Indian Railway: ରେଳରେ ଯାତ୍ରା କରୁଛନ୍ତି କି ? ଏହି ରୁଟ୍ ରେ ହେଲା ଅସ୍ଥାୟୀ ପରିବର୍ତ୍ତନ

ରାଉରକେଲା ଏବଂ ବଣ୍ଡାମୁଣ୍ଡା ମଧ୍ୟରେ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ହେଉଥିବା କାରଣରୁ ଟ୍ରେନ୍ ସେବାରେ ଅସ୍ଥାୟୀ ପରିବର୍ତ୍ତନ

ଭୁବନେଶ୍ୱର: ନିରାପତ୍ତା ବୃଦ୍ଧି ଏବଂ ଭିତ୍ତିଭୂମିରେ ଉନ୍ନତି ଆଣିବା ପାଇଁ ଭାରତୀୟ ରେଳବାଇର ପ୍ରତିବଦ୍ଧତା ଅନୁଯାୟୀ, ଦକ୍ଷିଣ ପୂର୍ବ ରେଳପଥ ଚକ୍ରଧରପୁର ରେଳ ମଣ୍ଡଳ ଏପ୍ରିଲ ୨୧ ରୁ ଏପ୍ରିଲ ୨୬,୨୦୨୫ ପର୍ଯ୍ୟନ୍ତ ରାଉରକେଲା ଏବଂ ବଣ୍ଡାମୁଣ୍ଡା ମଧ୍ୟରେ ଗୁରୁତ୍ୱପୂର୍ଣ୍ଣ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ହାତକୁ ନେଇଛି ।

ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟରେ ରାଉରକେଲା-ବଣ୍ଡାମୁଣ୍ଡା ରେଳ ସେକ୍ସନରେ ମଲ୍ଟି-ଟ୍ରାକିଂ ଲାଇନଗୁଡ଼ିକର କାର୍ଯ୍ୟକ୍ଷମର ଅଂଶ ଭାବରେ ଟ୍ରାକ୍ ସଂଯୋଗ ଏବଂ ନନ୍-ଇଣ୍ଟରଲକିଂ ପରିଚାଳନା ଅନ୍ତର୍ଭୁକ୍ତ । ଏହି ଅପଗ୍ରେଡଗୁଡ଼ିକ ଟ୍ରେନ ପରିଚାଳନାରେ ଉନ୍ନତି ଆଣିବା ସହ ଦୀର୍ଘକାଳୀନ ଭାବରେ ସୁରକ୍ଷିତ ଏବଂ ଅଧିକ ଦକ୍ଷ ରେଳ ସେବା ସୁନିଶ୍ଚିତ କରିବା ପାଇଁ ଉଦ୍ଦିଷ୍ଟ ।

ଏହି ପ୍ରକଳ୍ପର ସୁଗମ କାର୍ଯ୍ୟାନ୍ୱୟନକୁ ସହଜ କରିବା ପାଇଁ, କିଛି ଟ୍ରେନ୍ ସେବାକୁ ଅସ୍ଥାୟୀ ଭାବରେ ବାତିଲ କିମ୍ବା ଆଂଶିକ ଭାବରେ ବାତିଲ କରାଯିବ । ଯାତ୍ରୀ ସୁରକ୍ଷା ଏବଂ ଯାତ୍ରା କରୁଥିବା ଜନସାଧାରଣଙ୍କ ଅସୁବିଧାକୁ ସର୍ବନିମ୍ନ ପ୍ରାଥମିକତା ଦେଇ ଏହି ପରିବର୍ତ୍ତନଗୁଡ଼ିକ କାର୍ଯ୍ୟକାରୀ କରାଯାଉଛି ।

ଟ୍ରେନ ସେବା ବାତିଲ

1. 18452 ପୁରୀ - ହଟିଆ ତପସ୍ୱିନି ଏକ୍ସପ୍ରେସ 20, 21, 22, 24 ଏବଂ 25 ଏପ୍ରିଲ୍ 2025 ରେ ପୁରୀ ଠାରୁ ବାତିଲ୍ ରହିବ ।

2. 18451 ହଟିଆ - ପୁରୀ ତପସ୍ୱିନି ଏକ୍ସପ୍ରେସ 21, 22, 23, 25 ଏବଂ 26 ଏପ୍ରିଲ୍ 2025 ରେ ହଟିଆ ଠାରୁ ବାତିଲ୍ ରହିବ ।

3. 18125 ରାଉରକେଲା - ପୁରୀ ଏକ୍ସପ୍ରେସ 24 ଏବଂ 25 ଏପ୍ରିଲ, ୨୦୨୫ ରେ ରାଉରକେଲା ଠାରୁ ବାତିଲ୍ ରହିବ ।

4. 18126 ପୁରୀ - ରାଉରକେଲା ଏକ୍ସପ୍ରେସ 25 ଏବଂ 26 ଏପ୍ରିଲ୍, 2025 ରେ ପୁରୀ ଠାରୁ ବାତିଲ୍ ରହିବ ।

5. 18118/18117 ଗୁଣୁପୁର - ରାଉରକେଲା - ଗୁଣୁପୁର ରାଜ୍ୟରଣୀ ଏକ୍ସପ୍ରେସ 24 ଏପ୍ରିଲରେ ଗୁଣୁପୁରରୁ ଏବଂ 25 ଏପ୍ରିଲ, 2025ରେ ରାଉରକେଲାରୁ ବାତିଲ୍ ରହିବ ।

ଟ୍ରେନଗୁଡ଼ିକର ଆଂଶିକ ବାତିଲ

1. 22862/12872 କଣ୍ଟାବାଞ୍ଜୀ / ଟିଟିଲାଗଡ଼ - ହାଓଡ଼ା ଇସ୍ପାତ ଏକ୍ସପ୍ରେସ ଏପ୍ରିଲ 21 ରୁ 26 ତାରିଖ ପର୍ଯ୍ୟନ୍ତ କେବଳ କଣ୍ଟାବାଞ୍ଜୀ / ଟିଟିଲାଗଡ଼ ଓ ଝାରସୁଗୁଡ଼ା ମଧ୍ୟରେ ଚଳାଚଳ କରିବ ।

2. 22861/12871 ହାଓଡ଼ା - କଣ୍ଟାବାଞ୍ଜୀ / ଟିଟିଲାଗଡ଼ ଇସ୍ପାତ ଏକ୍ସପ୍ରେସ କେବଳ ହାଓଡ଼ା ଓ ଟାଟାନଗର ମଧ୍ୟରେ ଏହି ସମୟରେ ଚଳାଚଳ କରିବାକୁ ଥିବାବେଳେ ଉଭୟ ପାର୍ଶ୍ୱରୁ ଝାରସୁଗୁଡା ଓ ଟାଟାନଗର ମଧ୍ୟରେ ବାତିଲ ରହିବ ।

3. 15028/15027 ସମ୍ବଲପୁର-ଗୋରଖପୁର-ସମ୍ବଲପୁର ମୌର୍ଯ୍ୟ ଏକ୍ସପ୍ରେସ୍ ଗୋରଖପୁର ଠାରୁ ଏପ୍ରିଲ୍ 21 ଏବଂ 24 ରେ ହଟିଆ ଓ ସମ୍ବଲପୁର ମଧ୍ୟରେ ବାତିଲ ରାହିବାକୁ ଥିବାବେଳେ ସମ୍ବଲପୁର ଠାରୁ 23 ଏବଂ 26 ଏପ୍ରିଲ, 2025 ରେ ଛାଡିବାକୁ ଟ୍ରେନ ସମ୍ବଲପୁର ଓ ହଟିଆ ମଧ୍ୟରେ ବାତିଲ ରହିବ ।

4. 20835/20836 ରାଉରକେଲା-ପୁରୀ-ରାଉରକେଲା ବନ୍ଦେ ଭାରତ ଏକ୍ସପ୍ରେସ ଉଭୟ ପାର୍ଶ୍ୱରୁ 25 ଏପ୍ରିଲ୍, 2025ରେ ଝାରସୁଗୁଡା ଓ ରାଉରକେଲା ମଧ୍ୟରେ ବାତିଲ ରହିବ ।

ଯାତ୍ରୀମାନଙ୍କୁ ଅନୁରୋଧ କରାଯାଇଛି ଯେ ସେମାନେ ଟ୍ରେନ୍ ସମୟସୂଚୀ ଯାଞ୍ଚ କରି ସେହି ଅନୁସାରେ ସେମାନଙ୍କ ଯାତ୍ରା ଯୋଜନା କରନ୍ତୁ । ରେଳବାଇ ସାମୟିକ ଅସୁବିଧା ପାଇଁ ଦୁଃଖ ପ୍ରକାଶ କରୁଛି ଏବଂ ଏହି ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଉନ୍ନତିର ସମୟରେ ଜନସାଧାରଣଙ୍କଠାରୁ ସହଯୋଗ ଚାହୁଁଛି ।