Top 10 News: କଟକ ବଡ଼ ମେଡିକାଲ ଯାଏଁ ଗଡିବ ମେଟ୍ରୋ, ଭାରତୀୟ ଗୀତକୁ ବ୍ୟାନ କଲା ପାକିସ୍ତାନ, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 Odia News Headlines: ରାଜ୍ୟ ସରକାର ଗୁରୁବାର ଦିନ ଆଗାମୀ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପକୁ ନେଇ ଏକ ଗୁରୁତ୍ୱପୂର୍ଣ୍ଣ ସମ୍ପ୍ରସାରଣ ବିଷୟରେ ଅପଡେଟ୍ ଦେଇଛନ୍ତି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 Odia News Headlines 1 May 2025: H1. Odisha To Hold Joint Grievance Hearings: ରାଜ୍ୟ ସରକାର ଘୋଷଣା କରିଛନ୍ତି ଯେ ଜନସାଧାରଣଙ୍କ ଅଭିଯୋଗର ସମାଧାନ ପାଇଁ ୫ ମଇରେ ସମସ୍ତ ଜିଲ୍ଲାରେ ଜିଲ୍ଲାସ୍ତରୀୟ ମିଳିତ ଅଭିଯୋଗ ଶୁଣାଣି ଅନୁଷ୍ଠିତ ହେବ। ସାଧାରଣ ପ୍ରଶାସନ ଏବଂ ସାଧାରଣ ଅଭିଯୋଗ ବିଭାଗ ଏହି କାର୍ଯ୍ୟକ୍ରମ ପାଇଁ ଅନଲାଇନ୍ ପଞ୍ଜୀକରଣ ମେ ୨ ତାରିଖ ସକାଳ ୧୧ଟାରୁ ଜନସୁନାନୀ ପୋର୍ଟାଲ୍ (https://janasunani.odisha.gov.in/) ମାଧ୍ୟମରେ ଆରମ୍ଭ କରିଛି।

H2. Baijayant Panda appointed chairman of Parliamentary Committee: ଲୋକସଭା ବାଚସ୍ପତି ଓମ୍ ବିର୍ଲା ଗୁରୁବାର ସଂସଦର ଅନେକ କମିଟି ଗଠନ ବିଷୟରେ ଘୋଷଣା କରିଛନ୍ତି। ଓମ୍ ବିର୍ଲା ସାର୍ବଜନୀନ ଉଦ୍ୟୋଗ ସଂସଦୀୟ କମିଟି ଏବଂ ସଂସଦୀୟ ଆକଳନ କମିଟିର ଅଧ୍ୟକ୍ଷ ଏବଂ ସଦସ୍ୟମାନଙ୍କୁ ନିଯୁକ୍ତ କରିଛନ୍ତି। ଏହି କ୍ରମରେ ଲୋକସଭା ବାଚସ୍ପତି ଓମ୍ ବିର୍ଲା ବିଜେପି ସାଂସଦ ବୈଜୟନ୍ତ ପଣ୍ଡାଙ୍କୁ ସାର୍ବଜନୀନ ଉଦ୍ୟୋଗ ସଂସଦୀୟ କମିଟିର ଅଧ୍ୟକ୍ଷ ଭାବରେ ନିଯୁକ୍ତ କରିଛନ୍ତି। 

H3. Bhubaneswar Metro extension: ରାଜ୍ୟ ସରକାର ଗୁରୁବାର ଦିନ ଆଗାମୀ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପକୁ ନେଇ ଏକ ଗୁରୁତ୍ୱପୂର୍ଣ୍ଣ ସମ୍ପ୍ରସାରଣ ବିଷୟରେ ଅପଡେଟ୍ ଦେଇଛନ୍ତି। ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ଅନୁସାରେ ଭୁବନେଶ୍ୱର ମେଟ୍ରୋ ପ୍ରକଳ୍ପ ବର୍ତ୍ତମାନ ତ୍ରିଶୁଳିଆ ପରିବର୍ତ୍ତେ କଟକ ବଡ଼ ମେଡିକାଲ ଯାଏଁ ସଂପ୍ରସାରଣ ହେବ।

H4. Odisha Weather Update: ଭାରତୀୟ ପାଣିପାଗ ବିଭାଗ ରାଜ୍ୟର ବିଭିନ୍ନ ଜିଲ୍ଲା ପାଇଁ ଅରେଞ୍ଜ ଏବଂ ୟେଲୋ ଆଲର୍ଟ ଜାରି କରିଛି। ଆଗାମୀ କିଛି ଦିନ ମଧ୍ୟରେ ବିଭିନ୍ନ ଅଞ୍ଚଳରେ ସମ୍ଭାବ୍ୟ ବଜ୍ରପାତ, ପ୍ରବଳ ପବନ ଏବଂ ପ୍ରବଳ ବର୍ଷା ବିଷୟରେ ଜୱସାଧାରଣଙ୍କୁ ସତର୍କ କରାଇଛି।

H5. Odisha launches ‘Sahayog’ initiative: ଗୃହ ନିର୍ମାଣ ଏବଂ ନଗର ଉନ୍ନୟନ (H&UD) ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ର ଗୁରୁବାର ଦିନ 'ସହଯୋଗ' ନାମକ ଏକ ନୂତନ ପ୍ରୟାସର ଶୁଭାରମ୍ଭ କରିଛନ୍ତି। ଏହି କାର୍ଯ୍ୟକ୍ରମର ଲକ୍ଷ୍ୟ ହେଉଛି ଓଡ଼ିଶାର ସହରାଞ୍ଚଳ ଗରିବ ଲୋକଙ୍କୁ ସହାୟତା କରିବା ଏବଂ ପ୍ରଚଳିତ ସରକାରୀ ଯୋଜନାର ଲାଭ ସିଧାସଳଖ ଯୋଗ୍ୟ ବାସିନ୍ଦାଙ୍କ ନିକଟରେ ପହଞ୍ଚାଇବା।

H6. Defence Ministry appeals to media: ଭାରତ-ପାକିସ୍ତାନ ସୀମାରେ ବଢ଼ୁଥିବା ଉତ୍ତେଜନା ମଧ୍ୟରେ ସରକାର ବର୍ତ୍ତମାନ ଗଣମାଧ୍ୟମକୁ କଡ଼ା ନିର୍ଦ୍ଦେଶ ଜାରି କରିଛନ୍ତି। ସରକାର ଗଣମାଧ୍ୟମ ସଂଗଠନଗୁଡ଼ିକୁ ଏହି ମାମଲାର ସମ୍ବେଦନଶୀଳତାକୁ ବିଚାର କରି ସତର୍କତାର ସହ ରିପୋର୍ଟ କରିବାକୁ ମଧ୍ୟ ପୂର୍ବରୁ ନିବେଦନ କରିଥିଲେ। ଏହି ସମୟରେ ପ୍ରତିରକ୍ଷା ମନ୍ତ୍ରଣାଳୟ ଏବେ ଏହି ପରାମର୍ଶକୁ ଦୋହରାଇଛି ଏବଂ ଗଣମାଧ୍ୟମ ସଂସ୍ଥାଗୁଡ଼ିକୁ ମିଥ୍ୟା ଖବରଠାରୁ ଦୂରେଇ ରହିବାକୁ ପରାମର୍ଶ ଦେଇଛି। 

H7. US Supports India: ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତକୁ ବିଶ୍ୱର ବିଭିନ୍ନ ଦେଶରୁ ସମର୍ଥନ ମିଳୁଛି। ଆମେରିକା ଏବଂ ଋଷ ସମେତ ଅଧିକାଂଶ ଦେଶ ଏହି ଆତଙ୍କବାଦୀ ଆକ୍ରମଣକୁ ନିନ୍ଦା କରିଛନ୍ତି। ଏବେ ଆମେରିକାର ପ୍ରତିରକ୍ଷା ମନ୍ତ୍ରୀ ପିଟ୍ ହେଗସେଥ୍ ଏବଂ ଭାରତୀୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ମଧ୍ୟରେ ଏକ ଫୋନ୍ ବାର୍ତ୍ତାଳାପ ହୋଇଛି। ଯେଉଁଥିରେ ଆମେରିକା ଏକ ବଡ଼ ଘୋଷଣା କରି କହିଛି ଯେ ସେ ଭାରତର ପ୍ରତିରକ୍ଷା ଅଧିକାରକୁ ସମର୍ଥନ କରେ।

H8. Girija Vyas Passed Away: ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଡକ୍ଟର ଗିରିଜା ବ୍ୟାସଙ୍କର ଗୁରୁବାର ଦିନ ଅହମଦାବାଦରେ ପରଲୋକ ହୋଇଯାଇଛି। ସେ ଗତ ଗୋଟିଏ ମାସ ଧରି ହସ୍ପିଟାଲରେ ଭର୍ତ୍ତି ଥିଲେ। କୁହାଯାଏ ଯେ ଗଣଗୌର ପୂଜା ସମୟରେ ତାଙ୍କ ସ୍କାର୍ଫରେ ନିଆଁ ଲାଗିଯିବାରୁ ସେ ଗୁରୁତର ଭାବରେ ପୋଡ଼ି ଯାଇଥିଲେ। ପ୍ରାୟ ୯୦ ପ୍ରତିଶତ ପୋଡ଼ିଯିବା ଯୋଗୁଁ, ତାଙ୍କ ଅବସ୍ଥା ଖରାପ ହେବାକୁ ଲାଗିଲା ଏବଂ ଶେଷରେ ସେ ଅହମଦାବାଦର ଜାଇଡସ୍ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କଲେ।

H9. Indian Song Banned In Pakistan: କାଶ୍ମୀରର ପହଲଗାମରେ ପର୍ଯ୍ୟଟକଙ୍କ ଉପରେ ଆତଙ୍କବାଦୀ ଆକ୍ରମଣ ପୁଣି ଥରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନାପୂର୍ଣ୍ଣ ପରିବେଶ ସୃଷ୍ଟି କରିଛି। ଗୋଟିଏ ପଟେ ଭାରତ ସରକାର ପାକିସ୍ତାନ ବିରୁଦ୍ଧରେ କିଛି କଠୋର ନିଷ୍ପତ୍ତି ନେଇଛନ୍ତି। ଅନ୍ୟପଟେ ଆଜି ପାକିସ୍ତାନରେ ପାକିସ୍ତାନ ପ୍ରସାରଣ ସଂଘ ସାରା ଦେଶରେ ଭାରତୀୟ ଗୀତକୁ ବ୍ୟାନ୍ କରିଛି।

H10. IPL 2025 RR vs MI Match: ଆଇପିଏଲ ୨୦୨୫ର ୫୦ତମ ମ୍ୟାଚ୍ ଗୁରୁବାର ରାଜସ୍ଥାନ ରୟାଲ୍ସ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଉଛି। ପ୍ରଥମେ ବ୍ୟାଟିଂ କରି ମୁମ୍ବାଇ ଇଣ୍ଡିଆନ୍ସ ୨୦ ଓଭରରେ ୨ ୱିକେଟ୍ ହରାଇ ୨୧୭ ରନ୍ କରିଥିଲା। ମୁମ୍ବାଇ ପକ୍ଷରୁ ରିଆନ ରିକେଲଟନ ସର୍ବାଧିକ ୬୧ ରନ କରିଥିଲେ। ରାଜସ୍ଥାନ ପକ୍ଷରୁ ତୀକ୍ଷଣା ଏବଂ ପରାଗ ଗୋଟିଏ ଲେଖାଏଁ ୱିକେଟ୍ ନେଇଥିଲେ।