Odisha News: ରିଲ୍ସ କରିବା ସମୟରେ ନଦୀରେ ବୁଡି ୧୬ ବର୍ଷର ଛାତ୍ର ନିଖୋଜ !

Odisha News: ପାରାଦୀପ ଅଠରବାଙ୍କୀ କାଉଡିଆ ନଦୀରେ ବୁଡି ୧୬ ବର୍ଷର ଛାତ୍ର ନିଖୋଜ। ନିଖୋଜ ହୋଇଥିବା ବାଳକ ସ୍ଥାନୀୟ ଅଠରବାଙ୍କୀ ଅଞ୍ଚଳର ତ୍ରିଲୋଚନ ଲେଙ୍କା। ଘଟଣା ସ୍ଥଳରେ ପାରାଦୀପ ଆଦର୍ଶ ଥାନା ପୋଲିସ ଓ ଓଡ୍ରାଫ୍ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। ସୂଚନାନୁଯାୟୀ ପାରାଦୀପ ଅଠରବାଙ୍କୀ ପୋଲ ଉପରୁ ନଦୀକୁ ଡେଇଁ ପଡି ଛାତ୍ର ତ୍ରିଲୋଚନ ଲେଙ୍କା ନିଖୋଜ। 

ସ୍ଥାନୀୟ ଲୋକ ଓ ପୋଲିସ ଘଟଣା ସ୍ଥଳରେ ପହଞ୍ଚି ଖୋଜାଖୋଜି ଆରମ୍ଭ କରିଥିବା ବେଳେ ପୋଲ ଉପରୁ ତାର ସାର୍ଟ,ଚପଲ ଓ ମୋବାଇଲ ଜବତ କରାଯାଇଛି। ତେବେ କେଉଁ କାରଣରୁ ତ୍ରୀଲୋଚନ ନଦୀକୁ ଡେଇଁଲେ ତାର ସ୍ପଷ୍ଟ ସୂଚନା ମିଳି ପାରିନଥିବା ବେଳେ ମୋବାଇଲରେ ରିଲ୍ସ କରିବା ସମୟରେ ପୋଲ ଉପରୁ ନଦୀକୁ ଖସି ପଡିଥିବା କୁହାଯାଉଛି। 

Odisha News: ରିଲ୍ସ କରିବା ସମୟରେ ନଦୀରେ ବୁଡି ୧୬ ବର୍ଷର ଛାତ୍ର ନିଖୋଜ ! pic.twitter.com/9u5uLnXeaI

— ZEE Odisha News (@ZeeOdisha) May 1, 2024

ତେବେ ଘଟଣାକୁ ନେଇ ଓଡ୍ରାଫ୍ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରୀ ରଖିଥିବା ବେଳେ ଦିନ ୧୧ଟା ସମୟରେ ଏଭଳି ଘଟଣା ଘଟିଛି ବୋଲି ତାର ସମ୍ପର୍କୀୟମାନେ କହିଛନ୍ତି। ତ୍ରୀଲୋଚନ ପାରାଦୀପ କଲେଜର ଯୁକ୍ତ ୨ ପ୍ରଥମ ବର୍ଷ ଛାତ୍ର ଥିବା ବେଳେ ପାରାଦୀପ ଅଠରବାଙ୍କୀ ପୋଲ ଉପରୁ ନଦୀକୁ କିପରି ଓ କାହିଁକି ଡେଇଁଲେ ପୋଲିସ ତଦନ୍ତ ଚଳାଇଥିବା ବେଳେ ଓଡ୍ରାଫ ଟିମ୍ ଉଦ୍ଧାର କାର୍ଯ୍ୟ ଜାରୀ ରଖିଛି।