ଟିମ୍ ନିର୍ଦ୍ଧାରିତ ୨୦ ଓଭରରେ ୮ ୱିକେଟ୍ ହରାଇ ୧୦୫ ରନ୍ ସଂଗ୍ରହ କରିଥିଲା। ନିଦା ଦାର ଦଳ ତରଫରୁ ସର୍ବାଧିକ ୨୮ ରନର ଇନିଂସ ଖେଳିଥିଲେ। ଏହାର ଜବାବରେ ଭାରତୀୟ ଦଳ ୧୮.୫ ଓଭରରେ ଏହି ଲକ୍ଷ୍ୟକୁ ହାସଲ କରିନେଇଥିଲା।
ପାକିସ୍ତାନ କରିଥିଲା ଖରାପ ଆରମ୍ଭ
ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ଆସିବା ପରେ ପାକିସ୍ତାନର ଆରମ୍ଭ ଖରାପ ଥିଲା। ରେଣୁକା ସିଂ ଠାକୁର ପ୍ରଥମ ଓଭରରେ ଗୁଲ ଫିରୋଜାଙ୍କୁ ବୋଲ୍ଡ କରିଥିଲେ। ଏପରିକି ଗୁଲ ଫିରୋଜାଙ୍କ ନିଜ ଖାତା ମଧ୍ୟ ଖୋଲି ପାରି ନଥିଲା। ୨୫ ରନ୍ ସ୍କୋରରେ ପାକିସ୍ତାନ ଦ୍ୱିତୀୟ ଝଟକା ପାଇଛି। ୧୧ ଟି ବଲରେ ସିଦାର ଆମିନ ୮ ରନ୍ ସ୍କୋର କରିଥିଲେ।
ଓମାଇମା ସୋହେଲ ୩, ମୁନିବା ଅଲି ୧୭, ଆଲିଆ ରିଆଜ ୪, କ୍ୟାପଟେନ ଫାତିମା ସାନା ୧୩, ଟୁବା ହାସନ ଖାତା ଖୋଲି ପାରିନଥିଲେ। ଅରୁବ ଶାହା ୧୪ ରନରେ ଅପରାଜିତ ରହିଥିଲେ ଏବଂ ନାସରା ସାନ୍ଧୁ ୬ ରନରେ ଅପରାଜିତ ରହିଥିଲେ। ଅରୁନ୍ଧତୀ ରେଡ୍ଡୀ ଭାରତ ପାଇଁ ସର୍ବାଧିକ ୩ ୱିକେଟ୍ ନେଇଥିଲେ। ଶ୍ରେୟଙ୍କା ପାଟିଲ ୨ଟି ୱିକେଟ୍ ନେଇଥିଲେ। ରେଣୁକା ସିଂ, ଦୀପ୍ତି ଶର୍ମା ଏବଂ ଆଶା ଶୋଭାନା ଗୋଟିଏ ଲେଖାଏଁ ୱିକେଟ୍ ହାସଲ କରିଥିଲେ।
୧୦୬ ରନ୍ର ଟାର୍ଗେଟକୁ ପିଛି କରୁଥିବା ଭାରତୀୟ ଦଳ ଆରମ୍ଭ ବିଶେଷ ନଥିଲା। ୧୮ ସ୍କୋରରେ ଦଳ ଏହାର ପ୍ରଥମ ୱିକେଟ ହରାଇଥିଲା। ସ୍ମୃତି ମନ୍ଦନା ୧୬ ବଲରେ ୭ ରନ୍ ସଂଗ୍ରହ କରିଥିଲେ। ଏହା ପରେ ଶେମାଲି ଭର୍ମା ଜେମିମା ରୋଡ୍ରିଗୁସଙ୍କ ସହ ମିଳି ଦ୍ୱିତୀୟ ୱିକେଟ୍ ପାଇଁ ୪୩ ରନ୍ ଯୋଡିଥିଲେ। ଦ୍ୱାଦଶ ଓଭରରେ ଶେଫାଲୀ ଭର୍ମା ଆଉଟ୍ ହୋଇଥିଲେ। ସେ ୩୫ ବଲରେ ୩୨ ରନର ଇନିଂସ ଖେଳିଥିଲେ।
ଜେମିମା ରୋଡ୍ରିଗୁସ୍ ୨୮ ବଲରେ ୨୩ ରନ୍ ସଂଗ୍ରହ କରିଥିଲେ। ଯେତେବେଳେ ରିଚା ଘୋଷ ଗୋଲ୍ଡେନ ଡକର ଶିକାର ହୋଇଥିଲେ। ୨୪ ଟି ବଲରେ ୨୯ ରନ୍ ସ୍କୋର କରିବା ପରେ କ୍ୟାପଟେନ ହରମାନପ୍ରୀତ କୌର ରିଟାୟର୍ଡ ହଟ୍ ହୋଇଥିଲେ। ୭ ରନ୍ ସ୍କୋର କରିବା ପରେ ଦୀପ୍ତି ଶର୍ମା ଅପରାଜିତ ରହିଥିଲେ ଓ ୪ ରନ୍ ସ୍କୋର କରିବା ପରେ ସଞ୍ଜନା ଅପରାଜିତ ରହିଥିଲେ। ଫାତିମା ସାନା ୨ଟି ୱିକେଟ୍ ନେଇଥିଲେ। ତାଙ୍କ ବ୍ୟତୀତ ସାଦିଆ ଇକବାଲ ଓ ଓମାଇମା ସୋହେଲ ପ୍ରତ୍ୟେକ ଗୋଟିଏ ଲେଖାଁଏ ସଫଳତା ହାସଲ କରିଥିଲେ।
Newsletter
