Vinesh Phogat: ନୂଆଦିଲ୍ଲୀ: ନିର୍ବାଚନ ଲଢିବାକୁ ଯାଉଛନ୍ତି କୁସ୍ତିଯୋଦ୍ଧା ବିନେଶ ଫୋଗାଟ। କଂଗ୍ରେସ ତାଙ୍କୁ ପ୍ରାର୍ଥୀ କରିବା ନେଇ ଚର୍ଚ୍ଚା ଜୋର ଧରିଛି। କଂଗ୍ରେସ ପକ୍ଷରୁ କୁହାଯାଇଛି ଯେ ଭିନେଶ ଫୋଗାଟଙ୍କୁ ନିର୍ବାଚନରେ ପ୍ରାର୍ଥୀ କରାଯିବା ଉଚିତ କି ନୁହେଁ ତାହା ମଙ୍ଗଳବାର ଦିନ ସ୍ପଷ୍ଟ କରିବ। ଅଧିକ ଓଜନ ହେତୁ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ମ୍ୟାଚ୍ ହରାଇବା ପରେ ଫେରି ଆସିଥିବା ବିନେଶ ଫୋଗାଟଙ୍କ ସମର୍ଥନରେ ଏକ ରାଲି କରାଯାଇଥିଲା। ଏହି ସମୟରେ ତାଙ୍କ ସହ କଂଗ୍ରେସ ସାଂସଦ ଦୀପେନ୍ଦ୍ର ହୁଡାଙ୍କୁ ଦେଖିବାକୁ ମିଳିଥିଲା। ଏହା ବ୍ୟତୀତ ଭୁପିନ୍ଦର ସିଂ ହୁଡା କହିଥିଲେ ଯେ ଆମେ ବିନେଶ ଫୋଗାଟଙ୍କୁ ସମ୍ମାନିତ କରିବାକୁ ଚାହୁଁଛୁ।
ଯଦି ହରିୟାଣାରେ ଆମର ଗୋଟିଏ ରାଜ୍ୟସଭା ଆସନ ରହିଥାନ୍ତା, ତେବେ ଆମେ ବିନେଶ ଫୋଗାଟଙ୍କୁ ସୁଯୋଗ ଦେଇଥାଆନ୍ତୁ। ଏଭଳି ପରିସ୍ଥିତିରେ ବିଧାନସଭା ନିର୍ବାଚନରେ କଂଗ୍ରେସ ଦ୍ୱାରା ଭିନେଶ ଫୋଗାଟଙ୍କୁ ପ୍ରାର୍ଥୀ ହେବା ବୋଲି ଦୃଢ ଭାବରେ ଆଲୋଚନା ଜାରି ରହିଛି। ସୋମବାର କଂଗ୍ରେସର କେନ୍ଦ୍ରୀୟ ନିର୍ବାଚନ କମିଟିର ଏକ ବୈଠକ ହୋଇଥିଲା। ଏହା ପରେ ଦଳର ସାଧାରଣ ସମ୍ପାଦକ ଦୀପକ ବାବରିଆ କହିଛନ୍ତି ଯେ ମଙ୍ଗଳବାର ଆମେ ଏ ସମ୍ପର୍କରେ ସୂଚନା ଦେବୁ। ପାର୍ଟି ସୂତ୍ରରୁ ଜଣାପଡିଛି ଯେ ପ୍ରାୟ ୩୦ଟି ନାମ ଉପରେ ନିଷ୍ପତ୍ତି ନିଆଯାଇଛି। ରାଜ୍ୟରେ ମୋଟ ବିଧାନସଭା ଆସନ ଅଛି ଏବଂ ଏଥର ଦଳ କେବଳ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛି।
ସେପଟେ ଏହି ବୈଠକ ସମୟରେ ରାହୁଲ ଗାନ୍ଧୀ ଦଳୀୟ ନେତାଙ୍କୁ କହିଥିଲେ କି ଆମ ଆଦମୀ ପାର୍ଟି ସହିତ ଯଦି ନିର୍ବାଚନ ଲଢାଯାଏ ତେବେ ସେମାନଙ୍କର ମତାମତ କଣ ରହିବ। କୁହାଯାଉଛି କକି ରାହୁଲ ଗାନ୍ଧୀ ନେତାଙ୍କୁ ଏହା ଉପରେ ବିଚାର କରିବାକୁ ମଧ୍ୟ ନିର୍ଦ୍ଦେଶ ଦେଇଥିବା ସୂଚନା ରହିଛି। ତେବେ ଏହି ପ୍ରସଙ୍ଗ ଉପରେ ଆଜି କୁମାରୀ ସୈଳଜା ଓ ରଣଦୀପ ସୁରଜେୱାଲାଙ୍କୁ ମଧ୍ୟ ନିର୍ବାଚନରେ ପ୍ରାର୍ଥୀ କରିବା ନେଇ ଆଲୋଚନା ଜୋର ଧରିଛି। ସୈଳଜାଙ୍କୁ ମଧ୍ୟ ଦଳ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ବାଛିବା ନେଇ ଚର୍ଚ୍ଚା ହେଉଛି। ସେହିପରି ସୁରଜୱାଲା ମଧ୍ୟ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଦେଇଥିବା ଦେଖିବାକୁ ମିଳିଛି। ଏହା ମଧ୍ୟରେ ଭୁପିନ୍ଦର ହୁଡ୍ଡା କହିଛନ୍ତି କି ସୁରଜେୱାଲାଙ୍କ ସ୍ଥାନରେ ତାଙ୍କ ପୁଅଙ୍କୁ ପ୍ରାର୍ଥୀ କରିବା ନେଇ ଚର୍ଚ୍ଚା ହେଉଥିବା ସୂଚନା ରହିଛି।
Newsletter
