Building collapses: ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ କରୋଲବାଗ ଅଞ୍ଚଳରେ ଆଜି ଏକ ଘର ଭୁଶୁଡ଼ି ପଡ଼ିଥିବାର ସୂଚନା ରହିଛି। ସକାଳ ପ୍ରାୟ ୯ଟା ୧୦ରେ ଏହି ଦୁର୍ଘଟଣା ଘଟିଥିବା ସୂଚନା ରହିଛି। ଅଗ୍ନିଶମ ବିଭାଗର ଅଧିକାରୀଙ୍କ କହିବା ମୁତାବକ ଏହି ଭୁଶୁଡି ପଡିଥିବା ଘର ତଳେ ଏକାଧିକ ଲୋକ ଦବି ରହିଛନ୍ତି। ଉଦ୍ଧାର କାର୍ଯ୍ୟ ଜାରି ରହିଛି। ତେବେ ରିପୋର୍ଟ ଲେଖାଯିବା ବେଳକୁ ଅଗ୍ନିଶମ ବିଭାଗ ୧୨ ଜଣ ଲୋକଙ୍କୁ ଉଦ୍ଧାର କରିଥିଲେ। ତେବେ ଘର ଭୁଶୁଡିବା ଖବର ପାଇବା ମାତ୍ରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଛି।
#WATCH | Delhi: DCP Central M Harsh Vardhan says, "At around 9 AM, information of a building collapse was received at Prasad Nagar Police Station from the area of Bapa Nagar. An old building of approximately 25 square yards area has collapsed. So far, 8 persons have been rescued… https://t.co/n1SywDj5AJ pic.twitter.com/eJNxW7RxNi
— ANI (@ANI) September 18, 2024
ମିଳିଥିବା ସୂଚନା ଅନୁଯାୟୀ ଘଟଣା ସମ୍ପର୍କରେ ସୂଚନା ପାଇ ଦିଲ୍ଲୀ ଅଗ୍ନିଶମ ବିଭାଗର ୫ଟି ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚିଥିଲେ। କରୋଲବାଗ ଅନ୍ତର୍ଗତ ବାପ୍ପା ନଗର ସ୍ଥିତ ଆମ୍ବେଦକର ଗଳି ନିକଟରେ ତିନି ମହଲା କୋଠା ଭୁଶୁଡ଼ି ପଡିଥିଲେ। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଏକ ଭୟର ବାତାବରଣ ସୃଷ୍ଟି ହୋଇଥିଲା।
ସେପଟେ ଉଦ୍ଧାର କାର୍ଯ୍ୟ ସହିତ ସଫେଇ କାର୍ଯ୍ୟ ଜାରି ରହିଛି। ପାଞ୍ଚଟି ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଛନ୍ତି। ରିପୋର୍ଟ ହୋଇଛି ଯେ କୋଠାର କିଛି ଅଂଶ ଭୁଶୁଡି ପଡିଛି ଏବଂ କିଛି ଲୋକ ଆବର୍ଜନା ତଳେ ଫସି ରହିଥିବାର ଆଶଙ୍କା କରାଯାଉଛି। ଏହାକୁ ଧ୍ୟାନରେ ରଖି ଆବର୍ଜନା ହଟାଇବା କାମ ଚାଲିଛି। ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ଆତିଶୀ ମାର୍ଲେନ କରୋଲ ବାଗ ଅଞ୍ଚଳରେ ଘଟଣାକୁ ଏକ ଦୁଃଖଦ ଦୁର୍ଘଟଣା ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ ସେଠାରେ ରହୁଥିବା ଲୋକଙ୍କୁ ଏବଂ ପୀଡିତମାନଙ୍କୁ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବାକୁ ଜିଲ୍ଲା ମାଜିଷ୍ଟ୍ରେଟ ନିର୍ଦ୍ଦେଶ ଦିଆଯାଇଛି। ଯଦି କେହି ଆହତ ହୁଅନ୍ତି, ତେବେ ତାଙ୍କର ଚିକିତ୍ସା କର। ଏହି ଦୁର୍ଘଟଣାର କାରଣ ଖୋଜ। ଏହି ଦୁର୍ଘଟଣା ସମ୍ପର୍କରେ ସେ ଏମସିଡି ମେୟର ସେଲି ଓବରୋଇଙ୍କ ସହ ମଧ୍ୟ କଥା ହୋଇଛନ୍ତି।
Newsletter
